لـــــــــــــــــــــــــــــــــــــــــــــــــ ـــــــــــــــــــــيلى

[الازوري]

تعبت من الزمن روحه وجيه=ولا لي بالليالي مقدريه
يقوله من يصارع بالليالي=ولكن ذمته منها بريه
ولكني مع الشُعار شاعر=بنات الفكر تكتبها يديه
ليا مني بدعت من المعاني=عزومي قبل تبدعها قويه
ولامني نظمتك يا قصيده=انا عمّ الحروف الأبجديه
سوات الغيث من غرّ السحابه=سحابه وبلها فيه برديه
وانا ماقول انا شاعر زماني=انا اعرف مدحتي نفسي خطيه
ولا يا بنت هاك من المثايل=مثايل صاغها راعي حميه
بعد ما قلتي اني من ربوعك=بسوق القاف سوق الشاذليه
انا من يستريح الدهر عنده=وتحسده الليالي السرمديه
فلاني مثل ابا الطيب وشعره=ولا حتى فحول الجاهليه
ولاني مثل قيس ابن الملوح=ولانتي مثل ليلى العامريه
ولاني مثل ابن لعبون ولا=كما محسن وشعر السامريه
ولكني ليا عاينت نفسي=وراني مثلهم مني وفيه
يعوّد صاحب العقال عاقل=ويرجع صاحب العيات عيه
ولا يا بنت هاك من الضماير=معاني ياكلن الكبد نيه
انا ظالم وانا مظلوم منكم=وانا الجاني وانا المجني عليه
كذا طبعي محاربت الليالي=ودايم بيننا نيران حيه
انا ماني موخر عن ضنايه=ولو يقفون قدامي سريه
وانا ماني بتارك نور عيني=ولو يعطون فيه الفيصليه
الا يا بنت لن قصدك عذابي=فنا ماشي بدرب المهمهيه
ولا يا بنت لن قصدك شقايه=فنا روحي من اسبابك شقيه
ولا يا بنت لن قصدك مماتي=فنا وصيت من بعدي وصيه
انا لن مت ودوني بساعه=ومروبي على نجد العذيه
وقولو هاك هذا من ذبحتي=ولا نبغى من الدّيات ديّه
إلك عمره هديه في حياته=وبعد الموت لك روحه هديه

[مرزوق حمدان العتيبي]

..
.

هنا الابداع بكل معانيه.
....
صح لسانك يالازوري.
..
والله لايهينك .
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الوليد العتيبي]

الازوري
صح لسانك
يا الزحل

[فواز الشيباني]

الازوري
صح لسانك
يعطيك العافيه

[علي الثبيتي]

الازوري صح لسانك مليون
وافيه وافيه وجزله من جزل
وبيض الله وجهك على هذا الابداع

[خلف بن مرزوق]

00
وانا ماقـول انـا شاعـر زمانـي
انا اعرف مدحتي نفسي خطيه

يقولها من يقرالك ياصالح


لله درك يااااااامبدع على الصخري

والحروف الثميييييييينة



دمت بود

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[مقعد الدغيلبي]

الله
الله
الله
ياالازوري
صح اللسانك مليون

[منصور بن فهيد]

الله عليك يالازوري

صح لساااااااااااااااااااااااانك

قصيده جزله وفوق مستوى الاعجاب

تحياتي وتقديري

التوقيع

man.9.our@hotmail.com

[الازوري]

مرزوق العتيبي



الوليدي العتيبي



فواز الشيباني


النشمي




خلف بن مرزوق




مقعد الدغيلبي




النويري

ممنون لمروركم ولا هانت روسكم


صحت ابدانكم

لكم جل التقدير

والا حترام

[طلاع الكريزي]

صح لسانك


اخوك طلاع الكريزي