قصيدة الشمري في قبايل الروقه

[مرزوق المغيري العطاوي]

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هذه القصيده هديه 0لقبيلة الروقه من عتيبه0
قالهاالشاعر الشيخ/عليق بن وبران بن مشرف الكتفاء الشمري00حايل امارة العدوه


يقول من عبر بزينات الامثال =وزاهي القوافي جايبينه جزيله
من جاش اديبٍ ينظم الشعر بالحال =اخذ جزيل القاف وارمي هزيله
الفكر يحضر والحبر فوقهن سال =والقاف مازونٍ على مايبيله
مثايلٍ ماولفوهن الانذال =ولا نقلوهن مدركين الفشيله
شاقن لنظم الشعر ماضين الافعال =يوم الزياره للديار الجميله
يوم الخميس اثنين وعشرين شوال =جينا الرجال اللي علومه نبيله
اولاد( روق) الي عريبين وثقال = قبيلةٍ ياحي والله قبيله
اولاد (روق) اللي لهم صيت وفعا ل =اهل السيوف المرهفات الصقيله
واهل ابيوتٍ راسيه كنها جبال =عز الرفيق ومكرمينٍ نزيله
ذباحت الحايل كريمين الاشبال =متوارثين الطيب نعم القبيله
شرهاتهم ماهي على جمعت المال =فوق الصحون يقلطون الجليله
كبار الصيانا والسمن فوقها سال =اللابه اللي يذبحون المحيله
وبيوتهم لضيف مزبن ومدها =وديارهم كم واحدٍ يلتجيله
لوننشد التاريخ ونشوف وش قال =يشهد لهم تاريخ نجدٍ وجيله
تاريخهم واضح على راس ماطال =تاريخهم بين وكلٍ حكيله
يومٍ على طلال مايبهج الحال =ثار الدخن من حر صلو الفتيله
زادو على الهقوات يوم ادبر الفال =يوم الحرايب والعدو ترتكيله
ميزانهم يرجح على عايلٍ عال =وحريبهم يوم القا عزتيله
قبيلةس ماطاوعو شور عذال =قومٍ على الحراب تشفي غليله
رجالهم ينطح ثلاثين رجال =وخيالهم ينطح جموعٍ وخيله
للزين زينينٍ وللضد جهال =عوق الخصيم اليا بدا منه عيله
قومس يعرفه عاقل الناس والضال =سقم الحريب ومقحمين الدبيله
يشدون سيلٍ يضرب الجال للجال =واللي بوجه السيل لازم يشيله
ودخيلهم يلقا المعزه مهو ذال =وعزالله انه داخل به دخيله
وصديقهم لامن نشدته عن الحال =يقين مايعتاض فيهم بديله
وصديقهم عنه المحاميل تنشال =تنشال لوا ن المحامل ثقيله
وعدوهم يسقونه المر وذلال =باليل يسهر ماتهنا بليل
وعدوهم يذوق تسعين غربال =خلوا على كبده حر ومليله
وعدوهم لوهو من الجيش جمال =بالمعركه خلوه يطرق شليله
يردون حوض الموت جسرين الاقبال =فرسان لاركبو ظهور الاصيله
صولاتهم غدابها كم رجال =وياويل رجالٍ تعرض سبيله
وكم من عقيدٍ وسدو راسه الجال =وشيوخ راحو بالمعارك قتيله
ولو اباعد افعولهم مالها تال =يصعب علي اعداعها من حصيله
يستاهلون المدح عربين الانسال =نسل الرجال اللي علو بالطويله
شين لشوفه زاد مدحي بالاقوال =والقول عقب الفعل اكبر دليله
وجعل الخيال اللي نشا فوقه اخيال =والغيث يمطر من حقوق المخيله
على نفي امع القراره والاجبال =وتسيل كل اشعابها من مسيله
حيث نها دار البطوله والابطال =ديار الكرم والطيب للي يجيله
دار الهم حامينها ماض الاجيال =من دونها ترخص عمارٍ طويله
يقولها اللي ماتغير والامال =قول الحقيقه والصراحه يبيله
وصلات ربي عدماوادين سال =وعدادبراقٍ برق في مخيله
على الذي سن الفرايض والأعمال =نبينا المختار راع الفضيله
[/poet]

[الشايب]

لاهنت يامرزوق على الابيات وبيض الله وجهك وصح لسانك ولسان قائلها

[مرزوق المغيري العطاوي]

الشايب

صح بدنك والاهنت على كل حال

لك تحياتي

[ابن سقيان التوم]

ونعم والله باولاد روق

والشاعر ما عد شي من عنده بل فعلهم الطيب وما ضيهم

الشاعر صورها وابدعها في صورة تليق بأولاد روق

واشكرك يا اخي مرزوق


ابن سقيان

[مرزوق المغيري العطاوي]

الاخ العزيز بن سقيان

طابت اوقاتك بكل خير

اهل الطيبه من مثلك وشرواك0وامثال الشيخ0عليق بن وبران الشمري00

لايزلون فيايقولون0 ومن طيبهم بفخرون بطيب الطيبين

صح بدنك ياخي بن سقيان

تقبل تحيات

اخوك

مرزوق العطاوي

[ابن جدعــان]

مرزوق العطاوي

بيض الله وجهك.

ويستاهلون الا روق مرجحين الموازين.


ولا يسعني الا ان اقول: اجتمع الابداع.

اختيارك موفق

والشاعر مبدع من قبيله لها وزنها.

وفي اهل القول والفعل.

[ان شاء الله يجوز لك الشكل الجديد للقصيده]

[الشــــــعف]

الله يعطيك العافيه ؛؛؛؛؛؛

بس ليتك صغرت الخـــط حتى نعرف نقراها زين الله يحفظك ...

تقبل تحياتي ؛؛؛؛

[الشــــــعف]

اسف على الرد المتأخــــــــــــر

[العطاوي.]

بيض الله وجهك يالعطاوي مرزوق
والله لايهينك
وصح لساااااااااان الشمري ( وعز الله ماعد إلا الصحيح)
قصيده واافيه في ناس وافييييييين ويستحقووونها
.................................................. .................................................. ........
وعندي سؤال بسيط للأخ مرزوق؟؟؟
مارد أحد على الشاعر الشمري؟؟؟ من شعار الروقه؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
مع تحياتي

أخوك وأبن عمك

( العطاوي===== الدوادمي)

[عتيبي 0نت]

مشكـــــــــور ما قصرت اخوي0 مرزوق 0 الله يعطيك العافية

تحيـــــــــــــــــــــــــــــــــــــــــاتي000 00000