قصيدتان جميلتان لاخو وضحة ارجو ان تعجبكم

[اخو وضحة جا]

هذي اول مشاركه لي وحبيت ابداها بقصيدتين من تاليفي وارجو ان تعجبكم
القصيدة الاولى عن وحدة حبيتها والباقي فالقصيدة:

يااللة انا طالبك يا رب الاكوان=يلي عليك الخلق دايم سجودي
ترحم مريض (ن) علتة وسط الاشجان =علة تشيب الراس شيب القعودي
علة تخلي الورع في صف الاكهان=وتجيب راسك للوطا يا عنودي
حبن سكن فالقلب علقلة اغصان=اغصان شوق وذوق وحب(ن) ابودي
حبيتها من نظرة ابطرف الاعيان=وخل البقية تنستر لا تسودي
في عيد الاضحى شفتها والعنا بان=من نظرتي هذيك مقدر اعودي
وجه(ن) كما بدرا تعلى فالطنان=وجهن يحرك مضمرات الهجودي
وعين(ن)كما ليلن تلحف باللحان=عين(ن) تخلي تخلي المهد يصبح لحودي
والرمش شمس(ن)ناعسه ودها اتبان=والخد احمر منبع(ن) للورودي
ما ظنها وحدة من الانس والجان=بنت(ن)تذكرني بحياة الجدودي
مقدر انقصها وهي ماش نقصان=مقدر ومقدر والقدر لة حدودي
قلبي يباها يقول الان الان=ياللة ترزقني مثلها وزودي
ياللة يامنزل علينا ال عمران=تغفر ذنوبي بقولها والجحودي
وانهي كلامي بتّحية للاخوان=وياللة تجعلني بزرعي حصودي

اما القصيدة الثانية فتحمل بلوة من بلاوي الانسان :

قلبي انا صافي من الصف حالية=دايم انا قلبي يحب البشارة
طارت قرون الناس من زود صافية=والحل والترحال ماخذ مسارة
ماحب انا ارخى على القاح وانحية=واسكت على ظلم البشر والفجارة
والحب في قلبي مطرف مجانية=والقلب يحزن كل ماشاف ضارة
احب انا اللي الهروج اتقادية=اليا هرج معاك هرجه تقارة
اليا هرج معاك ماتقدر اتسية=يهرج معاك وكن فمة مغارة
يدفن هروجه ودفنة انتة تدانية=يدفن هروجه تحت بطن الحجارة
واكرة انا الي هرجتة ماتدانية=هرجه سوات مناهقات الحمارة
اشلونك..طيب..كيف حالك مايدرية=عيب(ن)يضيف الرجل في قعر دارة
مير الكلام الي بديتة ابا انهية =واقول ياربي عليك استخارة

وسلامتكم
والي ماهو بفاهم معنى اي كلمة يراسلني

[فواز الشيباني]

صح السانك

يخوي الله يعطيك العافيه
ولا هنت يا غالي

[وليد الزراقي]

مشكور اخوي
وكل شيء واضح
وننتظر مشاركاتك
تحياتي

[سراب الدمع]

السلام عليكم ورحمة الله وبركاته

أخو وضحى في توضيح بسيط لو تغير كلمة عليك فالشطر الثاني من البيت الاول وتحط كلمة لك او إليك تكون الكلمة اصح ولك شكري مجرد راي ياخوي وبالتوفيق واستمع على هالوزنه

[مرزوق حمدان العتيبي]

..
القصيده هذا مكانها الصحيح
والسبب هو الخلل فالوزن وركاكة المعنى في بعض الابيات
واللي نقلها الله يعطيه العافيه ... وزين مافعل ..
اما انت ياخو وضحى ماعليك الا المحاولات ... وان شاء الله بنشوفك شاعر
جيد في المستقبل ... ولازم تحمل النقد وانا اخوك ... واللي مايستفيد من خطاه مايتعلم ..
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[اخو وضحة جا]

زين قولي وش البيت الي فيه الغلط يا خوك انا عارضها على عدة شعراء قولي انا ملحنها ومافيها شي رد علي وعطني توضيح كامل بالغة البدوية

[مرزوق حمدان العتيبي]

يااللة انـا طالبـك يـا رب الاكـوان= يلـي عليـك الخلـق دايـم سجـودي

اولا الخلق يسجدون لله جلا جلاله
وليس يسجدون عليه كما ذكرت .. هذا كمعنى
علاوة على ان ان العجز من بحر والصدر من بحر ..

الخلاصه :
ان المحاولات يبي لهم سمكره ومعجون وبويه مناسبه .
..
ولو ان الوقت ممكن .... كان وضحت لك اكثر ياخو وضحا ...

[اخو وضحة جا]

زين يا يا مرزوق بس هاذي ابشر الحين اعدلة
يا الله انا طالبك يا رب الاكوان = يلي لك انت الخلق دايم سجودي
وغير هذا في شي

[مرزوق حمدان العتيبي]

يا الله انا طالبك يا رب الاكوان = يلي لك انت الخلق دايم سجودي

ميه ميه موزون حاول تضبط كل ابيات القصيده
على هالحال ...
تحياتي

[اخو وضحة جا]

زين وش فيها الباقي وقولي وش رايك في القصيدة الثانية تكفى بكل توضيح انا لو ما اعرفك واعزك كان ما قعت معك للحين