<< خسيتي واقلبي وجهك ولا كلمة ولا جابه >> - الهيـــــــــــــلا *** منتدى قبيلة عتيبة

المخلدي؟؟ · 10-Sep-2005, 06:44 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

اخواني اعضاء منتدي الهيلا الكرام

اخوكم المخلدي غاب عنكم مده طويله وذللك لسفره الي الطائف

انا عتيبي من العضيان من الثعاليه
من المحاني

المهم عندي قصيده وانا قالوااا لي الشاعر فلان

وانا ابي انزلها عندكم بحكم خبرتكم لانكم اكبر مني

اكيد تعرفون من الشاعر

اليكم

خسيتي والزمن حدك ؛ تراهـا ضاعـت الآداب
انا لاطاشت جنونـي ؛ يعـرف الجاهـل آدابـه

وش المغزا من ألكلمه بلا داعي بلا اسبـاب
وهرج الكذب والتجريح ؛ قولي لي وش أسبابـه

أنا ألشرهه علي إني فتحت لخافقي كـم بـاب
ولكن مثل ماجيتـي تـرا كبـر الجمـل بابـه

خذي نفسك معك برا ؛ ثم انقلعي بدون إيـاب
فمان الله ؛ وألأً اقول فمان إبليـس وأصحابـه

تحسبيني على فرقاك أبندم واغـرق الأهـداب
أنا مبسوط يوم إني ؛؛ طردت الشـوم وغرابـه

انا ما أعاشر الخاين ولا اسمع هرجة الكـذاب
ومثلك قيمتـه عنـدي تحـت الزيـرو حسابـه

هذاك اللي تحبينه ؛ حقير و خكـري ولعـاب
عاجبك إن قذلته شقراء ويميّـل بالشعـر كابـه

صحيح انه حقير و زين وشكله للنساء جـذاب
تشّبه بأخته فلانـه ؛؛ ومنهـا الـدم متشابـه

وأنا مانيب حرف الجر ؛؛ تجرينه على الإعراب
أنا حرف ٍ جزم نفسه ؛ ومثلي يصعـب إعرابـه

تشوم النفس عن زينك عقب ما طاح فيها ذباب
وأنا حر ٍ ولد حـر ٍ ؛؛ تركـت الزيـن وذبابـه

أنا يا بنت من ربع ٍ لهم فوق الفخـر محـراب
أنا من روق يا خبله ؛ وربعي الهيله ( عتابـه )

نسيتي ما كلى (عمهوج) وكم روس بدون أرقاب
رزقك الله بحكم اللي حفظ عمهوج فـي جرابـه

أنا شيخ ٍ ولد شيخ ؛ بذكـره تنعـم الأنسـاب
اليا قام العرب كـل(ن) ؛؛ يراجـع دفتـر انسابـه

ولد شيخ ٍ وسط ربعه له بين الرجال حسـاب
اليا ضاقت به الارياء ؛ يهـز الأرض مشعابـه

محنكني على ألطيبه من يومي صغير وشـاب
اجل وش رأيـك بطفـل ٍ دلال القهـوة ألعابـه

ترى بدري على مثلك تعيب وساسهـا معيـاب
يا ليت اللي يعيبنـي ؛؛ يحـاول يستـر ثيابـه

أنا لاجتني الزلة ؛ من الجاهـل وهـو كـذاب
تركت القافله تمشـي ؛؛ ورآهـا تنبـح كلابـه

وأنا ليا من دريت إن الخوي اصبح لسانه داب
نزعت السم من عرقه وكسرت بمخلبـي نابـه

خلاص اليوم يفلانه ؛ كرهتك والقلوب غـراب
و كل طير ٍ بالسماء معروف يشبع بمخلابـه

خسارة مثلك بقلبي تضمـه غرفـة الأحبـاب
وخسارة غلطة العاشـق ؛ يحطـك أول أحبابـه

بعد هذا تبين ارجع لأجل عينك نصير أصحـاب
خسيتي واقلبي وجهك ؛ ولا كلمـه ؛ ولا جابـه

اخوكم احمد العتيبي