عزي لحالك وانا ابوك

[فواز الشيباني]

يقول الشاعر

عزي لحالك ياوليدي وانا ابوك=كان الزمان الي وطاني توطاك
تراه ماينفعك لاخالك ولاخوك=لاصار ماتقضي لزومك بيمناك
وربعك لابان الخلل فيك عافوك=اقرب قريبآ لك من الناس يشناك
ان كثر مالك صدقولك وطاعوك=وان قل مابين اياديك شانت حلياك
لوتطلب الماء عندهم مااسقوك=ابعد مزارك عن وطنهم ومرباك
وان طاب حظك قربولك وحبوك=وان باركبك محدن يبي غير فرقاك
وهراجة المجلس لياجيت وروك=منازلآ تطرب نضيرك بدنايك
ولاياقضو منك الوازم وخلوك=تفرقو وتحتمل كل ماجاك
كنك سراج البيت لنور شبوك=ولنقضا اللازم حد الربع طفاك
وليا جفوك اهل الوطن وستخفوك=الع غريسه من وهدم ركاياك
تراك لو ترجع على الرجل صعلوك=احسن من الي تلتجيله وياطاك
وصح لخلان الرخاء لوتعافوك=اعرف ترى اطيبهم لحتجت يجفاك
اعرف ترى مالك من الضيف مفكوك=لولاه يطلب حاجته منك ماجاك

منقول

[شيخ القبيلة]

تسلم يافواز الشيباني ونشكرك على جهودكم الطيبة وأنا معجب بما تطرح واتمنتى لك التوفيق والنجاح من كل قلبي

شيخ القبيلة

[فواز الشيباني]

اخي شيخ القبيلة


مشكور على
المرور الرائع
لاخلا ولاعدم يا غالي

[تاج السلاطين]

تـراه ماينفعـك لاخالـك ولاخـوك
لاصار ماتقضـي لزومـك بيمنـاك

وربعك لابان الخلـل فيـك عافـوك
اقرب قريبآ لك من النـاس يشنـاك


اخـــوي فواز

سلمت يمينك ع النقل الموفق..

قصيده اكثر من رائعه

لا خـــلا ولاعـــدم من تميـــز معالــيك

دمــت بــكل مــودهـ

[((الدلبحي))]

فواز تسلم على القصيده والقصيده لشاعر سليمان ابن شريم

في اعزيز اولده

يقول فيها

عزي لحالك ياعزيز وانا ابوك
كان الزمان اللي وطاني توطاك
تراه ماينفعك خالك ولا اخوك
لاصار ماتقضي لزومك بيمناك

تحيااااااااااااااااااااااااااااااااااااااااااتي

[فواز الشيباني]

اخي تاج السلاطين

جزاك الله الف خير

لاخلا ولاعدم يا غالي

[فواز الشيباني]

اخي الدلحي
صح السان
ابن شريم
جزاك الله الف خير
على المرور العطر
لاخلا ولاعدم يا غالي

[ابـن نـعـيـس]

لاهنت

تحيااااااااااااااااااااااااااااااااااااتي

التوقيع

[فواز الشيباني]

اخي ابن نعيس

مشكور على المرور

الجميل لاخلا ولاعدم يا غالي

[عبدالله العريدي]

ابو طلال

صح السانك و السان ابن شريم

و يعطيك الف عافية على النقل الرائع

لاهنت

ابو خالد الروقي