 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
19-Sep-2005, 12:59 AM
|
رقم المشاركة : 1 | |||||||
 |
رديه بن(ودمان)واهل الهافات
السلام عليكم ورحمة الله وبركاته أشهر نقطة بتلك الأيام كانت نقطه ( أبرق الكبريت ) على الحدود بين السعودية والكويت .... تعيـّن بالنقطه بتلك الايام عبد وكلنا عبيد لله إسمه ( سعيد بن ودمان ) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه لكن الشي اللي حفظه التاريخ هو ( أدب التهريب ) جرت مساجلات شعريه كثيره وعديده بين ابن ودمان وبين المهربين ... وعلى اللي كان بينهم من رمي بالبنادق و لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) وبأعطيكم القصايد اللي تم حفظها وجرت بتلك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير..... المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :........ ياهل الهافات عنتـر نـاش جاكـم وا عنا من صادفه بأرضـن خليّـه لعنبوكـم هونـوا جاكـم عناكـم جاكم الموت الحمر ماهـي زريّـه هفوة ٍ زلّت لكـم وإكلـوا خراكـم بيعـوا الهافـات بأقيـام ٍ رديّــه وإعلموا وإدروا ترانا فـي قفاكـم ومن يقاوي له جبل مـا راح نيّـه ياهـل الهافـات عابينـا عباكـم الفـروت جـداد والعزبـه قويّـه ياهـل الهافـات خيّبنـا رجاكـم نحمد اللـي قدرتـه ماهـي خفيّـه بيعوا الهافـات ردوا فـي سراكـم خلّـوا السمـره وطّـوال الحنيّـه الدهر ذعـذع لكـم ثمـن جفاكـم وإفهموا وإدروا ترى في الجحر حيّه خسرت الشركـة وخيّبنـا ثناكـم وبعضكم بالقسط ما خلّـص وديّـه ياهل الهافـات حنـا مـن وراكـم والسعـد قدامنـا فـي كـل هيّـه تحت حكم اللي عن المنكـر نهاكـم عن طريق الديـن تلقـون المنيّـه عندنا اللي يمرجـن باقـي شواكـم خمسـه وستيـن ضـد الجندليّـه والذي هيّض غرامي مـن خطاكـم هرجة ٍ مـن واح ٍ جتنـي خطيّـه بعد ما تسربت القصيده للمهربين رد عليه واحد منهم يقال له فهد الكحيلي ويقول : ياهل الأبرق تبّين لي خطاكـم والخطا راعيه يقنع بالخطيّـه يا عوينك وارد الستّـه لفاكـم وعنترك خربان والخمسه رديّه كم ونيت ٍ لا كمل حمله وطاكم وقاعد ٍ بأرقابهن تثني الهديّـه وإن لحقتم موتره عنده دواكـم أرنب ٍ حمرا عيون مجادعيّـه من قديم وسلمها تاكل خصاكم فعلها في جدكم لا رحم حيّـه إن بغيت الصلح جاكم ما كفاكم وإن بغيت الزود رد العلم ليّـه مضت أيام وطرح ابن ودمان وعسكره هاف موديل سته وستين لولد عم فهد الكحيلي جديد ... عندها إستغل ابن ودمان الفرصه ورد يقول : يا سلاح الحـد يـوم الله عطاكـم لا تهابـون الخطـر والمخطريّـه خلوا الرشـاش مركـوز ٍ حداكـم والمخازن وسطها النـار الصليّـه يالكحيلـي وارد الخمسـه خذاكـم وستّتك مع حملتـه مـا راح نيّـه ربعنا صادوه عانـه مـن وراكـم ما مشى ياكـود ألـف وخمسميّـه والعناتـر يالكحيلـي فـي حراكـم والفروت الحمـر وجنـود السريّـه يالكحيلي ما مشينـا فـي رضاكـم إن زعلتوا أو رضيتـوا بالسويّـه ياهل الهافات مـا خذتـوا قضاكـم ما بكـم قاصـر ولكـن معجزيّـه والكحيلي في قصيـده مـا كفاكـم دوروا غيره تـرى الدنيـا هبيّـه ياهـل الهافـات تالـي منتهـاكـم والله إنـه عنـد سلـك العسكريّـه مثل ٍ ناس قد وطاهم مـا وطاكـم فعلهـم كنّـه عملـكـم بالسـويّـه أو نسفّركـم ونسلـم مـن غثاكـم والحكومـه دونكـم والله غنـيّـه إن مشيتوا بالسنـع محـد