القحطاني/والذيابي

[الوليد العتيبي]

فلاح القرقاح=
كان عبدالله بن سنان قام وتقدم=
من تقدم على وضح النقا ماتندم=
لكن اصل الذكي مايغسل الدم بالدم=
مايسود الحسود ومايحقق مراده=
علمو عبدالله بن سنان يثبت في محله=دارت الأفلاك والنيره شعمها من شعمها
بيني وبين الذيابي لغز مايقدر يحله =كود رجال ليام(ن) كثرة الدعوه حسمها
عبدالله بن سنان=
قام عبدااه ابن سنان يلي تنادي=
وقفة بالسلاح وبالسيوف الحدادي=
مايحكم البلاد الا رجال البلادي=
مايسود الحسود ومايحقق مراده=
انت ماتقدر تشيل الحمل يالقرقاح خله =استلمها من قريب يابيض الوجه استلمها
انشريها ياصحافه وكتبيها يامجله =البيوت العامره ماكل ظلام هدمها
فلاح القرقاح=
الذيابي شجيع وفيه عزم ومتانه=
مير لقيو عليه الناس خانه وخانه=
لايعاتب عباد الله يعاتب زمانه=
مايسود الحسود ومايحقق مراده=
لانطحنا القوم يابن اسنان ماجتنا المذله =وان بغت تاخذ من خيار ابلنا ناخذ غنمها
الركايب يبيض الشارب غدت مثل الأهله =وانت تشرب من لبن سمحا وتاكل من لحمها
عبدالله بن سنان=
العتيبي شجيع ومن رجال الشجاعه=
وقفتك يوم كامل وقفته نصف ساعه=
انت طماع لكن منت لاقي طماعه=
مايسود الحسود ومايحقق مراده=
انت رجال مريض وداخلك تسعين عله =المباني من عمرها والجزيره من حكمها
يالمطوع روح للمسجد وصل الفرض صله =لاتعرض للمشاكل تاكلك بقعا بفمها
فلاح القرقاح=
الشجاعه على البطلان ماهيب زينه=
عاقبته على الرجال شينه وشينه=
مير لاتدهر وتلج مثل المكينه=
مايسود الحسود ومايحقق مراده=
ماعلي لو صاروا العتبان دوله مستقله =ماهزمها عنتر العبسي لكن الله هزمها
انتبه لصف واحذر لايجي فالصف خله =واحترس لاتكبر الفتنه وتطاك بقدمها
عبدالله بن سنان=
انته الي غشيم ولاتكب الغشامه=
تحسب ان المغازي كل يوم سلامه=
بعد بكره نقومها عليكم قيامه =
مايسود الحسود ومايحقق مراده=
انت يوم انك فهيم وفاهم للعلم كله =العداله من بسطها والخزينه من قسمها
مابها فنجال شاهي مابها فنجال دله =احترم كلمتك مابين الرجاجيل احترمها
فلاح القرقاح=
لاتهجم علينا وانت شاعر مفوه=
ماتشوف الخيال الي علىالروس نوه=
وادي اذكرك في كل ساعه ونوه=
مايسود الحسود ومايحقق مراده=
في بعض الأحيان يابن اسنان لابله لابله =بس تروح ريحها الطيب ولاتطعم طعمها
ودي اسيطر على هذا العتيبي واستغله=لين يكرم لحيته بالعلم الأبيض ويحشمها
عبدالله بن سنان=
والله انا ما نسمع في كلام تقوله=
انت منت بنبي الله ولاانت برسوله=
والمراجل تراها ماتجي بالسهوله=
مايسود الحسود ومايحقق مراده=
انت نايم والسحابه فوق راسك مستهله=مير بعض الناس اظن اوجودها كنه عدمها
منته امسيطر عليه ياجودي لله ولله =الحريقه والعه مافيه فرصه تغتنمها
فلاح القرقاح=
انت دوبك وهذا العلم توه ودوبه=
توا ماحلت الياله وهبت هبوبه=
مير رح للبحر يشبعك ملح ورطوبه=
مايسود الحسود ومايحقق مراده=
زلتك لو جات ماتحسب على القرقاح زله =انت من ناس خفاف انفوس وادنا ماكتمها

[مرزوق حمدان العتيبي]

...
.
محا وره رائعه بين شعار كبار.
..
والاروع منها ذوقك يالوليد ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الوليد العتيبي]

مرزوق واحلى شي
قراتك للموضوع

[الرشيدي]

الوليد عز الله إنك وليده

لاهنت على نقل هالمحاوره

[وليد الزراقي]

الوليد
تشكرعلى نقلها
تحياتي

[الوليد العتيبي]

الرشيدي
شكر لك على المرور

[تركي النفيعي]

الله لايهينك يالوليد على هالمحاوره الرائعه أخوك آلا النفاعي

[الوليد العتيبي]

المشاركة الأصلية كتبت بواسطة آلاد النفاعي

الله لايهينك يالوليد على هالمحاوره الرائعه أخوك آلا النفاعي

آلاد النفاعي

يسعدني

مرورك

[فواز الشيباني]

الله يعطيك العافية

ماقصرت على النقل

وبيض الله وجهك

[الوليد العتيبي]

فواز
مشكور على المرور
ياغالي