لو كنت يا صدام للحرب مشهاب

[سفر الغبيوي]

بسم الذي للخلق رازق ووهاب = ربٍ جميع الخلق ترجي ثوابه
الواحد اللي له ركعنا بالأوجاب = فرضٍ علينا مانخالف كتابه
بديت بدّع القاف من هول الأسباب = أسباب منها الحرّ شقق ثيابه
أنطق بشوف العين والقلب منصاب = وأكتب ابعرض الطرس عن كل مابه
أكتب عن اللي صار بأول شهر آب = في ثاني أيامه نهار الحرابه
يوم أعلن الغدّار غزّوه للأقراب = حرّك جيوشه يمّ جاره وأصابه
روّع هل الديره عجايز وشياب = روّع رضيع الدّيد وأفّزع شبابه
حلل اعروض الخلق للربّ ماهاب= ماخاف من يومٍ شديدٍ عذابه
وأمست جنوده بين سارق ونهاب = وهتّاك لعروض النسا وأغتصابه
وأسترسلت جنّده تطيع أمر الأذناب = في كل دربٍ طاعة أمر العصابه
عصابةٍ حكّمتّ تسمتّ بالأحزاب = بيّن هدفها اليوم كلٍ درابه
وأسترسل الهدّام في كل محراب = يصّدر بياناته ويلقي خطابه
يومٍ يقول الحكم بيدين الأصحاب = ويومٍ يقول السيف عندي جرابه
خالف مواثيق الأمم بتّ الأطناب = خالف شريعتنا وكشّر بنابه
خان العروبه كلها هاف الأنساب = خان الصداقه والعهد والوفابه
طاوع غروره صار قايد للأرهاب = واللي دعاه ( بهتلر الشرق ) صابه
غرّه زمانه وأكتسى العار جلباب = والعار دوده في عظامه رعابه
واليوم جيشك تحّشده سرب وسراب = تجمع زلومك يالخسيس برتابه
ناون على غزّو الجزيرة والأقطاب = تنّوي ولا تدّري عن اللي ربابه
الدار دونه يالنذل عكف الأشناب = تبيع غال الروح تشري ترابه
دونه صواريمٍ عريبين وصلاب = ما تنّحرز والتجربه خير مابه
لوّ كنت يا صدام للحرب مشهاب = نطفي مشاهيبك ونقطع ارقابه
هاذي عوايدنا بحزّات الأنشاب = والحرب نمشيله ولحدٍ يهابه
نمشي دروبٍ كلها شوك واصعاب = نمشي طريقٍ غيرنا مامشابه
والا أنت يالحصني تشيطر بالأكذاب = الرعب في قلبك سكن به وصابه
ياسرع والله روغتك عقب تنصاب = ياعنك منت بواقفٍ للحرابه
أقولها والسيف قطّاع الأرقاب = وعيبٍ على اللي مايوّرد نصابه
وأنخى هل النخّوه عزيزين الأجناب = وأنخى هل الفزعات وأنخى عتابه
وصلاة ربي عدّ ما خطّ بكتاب = واعداد ماتمطر من الما سحابه
على نبيٍ مرسله ربّ الأرباب = الهادي المختار سيد الصحابه

[((الدلبحي))]

صح السانك ولاقصرت

ولاكن فيه اشوية عتب وينك الك ايام عنا

تحيااااااااااااااااااااااااااااااااااتي

[خلف بن مرزوق]

00

الاخ الغالي / سفر

صح لساااانك

ولاهنت على الابيات الجميلة

ننتظر جديدك

وتقبل

تحيااااااااااااااتي

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[فيصل المسعودي]

صح لسانك يالغالي


قصيده رائعه منك


تحياتي

[أبو زيد]

صح لسانك


قصيده رائعه

[مرزوق حمدان العتيبي]

..
.

قصيده رائعه

عليها نقول صح لسانك ..
لاهنت ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سفر الغبيوي]

أخوي وابن عمي الدلبحي

أشكرك على مرورك

وعتبك على الرأس من فوق ،، عسى الله مايشغلنا الا بطاعته
والبركه بالولد (بدر) اللحين صار هو خويكم وينشر لكم من دفاتري القديمه
وعن قريب ينشر قصائده

لك كل الود

[سفر الغبيوي]

الأخ خلف مرزوق

شكرا على مرورك يالغالي
وصح بدنك

لك تحياتي

[سفر الغبيوي]

الأخ فيصل المسعودي

شكرا على مرورك يالغالي
وصح بدنك

لك تحياتي

[سفر الغبيوي]

الأخ ابو زيد

شكرا على مرورك يالغالي
وصح بدنك

لك تحياتي