ٍ شناكـم ما يجـازى واحـد ٍ مالـه قضيّـه وإن عصيتوا الأمر معروف ٍ جزاكم بأمر شيخ ٍ ما يبى راعي الخطيّـه والحكومـه رتبّتنـا فـي نحـاكـم نمنع المنكر عـن أفـراد الرعيّـه دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول : الخوف لو ضد بالجزمات ما نشركه مذهب شيوعي أموات حنا عيال أمـوات مضمون ما باقي الدوعي وعبيد ورد لنا الهافـات عنده ترى البيع ممنوعي هافات خمسات والستات يالعبد يا قاصر البوعـي جميع يمشن وألا أفـوات والرزق ماهوب مقطوعي إبلا دفاتـر ولا لوحـات والخط ماهوب مشروعي مّرن على العبد بالساعات ما فاختن شوفه أسبوعي يالعبد مرن عليك افـوات وكبوت عنترك مجدوعي عنترك مخشوش بالغابات مسبوع وأبوك مسبوعي هافات ما تخاف العادات كم طنب للهاف مشلوعي وفوراً رد عليه إبن ودمان بهالقصيده : ما ينفـع الـدس والحيـلات والكذب راعيـه مصروعـي ومن زيّف الكذب مالـه ذات حتى ولـو هـو ّ مطيوعـي مانيب مـن يتبـع الغـرات والوجه مـا فيـه داموعـي أدرى قصيري عن الـزلات ولا نيـب خايـن ودانوعـي عبـد ٍ ولا يتبـع الغفـلات وراسي مع الناس مرفوعـي وألا أنت عندي عليك إثبـات في جارتك جعلـك الروعـي فعلك قبيـح ٍ بوقـت ٍ فـات واليـوم مثنـي ومربوعـي ياعبيد يا امجمّـع الخـردات من كل هيس ٍ وصعصعوعي تراك من سالـف الأوقـات دلال مـا نلـت مشروعـي فعلك تشيّـك علىالحمـلات في كـل منكـر وممنوعـي حذفكـم المهـدي بنشـبـات حطـك منشّـه ومشنوعـي حتى إبن شرهان يا حسـرات يلعـب بكـم دون منفوعـي وأخوك بالحبـس والحـرات حّـول مـن الجـو للقوعـي لعب به الوقت لعـب الـزات ما نيب شامـت ومفضوعـي ولا نيب أحب أكشف العورات ألا ليـا صـرت منيوعـي لا شك دونك هـل العـادات شربوا من الجـم قرطوعـي مثل الصبي قاضي الحاجـات طيبه مع النـاس مرزوعـي عليه شرهه ولـه شرهـات أيضا ولا هـوب سعسوعـي نجزي هل السـو ّ بالسيـات ولا نيب في النذل مخدوعـي ونجزي هل الطيب بالحشمات وكل ٍ له القـدر مصنوعـي وهديتك يـا عميلـي جـات ودرب الحيا صار منزوعـي ياعبيد قل لصعفـق هيهـات ماراح ماهـوب مرجوعـي ومسكين يا ناظـم الأبيـات قوالهّـن مالـه ضلـوعـي ينبـح وينخـش بالمنحـات خبل ٍ من العقـل منزوعـي كلمة عقـل مابهـا حوفـات لا شك من راس مصدوعـي وكثر التحوص مـع اللفـات ما تعتمـد كـل رعروعـي والمعركـه وسطهـا قـوات يدخـل بهـا كـل مقلوعـي كانك تبى الحرب هاك وهات ولا تجعل القـاف مدبوعـي وبأنصحك عن ضايع الهقوات تصبح على الخشم مقموعـي ولا تنطح المـوت والغبـات لا تحسـب الغـب ناقوعـي يا عبيد ما صار لك نوهـات مـا غيـر للتـن جاموعـي وخسران لو كان لك هافـات قلبك مـن الغبـن منقوعـي هذا الجزا كان لـك رغبـات وترى الزعل دوم مرفوعـي والله لـو طالـت الـمـدات ما أزعل ولا نيب جازوعـي أيضا ولا أحتـاج للفزعـات وإسمي على الجين مطبوعـي إن كان عدتوا لنـا عـودات والـدار ماهـوب مقطوعـي وصلوا على سيـد السـادات اللـي علىالخلـق مرفوعـي ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي ) ويقول : ياهل الهافات زيـدوا سعرهنّـه إشتروهن نقد وألا بالقصـودي ما حلا مرواحهـن بحمولهنّـه جاوزوهن غيبة الشمس الحدودي أبرق الكبريت لا زم يسهجنّـه مركزك يالعبد بيّـاع الجلـودي ما بغنّـه لازم إنهـن ياصلنّـه فوق والهافات عجلات الردودي كل ما سكّر طريـق ٍ يفتحنّـه يقطعن ّ الطنب