طلب سهل وهو عندي مهم

[حيزوم2]

أريد قصيدة المحدار وشكرا لكم.

[((الدلبحي))]

الاخ الغالي القصيده من هيله واذا تعرف منها شي علمنا وابشر بسعدك


تحياااااااااااااااااااااااااااااااتي

[حيزوم2]

أخي الفاضل الدلبحي مشكور على إعلانك الاستعداد للمساعدة وهذاهو اسم الشاعر:كديميس بن صالح العصيمي العتيبي وهذا بيت منها:
حنا عتيبه محمتين المخليـن
بعنا بسوق الطايلات وشرانا
أخي الغالي ياحبذا لوكانت مسجلة وهذا إيميلي:ram455@hotmail.co.uk

[حيزوم2]

أخي الفاضل الدلبحي لم تأتني بماوعتني أرجوا أن تكون بخير وتأخرك خيرا، وشكرا لك أخي الغالي.

[ابـن نـعـيـس]

حيزوم 2

هذي القصيده اللي وعدك ابها الدلبحي لكن للاسف مكتوبه بس لكن اتمنى ان نكووون قد لبينا طلبك اخوي

واسمحنا في القصووووور ......

سر يالقلم ننقض كـلام المحاميـن=لاصـارت الدعـوا حمايـا حمانـا
نقض الحجج لابد له مـن براهيـن=ومعنـا شهـادة الوفـا لادعـانـا
ومن مدنا بالصاع نجزاه صاعيـن=واللـي ياعادينـا عليـه اعتـدانـا
كان الحميدي وازمـلاه متصافيـن=على الحكي فيما مـا تقـدم حكانـا
تلحقـوا غـارات نـاسٍ قديمـيـن=واخطوا وحنا من خطاهـم خطانـا
ودام الشريعه تنزع العيـن بالعيـن=حنا بما تقـض الشريعـه قضانـا
حنـا بميـزان المعانـي ثقيلـيـن=وعلـى مماشينـا بعـيـدٍ مـدانـا
هيهات لو حولت عكـس الموازيـن=قضا القضا فيما مضـى وانتهانـا
ياحرب لو حطيتو البيـت نصفيـن=ماهـوب موصلكـم ليـا مستوانـا
انتـم رجـال بالمعـارك غثيثيـن=لاكن ما تلحـق اخطاكـم اخطانـا
حنـا عتيبـه ملحقيـن المخلـيـن=بعنـا بسـوق الطايـلات وشرانـا
قومٍ على صولات الايـام ضاريـن=لو عضنا ناب الدهـر مـا قوانـا
يهابنا الطمـاع لـو قلبـه اذهيـن=ونبطش محـلات الطمـع لاغزانـا
لنـا سلـوم غالـيـات المثامـيـن=سلومنـا محـدن حملهـا سـوانـا
في سلم لوماء الوجه عام وشهريـن=وادخيلنـا مامـون داخـل حمانـا
ثلاثمايـة يـوم تــزداد ستـيـن=تنحـا المنايـا عنـه هيبـة لحانـا
ومن حده الموت الحمـر والدياييـن=تخير الحصـن الحصيـن ونصانـا
وبالحيب نملى فارغـات المواعيـن=بيض الصحون ومكرمات الصيانـا
للضيـف والجيـران والمستحقيـن=إليا مـن وهـاب العطايـا عطانـا
ابيوتنـا للضيـف مثـل البساتيـن=يفرح بها الملهـوف ليلـة ضوانـا
نجـود بالماجـود بالعسـر والليـن=وضحك الحجاج وما حلا من نبانـا
حنا على حفظ المواجيب حرّصيـن=مانعطـي الخاطـر قراطيـع مانـا
والجار له واجـب وحنـا وفييـن=ندعيـه للكرمـه ولـو مـا دعانـا
جيرانـا دايـم حشـام وعزيزييـن=وندرا شرفهم عـن كـلام اسفهانـا
حنا بوجـه الجـار دايـم جديديـن=يزيـد مـع زايـده اسنينـه وفانـا
وان جاء نهار المعمعه واللغا الشين=نبيع غـلا الـروح دون اقصرانـا
وان راح مانشـب قفـاه بسكاكيـن=نحمى مجاله عقـب عنـه انتحانـا
وخوينا لو هو مـن اللـي معاديـن=يأمن بنـا فـي كـل درب مشانـا
ليا عودة عشر اكثر النـاس ثنتيـن=وصاروا بغرات الخـوي عقربانـا
وحنالياصرنـا بـدرب متخـاويـن=نرعى الحقوق ولانخـون خويانـا
