فضفضتلى عن سواليف امها اللي كدرتها

[غشام نجد]

فضفضت لي عن سواليف امها اللـي كدرتهـا
والحزن مثل الحسـن لامـر لازم ينوقـف لـه
جت تفلسـف طفلـةٍ مكياجهـا مـن فلسفتهـا
كملت عشريـن عـام ولاتـزال اليـوم طفلـه
يشبـع الخلخـال والسلسـال جايـع برقبتهـا
خيـزرانٍ لينهـا بيـن انتبـاه وبيـن غفلـه
ودي ادري لامشت بشعور الارض اللي تحتهـا
وان تثنت قلت وين اللـي يقـول التـرف لـه
آه .. لولا خصرها قلت اسرفـوا فـي تغذيتهـا
ما افقره بين النعيم ولا يبي من ينتصـف لـه
حاجـةٍ ترطـي عليهـا .. جايبتهـا جايبتهـا
نسمـةٍ ماتعتـرف بالبـاب والحـارس وقفلـه
قلت وش ذا اللي خفق بين الضلوع من اولتهـا
قبل اقول الضيف جاك .. اثره فتح كل الغرف له
يوم قدمته لهـا ليلـة سـرت بـي سلهمتهـا
قالت اتشرف بقلبك يافتى قلـت الشـرف لـه
وطرت مع سرب الحمام اللي طلع من حنجرتهـا
ساعتين وهي تسوق الرمش وابصم واعترف له
تجـدل انفاسـي واذا حسـت دفاهـا كسرتهـا
واطلقتها للهبـوب بكـل طيـشٍ تنجـرف لـه
لين بأخر طيشهـا قصيـت اظافـر شيطنتهـا
لا تشح بكيدها اللي كيدها آبن ادم ضعـف لـه
نسنست عصرية الجمعه وهـي تقـرا بختهـا
بين جمعٍ من العذارى كل شـيٍ منكشـف لـه
كل ماجـن يمشطـن شرطانهـا اللـي تعبتهـا
سمعوها من قصايد خلها اخر مـا انعـرف لـه
ولـدت لحلـمٍ تـدور لـه وتنشـد منظرتهـا
لدت لبـروازٍ اسـود دمعهـا يامـا ذرف لـه
لـدت توصـي مكاتيـبٍ قبـل مـا زرفتـهـا
ضمنتهـا الغاليـه دمعـة وداع وعطـر حفلـه
قلت اراضيها وجيـت وجـات والدنيـا ملتهـا
والغزل دار ولقى المشتاق مشتاق يعـزف لـه
كـل مـا زودت وردي السواليـف اخجلتـهـا
وكل مازاد الحيا قلت : الحلو وش ينكسف له ؟
قالـت امـي تفتكريـن طفلـه وتظلـم بختهـا
صح انا مانيب طفله ؟.. صح انا مانيب طفله ؟

[غشام نجد]

واخرى لناصر القحطاني

خـويـة درب عـمـري مــا خـذانـي دونــه النـسـيـان

وانـا يـا اهـل الملامـه مـا رغبـت العيـش وحـدانـي


ابـي لـي مهـرهٍ ماعسفـت صغيـره وبـنـت حـصـان

ابـوهـا الـلـي يـفــك المشـكـلـه ويـزبــن الـجـانـي


واخـوهــا لا تــعــزوا بـاسـمـهـا فــزولــه الـعـربــان

يـحـق لـهـا الفـخـر فــي قـولـه آآل فــلان جـدانـي


ابـيـهـا فـــي بــحــر عـشـريــن لا زود ولا نـقـصــان

ابيـهـا اقـصـر طويـلـه والـوصـوف اشـكـال الـوانـي
ابي الجبهه كما الصبح وكما القوس اسود الحجان

وابـيـهـا نـاعـسـات ونرجـسـيـه ســـود الاعـيـانــي

ابـي رمـش كمـا ريـشٍ يغطـي الثـلـج ف الاوجــان

وابـي جـفـن يشـيـل الـرمـش طـربـانٍ وكسـلانـي

ابــي خــدٍ كـمــا وردٍ تـنـمـا فـــي طـــرف بـسـتـان

وابـي خشـمٍ صغيـر مثـل حــد السـيـف شامـانـي

ابـي البسمـه كمـا البـرق وثناياهـا كـمـا المـرجـان

وشـفـاهـا جمـرتـيـن وفـمـهـا خــاتــم سلـيـمـانـي

ابـي شعـرٍ مـثـل ذيــل الـفـرس لا طـبـت المـيـدان

او الـشــلال لامـــن بـــات لـيـلـه بــيــن الامـتـانــي

ابــي جـيـدٍ ســوات ابـريـق فـضــه نـاتــقٍ مـلـيـان

وصــــدرٍ كــنــه مــرايــه عـلـيـهـا طــلـــع رمــانـــي

ابـي ظـهـر كـمـا جــدول وقــدٍ مـثـل غـصـن الـبـان

وخـصـرٍ مـثـل مـجـدول العـنـان وجـســم رويـانــي

ابـيـهــا نـابــيــه ردفٍ وبــطـــن ضــامـــرٍ جــوعـــان

ابيـهـا مدمـجـتٍ ســاق وقدمـهـا الـسـان ثعـبـانـي

ابيـهـا بـنــت عـــزٍ مـــن رغـدهــا يـنـعـم الفـسـتـان

ابـي الـرقـه وابــي الـدقـه لـهـا باطرافـهـا شـانـي

ابي المشيه كما اَللي طالع من المعركـه كسبـان

وابيـهـا تــرش مـــع خطـواتـهـا مـســكٍ وريـحـانـي

ابــي صــوتٍ الامـنـي سمعـتـه كــن فـيـه الـحــان

يدغـدغ مسمعـي ويثيـر كـل السحـر ف اشجـانـي

ابيهـا حـب واخــلاص وهواجـيـس وفــرح واحــزان

ابيهـا مـثـل مــا دكـتـور اهـالـي العـشـق وصـانـي

ابـيـهــا لــوحــه مــــا صـورتـهــا ريــشـــه الـفــنــان

ابـيـهـا جـوهــره مـــا جـابـهـا قــاصــي ولا دانــــي

ابيـهـا تنتـصـر لــي مــن زمـــانٍ حـطـنـي نـيـشـان

وتبـشـر بـالـغـلا الـلــي مـــا لـفـابـه واحـــدٍ ثـانــي

مـهـرهـا قـلــب وشـعــر يـهــز الـقـلـب والـوجــدان

والبـسـهـا القـصـيـد وتـصـبـح اوزانـــي وقيـفـانـي

ابي اللي فات واللي فات صعب ومن لقا العنـوان

يــرد العـلـم ولا افـضـل ابـقـى اعـيــش وحـدانــي

[((الدلبحي))]

تسلم يمناك

ماقصرت

تحياااااااااااااااااااااتي

[فيصل المسعودي]

تسلم يداك


على النقل الكريم


لك تحيااااااااتي

[الفهــــــــــد]

سلمت يالغالي
ومشـــــــــــكور على النقل الجيـــــــــد

[غشام نجد]

الدلبحي
فيصل المسعودي
الفهد مشكورين على المرور