قصيده في سوق شرق بالكويت - الهيـــــــــــــلا *** منتدى قبيلة عتيبة

ولد نبعان · 30-Sep-2005, 11:12 PM

سلااااااام ماطول عليكم
قصيده لابن الذيب في اهل الكويت

ولعشاق سوق شرق مع التقدير

يا صديق اثنين قهوة تركي وواحد بكيت
موشته لا سبيل ابن العراقي لا ملاه
استريت إن جيتك وإن روح الوقت استريت
قالها واحد من العالم وأنا واقف حذاه
والتفت وقلت يا قلب التعاسة وش بغيت
لو غرامك شربة الدخان ياحي الشلاه
البلا إن ما يزعج الخافق ونينك فالمبيت
لين يرفع لي أذان الفجر وتقام الصلاه
ا********* من الكنكري إن خلطناه بالسميت
صدمة الشيخان ليذلوا لهم عيال الرعاه
والدفاع ال********* يكسره الهجوم المستميت
والشجاع اللي يقارن مستواي بمستواه
ياهل الدوحه نصيحة كان رحتوا للكويت
جنبوا عن سوق شرق حسبنا الله وعلاه
فيه بنت الهاص طاغية على بنت السبيت
وان لقاها شيبة الديمن تعثر في عصاه
من هنوف حبها قفى عليَ وما دريت
حطني في وجهة المدفع ولقاني قفاه
اتصل بارك الله فيك لا منك فضيت
والجهاز اللي تنادي لي معه عطني نداه
ذا كلامك يوم اسمِّعك القصايد بيت بيت
في الصميم وكل بيت ازين من اللي وراه
الله اكبر يوم وكدت لي الوعد وضويت جيت
من تولن وبديتتك على وادي المياه
انصدمت بعنف في مالا توقعت وغديت
دمع كاهل ما عرف طعم السعاده في صباه
كل ماقلت اللقا قلتي اصول الاتكيت
ما يجوز موعد العشاق اسبق له لقاه
لو حجزتي لي جناح ملكي وألا سويت
اللقا لابارك الله فيك لو فأرضن خلاه
موقع في الأرض ما لج فيه ذكرى لوفنيت
الظما والجوع لعيونك ولا زاده وماه
كن في قلبي مثل شجاره اجنوط الونيت
لا شحطها اللي ظروف الوقت باحثت خفاه
اطعنيني لاجل اقول آه بوصالك لا حييت
وان رحلتي ماطعنتيني بعد ما اقول آه
سرع ما رحتي وأنا توي من الأعماق جيت
قلت اعشقك من جديد ومايأست من الحياه
والحقيقة مابغيت ابكي ولكني بكيت
سالت أدموعي على ذيه وذاه
ادري إن ماعاد منها شي لكني استحيت
تحسبين اني بدون احساس وان قلبي صفاه
ان رحلتي والغلا له في ركون القلب بيت
يحفظك من سخر الهدهد لبلقيسة سباه
لو ملكتي غطرسة هتلر وحنكة لزا بيت
ما تناسيتي ليالي الوصل والحب وجفاه
اندهي واقولك لبيه ياروحي فديت
ضحكة كنها مساء الخير من حلو الشفاه
أنتي أنتي سبة الغزو العراقي للكويت
ولو غزى صدام مرة ثانية بغزي معاه

محمد ابن الذيب العجمي

تحياااااااااااتي السلام عليكم ورحمة الله وبركاته