وحنا منازلنا ورا حضـن ويميـن=هاذيـك ديرتنـا وفيـهـا نشـانـا
وجينا نبا المرباع عنـد القحاطيـن=يوم الزمـان بحـد سيفـه حدانـا
وقالوا لنا ما تاسع الـدار شيخيـن=ونجد العذيه تحـت فيـت عصانـا
وتشاوروا صلبين الآريا الحكيميـن=احدٍ ومـر بالحـرب واحـدٍ نهانـا
ويحتار من يختـار بيـن الأمرّيـن=امـا الدهـر ولا سيـوف اقبلانـا
وتقرر المحـدار بالخـف والقيـنن=مـراً وفاولهـا يرفـرف لـوانـا
وندرأن ما قدامنـا مزرعـة تيـن=لكن علـى روس الافاعـي وطانـا
وزحنا قبايل نجد عن نجد قسميـن=وجينـا بمثنـات البـلاد وبنـانـا
ابيوتنـا كالقـور بيـن الحفيفـيـن=وعلى السنام مـن البـلاد استوانـا
وأخصامنا ما هـم عنـا براضيـن=لكـن هابونـا جمـيـع احـددانـا
لياشبت الهيجا بصـوت المثاريـن=صديق عينك مايجـي فـي نحانـا
وليا ركبنا فـوق مثـل الشياهيـن=تكـره صناديـد القبايـل لقـانـا
عاداتنـا نخلـي سـروج المسنيـن=وأول مـوردت السهـوم اومرانـا
ليا اقبلـن الخيـل قـدم المغيريـن=وليا ادبروا صـاروا حمـاه لقفانـا
حمّاية الساقـات فريـف المقليـن=باموالهـم يرفـون فقـر فقـرانـا
وليا جاء الامر بين القبيلة حليميـن=حلـوا مشاكلنـا وحـازوا رضانـا
وان جاء الامر دولي زحول ٍ ميامين=عند الدول فالمعضـلات اسفرانـا
ومن كان ذا شانه يشيـل الثقيليـن=لو مات حي ٍ فـي قلـوب حربانـا
لو مات قالوا حرب ذا فيه روحيـن=يمكن قحص من وسط قبره وجانـا
وبعض أُومراكم فالملاهـي مغنيـن=علـى الوتـر والعـود دانـا لدانـا
مـر ٍ مغنيـن ومـر ٍ مساجـيـن=وظهورهـم مـيـدان للخيـزرانـا
متخلفيـن وينقـلـون العنـاويـن=ركن التعـارف سجلـوا لـه بيانـا
ولو سمعوا العـذال يقـول غاديـن=قالـوا نمـوت ولانبيـع اخدنـانـا
الفرق واضح لاتقولـون متساويـن=ومصادر التاريـخ منهـا ارتوانـا
ليا ازعلكم التاريخ نكـون راضيـن=ويصبح زعلكم شعبةٍ مـن رضانـا
ومناخ عرجا كان عنـه متغاضيـن=حنـا لتاريـخ القبـايـل قـرانـا
قبيلتـيـن لحربـنـا مستعـديـن=وحنا ليـا زلـزل رعدهـم رسانـا
وطبان وصنيتان طمعـا وشرهيـن=وحنـا قبـل يبـدون فينـا بدانـا
وبعد منـاخٍ دام خمسـة وعشريـن=احدٍ سرى بالليـل واحـدٍ احترانـا
واللي قعد سوى سوات ام ظرفيـن=ويقـول لـو إنـا درانـا سـرانـا
يقـول خلونـا بعرجـا وحيـديـن=ياليـت هاديهـم كـذلـك هـدانـا
دون المعقـل كافحـوا مستميتيـن=لكـن فيهـم بالمهـنـد سطـانـا
وخفوا وهفوا وادبـروا مستخفيـن=وحنا لمـا تملـك ايديهـم حوانـا
اللي حضر من حرب باتوا ذليليـن=واللي ربض عن لابته وش علانـا
اللي هرب واللي لجـو مستجيريـن=واللي قضعناهـم وراحـوا عشانـا
واميرهـم ينخـى بتالـي المقفيـن=ويـقـول رده لاتخـلـوا نسـانـا
وعقب ما شاف انه كسير الجناحين=ألقى السلاح وصار ضمن أمنعانـا
وبيته جلسنا فيـه بيـن الصلاتيـن=وعلـى اشـداده باليسـار اتكـانـا
وكسف قمرهم وسجدوا مستغيثيـن=وطبوا مـن السلـم وحنـا رقانـا
صارت عليهم مثل نكبـة فلسطيـن=مـن نـار قـال الحمـدلله نجانـا
وابن نحيت حجاب بيـن المثاريـن=دارت عليـه بمعتلجهـن رحـانـا