ويطيح العمودي والدريسن حملهن مـن سامهنّـه وارد الهافات ما ينقص يزودي عنتـرك بدروبهنّـه حملـنّـه أصبحن يالعبد عن حد النفـودي وكم صبي ٍ بالمساري زاد فنّـه ما ينام الليل والعالـم رقـودي وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات : مل قلب ٍ هيّضـه ناجـي بفنّـه شاعـر ٍ قـام ايتعلـم للـردودي لو تغبى لازمـن نظهـر مغنّـه عارفينه لـو تـذرى بالحـدودي وكل قولك عارفينـه لـو تكنّـه مير ما نبغيك جعلك مـا تعـودي والعلـوم الخايبـه مالـك وهنـه والمرد الشين عندي مـا يكـودي مثل بعض الناس عندي له محنّـه حشمة ٍ لشعيب خذها لك سنـودي والحنش الاسود أنا بأنصحك منّه لا تحسب إنه من العالم شـرودي ومن بغى التهريب هافه لا يحنّـه والخطر قدمه على حد الحـدودي إن نوى الله فكتّه مـا فيـه منّـه كل دربه لا مشى لينـه سهـودي أو يصادف لا نوى ربـي يعنّـه ياخذون الهاف وعيونه شهـودي والعوض من عقبها يخشر بسنّـه والنصيفه من حلالـه للجنـودي مير وين أهل القلـوب المرجهنّـه كانكم توفـون للقـول العهـودي مروا الأبـرق وهـن بحمولهنّـه عارضوا قـدام بابـه يالفهـودي خلوا العنتـر يشـوف أزوالهنّـه والخطوط طوال والدرب امحمودي وما حلا شوف البكم يرثع بشنّـه في عفاش القاع مع جدع الطرودي وما حلا صفق الفشق بجنوبهنّـه والبرن ّ يعدهـن عـد النقـودي وكل هاف ٍ فيـه جنـدي ٍ يقنّـه والمهرب طايح ٍ ما فـاد فـودي والسنافي فـي عهـوده سمهنّـه ياصل الحروات لو دون الحدودي إضربوا درب الخطر والموت سنّه والفتى عمره على اللوح امحدودي والذي يوعـد ولا يوفـي بهنّـه ودك إن ايحط في صدره نهـودي ــ منقول
|
|||||||
|
|
|
|
|
|
|
|
|
|
19-Sep-2005, 01:28 AM
|
رقم المشاركة : 2 | |||||
|
مشكور وماقصرت
وصح لسانك ولسان ابن ودمان تحياتي |
|||||
|
|
|
|
|
|
|
|
|
|
|
19-Sep-2005, 01:32 AM
|
رقم المشاركة : 3 | |||||
|
ماشاءالله عليه
والله المقاوم هذا والله اللي كواهم بلسانه وفعله تشكر يبن نعيس على النقل تحياااااااااااتي |
|||||
|
|
|
|
|
|
|
|
|
|
|
19-Sep-2005, 01:34 AM
|
رقم المشاركة : 4 | |||||
|
طويل الذراع
صح لسانك ويعطيك العافيه ومشكووور على مرووورك الكريم تحيااااااااااااتي |
|||||
|
|
|
|
|
|
|
|
|
|
|
19-Sep-2005, 01:42 AM
|
رقم المشاركة : 5 | |||||
|
فيصل المسعودي يعطيك العافيه والصحه ومشكووور على مرووورك الكريم تحيااااااااااااااتي |
|||||
|
|
|
|
|
|
|
|
|
|
|
19-Sep-2005, 02:20 AM
|
رقم المشاركة : 6 | |||||
 |
تسلم عسا تسلم يمينك من الشر يابن نعيس
وماقصرت الله يعطيك العافية ولك تحياتي |
|||||
|
|
|
|
|
|
|
|
|
|
|
20-Sep-2005, 09:23 AM
|
رقم المشاركة : 7 | |||||
|
المرشدي
جعلك سالم ويعطيك العافيه ومشكووور على مروورك الكريم تحياااااتي |
|||||
|
|
|
|
|
|
|
|
|
|
|
21-Sep-2005, 06:40 PM
|
رقم المشاركة : 8 | ||||||||||||||
|
|
||||||||||||||
|
|
|
|
|
|
|
|
|
|
|
25-Sep-2005, 02:22 PM
|
رقم المشاركة : 9 | |||||||
|
الله يعطيك العافية
ومشكور يالغالي لاهنت على النقل الموفق تحيااااااااااااااتي
|
|||||||
|
|
|
|
|
|
|
|
|
|
|
25-Sep-2005, 07:19 PM
|
رقم المشاركة : 10 | |||||
|
صح السانك والسان صاحب القصيده
ماقصرت تحياااااااااااااااااااااااتي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
