قصيده للشاعر والفارس تركي بن حميد

[الذيابي]

تلعب طرب

تلعب طرب وانا بنومي هواجيس
ما سامرك بالليل كثر الهمومي
أسهر الى نامت عيون الهداريس
بالليل أساهر ساهرات النجومي
أونس بقلبي مثل صلي المحاميس
الله يلوم اللي لحالي يلومي
قالو جهلت وقلت جهل بلا قيس
الجاهل اللي ما يعرف اليمومي
اشوف عدلات الليالي معابيس
ولا احد من الدنيا عظامه سلومي
ما ينبني بنيان من غير تاسيس
ومن لا تعلم ما تثيب العلومي
ولا خير في كثر الحكا والتماليس
وقول بلا فعل يجيبه وهومي
واليا ركبت معالجات المضاريس
يبرد على كبدي لهيب السمومي
بالليل أصالي حاميات المحاميس
والصبح أصالي كل قبا وكومي
واقفن بنا مثل النعام المماريس
الى هف عجل مع رفيع الحزومي
نستلحق اللي يطلبون النواميس
اللي من الاقصين وادنا اللحومي
ولومي على اللي ينقلون العبابيس
أهل الفرنج وكل رامي لحومي
وشلفت تركب بالرماح الأناسيس
وسلت المهار وكل قبا قحومي
والعز فوق معسكرات السواديس
الى قصدت اللي بالاشيا رحومي
قب تنازا بالنشاما كراديس
والطير في روجاتهنه يحومي
إن جن بالميدان مثل الدواويس
وتعاقبوا من فوقهن السهومي
عرج بهلهن كنهن القرانيس
على الطريح مصوبرات كضومي
حتى يزين إلنا المثل والتوانيس
والكيف طاب لمن يفك القحومي
ومن لا يقلط شذرة السيف والكيس
يصبح عليه من الليالي ثلومي
ومن لا يدوس الراي من قبل لا ديس
عليه داسوه العيال القرومي
ومن لا أخذ الدنيا بميز وتقييس
مثل اللي يسبح بحر يعومي
كل القلم من كتبنا بالقراطيس
وركبنا من كثر الادلاج تومي
وشيخ لنا يعطي الفقارا المفاليس
عساه بالدنيا بعز يدومي
حر اليا دبت عليه النواميس
اليا أعترض جول الحباري يحومي
اليا اكترب من بعض الاشيا سبابيس
أعزم ولا بد الفرج للعزومي
ثوب الفرح لبسك نظيف الملابيس
إن قيل بابام الكرب والزحومي
واعمل وتلقا وفهم العلم بالقيس
دنياك لو زانت تراها نقومي
تضحك وتخفي لك خفي الهناديس
تفطر لنا يوم ويومن تصومي
اربع سنين ودمع عيني اماريس
العين تسهر كن فيها الهزومي
يجلي صدا قلبي ضبيح المهاريس
لا جاك شراب الحشايش يعومي
ودلال فوق النار دايم محابيس
إكرامهن دايم علينا لزومي




ارجو ان تنال على رضاكم وإستحسانكم

[ابو وعيل]

أونس بقلبي مثل صلي المحاميس
الله يلوم اللي لحالي يلومي
قالو جهلت وقلت جهل بلا قيس
الجاهل اللي ما يعرف اليمومي




سلمت يمناااك اخوي ... قصيده رائعه وكلمت اروع ويعطيك العافيه

[أبو مقرن]

الشاعر الفارس

ياكبرها عندالله كبراه ؟؟؟!!!

الظاهر انك ماتعرف الشيخ من الفارس ؟؟!! والشاعر ؟؟!!

[فواز الشيباني]

اخي الذيابي

الله يعطيك العافيه
ولا هنت يا غالي

[((الدلبحي))]

اخي الذيابي

الله يعطيك العافيه


تحياااااااااااااااااااااااااااااتي

[ابـن نـعـيـس]

اخي الذيابي

الله يعطيك العافيه


تحيااااااااااااااااااااااااااااااااااااااااااااااا اااااااااااتي

التوقيع

[حاتم العطاوي]

سلمت يمناك يالذيابي

وتركي بن حميد يجب ألا يخلو المنتدى من قصائدة

[شامان]

ماقصرت ..
وبيّض الله وجهك .