ينخى بني سالم وهم عنـه مقفيـن=وخاب الرجا فيهـم وعـود نخانـا
وجسمه تشارك فيه شلفا ورمحيـن=وشلنـاه واسقـان النحيتـي دوانـا
وحزّن على ربعه وربعه حزينيـن=عليه يوم انـه ثـوى فـي ذرانـا
والحرمليـه كونـهـا يالمساكـيـن=منتمب في هـاك النهـار اقبلانـا
لكـن قابلنـا صعـوط المجانـيـن=الضيغمـي جمـع علينـا عـدانـا
رخم الجموع اللي تفـوق الملاييـن=وانتم معه فـي غزوتـه ياحلفانـا
نفـذ علـى كـل القبايـل قوانيـن=وانتم خضعتوا لـه وحنـا عصانـا
هدر جمل شمـر وقلتـوا مطيعيـن=ويوم إنحنيتوا للامـر مـا انحنانـا
لنا عزايم تفـدح الخصـم وتهيـن=طنا الطنايا مانقـص مـن طانانـا
حصل لنا صولات وايـام وسنيـن=نسقيـه بالسـم الذحـاح وسقـانـا
وكم راس شيخ طاح بين الفريقيـن=نحط مـن فـوق اذبحـاه اذبحانـا
وأنكف عقب ماشاف في جنده البين=هـو مئيسـن منـا وحنـا اكتفانـا
وممكن قضيتوا من بعض دينكم دين=وحنا عقب عـدة ليالـي اقتضانـا
وعبدالعزيز اللي رفع رايـة الديـن=اللـي ليـا خـم النشيـط يتـوانـا
اللي تخاضع له رقـاب الفراعيـن=مـن هيبتـه كـلٍ يريـد الأمانـا
بالسيف صارعناه وسـط المياديـن=وانتم تخامرتـوا سـوات السمانـا
ماعمرنا نذعـن لحكـم السلاطيـن=ألا بيـومٍ ينتصـر بــه حـدانـا
انتم كما شغل الهنـوف ام وجهيـن=اللي لها مع كـل عاشـق ضمانـا
توعد ولا توفـي بوعـد المحبيـن=ودايـم تشبـرق للجديـد وتـدانـا
ليا شفتوا الحاكم نهضتـوا خفيفيـن=وقلتـوا ترانـا ياسنـدنـا تـرانـا
اسمع كلام الضيغمي وافهمه زيـن=فالحربي اللي نـار عنـه ونصانـا
يوم ابن سعدى والحنينـي مخيفيـن=من حرب نار والتووا مـن ورانـا
ماجالهم من حرب فـزاع ومعيـن=كلٍ يقـول مـن الضياغـم بلانـا
وحنا حميناهـم بحـدب العرانيـن=وشالت حمولـن ضاهدتـم ايدانـا
وعن مانقوله حرب سمعوا وداريـن=ميرٍ ان فيهم مـن يحـب المشانـا
وان كان غاوينا البنيـدر وابوعيـن=الشرق الاوسط معتـرف ماغوانـا
اخبارنا قد هـزت الهنـد والصيـن=ولا همنا الهيس العور لـو هجانـا
لو كان فالاعلام ضمـن المذيعيـن=البـاع قاصـر والطويـل اللسانـا
عن الدعاية يـا الحميـدي غنييـن=افعالنـا تشهـد عليـهـا اعـدانـا
وقـولٍ نقولـه ثابـتٍ بالدواويـن=وتاريـخ نجـد المعتمـد مانسانـا
وايام عرجا قـد عطتنـا نياشيـن=وفي يوم معتق يشهـدون اعتقانـا
العفـو عنـد المقـدره للكريميـن=وحنـا ليـا منـا قدرنـا عفـانـا
وكان الحميدي جاء مطية شياطيـن=لـو يشعبونـه مـا لحـق منتهانـا
وان كان له خمـة رخـومٍ ملبيـن=حنا عن انصار الحميدي ما درانـا
هـذا كـلام يفّحـم المستحجـيـن=وعاداتنـا نقطـع لسـان طّلبـانـا

التوقيع

[((الدلبحي))]

حيزوم 2


وهذا ماطلبت موجود وفى به اخي ابن نعيس واعذرني على تاخري والسموحه

ابن نعيس بيض الله وجهك ماقصرت

تحياااااااااااااااااااااااااااااتي

[ابـن نـعـيـس]

الدلبحي

الله يبيض وجهك...وماسوينا الا الواجب


تحياااااااااااااااااااتي

[حيزوم2]

أخوي ابن نعيس والدلبحي أشكركما على هذه الخدمة، وبيض الله وجهيكما .