الوسم طااااااااااح

[مناحي الفرزه]

الوسم طاح ومنه نبت العـذاء فـاح =وريح الخزامى بالنسانيـس فاحـي
منه النفل مثل الشمطري بالاسيـاح = قامـت تسوقـه لي هبـوب الرياحـي
قالوا زهوره بالخلا جالهـا ضـاح = والوبل فوقه بالمسـاء والصباحـي
في نجد جاء للوسم مسراء ومسراح =سيله تحدر مـن جميـع المناحـي
ماحلاك يانبت الزبيـدي (بالاسيـاح) =من شوفتك تسلى طيـور الفلاحـي
واحمس صدري قدم خطاف الارواح = يوم الثرى والنبـت ريحـه يتاحـي
الوسم طاح وغايتـي كـل ماطـاح = شمشول ذودن مبتنيـه الصلاحـي
ذودن مغاتيرن مع الصوت طفـاح = يرقابها صـم الجبـال الصياحـي
ننزلبها فـي كـل خايـع ومقـراح =شفي قراح وماء الخباري قراحـي
الضيق عن صدري يولي وينـزاح =وامد رجلي عقب مالضيـق زاحـي
مغير اقلـب بالهواجيـس مسبـاح = واهـد قافـي فالمجـي والمراحـي

[سعود بن سعد الحافي]

صح لسانك يالشاعر مناحي


قصيدة رائعة من شاعر رائع ومعروف بالكلمة والمعنى الجميل

صح لسانك مع التحية لك

،،،،،،،،،،،،

[مناحي الفرزه]

سعووود الحافي

صح بدنك

بس فيه نقص في البيت الثاني

قامت تسوقه لي هبوب الرياحي

[اسير الضلام]

صح لسانك قصيده رائعه

[سعد بن مطلق المقاطي]

صح لسانك على على الابيات الطيبه

التوقيع

ديــــــــــــــــواني

[معجب العتيبي]

صح لسانك يامبدع


وننتظر الجديد

التوقيع

[مناحي الفرزه]

البيت الثاني


بالارياح===قامت تسوقه لي هبوب الرياحي

[عبدالله بن طلال]

[align=center]أخي / محمد
اسعدالله اوقاتك
احسنت بهذه الرائعه
وبالنسبه للتصحيح انا قريت البيت قبل أشوف التصحيح على انه ( وقامن يسوقنه هبوب الرياحي ) بالجمع
الله يعافيك وصووووووووووح لسانك[/align]

[أبو نجر النفيعي]

..

الله الله ..

صح لسانك مليون يا مناحي ..

رائعه وجزله .. وبيض الله وجهك يالغالي ..

و وآصل ابداعك ولا تحرمنا من جديدك ..



أخوك

التوقيع

.....

[مناحي الفرزه]

اسير الظلام


صح بدنك