بغداد للشاعر / حماد المطرفي الهذلي

[فيصل المسعودي]

الكبت يوم تشوف شي ..وكن عينك ما تشـوف
والكبت يوم تحس شي ..ولا انـت قادرتنطقـه

وتصير ميت حي ..واقف عالة ًبيـن الوقـوف
كذبه صحيح .. ولو يقول الصدق..ماحد ٍصدّقـه

ياصاحبي..مافالزمن طيّب..ولافيـه امعـروف
وقتٍ يسوق الموت الاحمر مع رصاصة بندقـه

موتٍ يغولك..غول..لاطعنـة رمـاح ولاسيـوف
ويروح عمرك للأ لم مابيـن زفـره وشهقـه

كم لي..وانا اعانيك يالحرمان من حضن العطوف
كم لي..وانا والهم والغربال والحـرب حلقـه

أنا ادري انه مايعيش من الرجال إلا الضعـوف
والموت من حظ الشجيع اللـي يدينـه مطلقـه

الله يابغداد..كـم للعلـم طافـك مـن يطـوف
والله!!يالبصره..ياكم تبصـرك عيـن ٍ مغرقـه

والله!!يالكوفه..على شانك ياماتصفـق كفـوف
اليا حلا النـوم لعديـم الراي..منـزوع الثقـه

تبدلت عين المهـا والجسر..بعيـون الخـروف
حتى الرصافه بالرصاصه .. واحمر الدمع ازرقه

يفداك يا أرض العراق الشامـخ اميـات وألـوف
ياكم تأملـت العـراق يكـون فعـلاً محرقـه

لابنا العلوج..ابنا الخنازير..وخفافيـش الكهـوف
الخايبيـن السايـبـن الطغـمـه المستـرزقـه

حنا عرب ..وقت الشدايد مايـدق القلـب خـوف
وأعني ..عرب ذاك الزمان اللي لياله مشرقـه

أيام .. ماكنا نعـرف الجبـن أنـواع وصنـوف
واليوم .. ناكل جبن أنواع .. وفطيـره ومرقـه

الله أكبر..يانداءالحق..يـاجـمـع الـصـفـوف
صفـاً علـى التوحيـد للعليـا يرفـرف بيرقـه

يا حلم..ترجيـه العيون..وحمل..تنفيـه الكتـوف
يالمسلـم العاقـل تأمّـل ..خـاف ربـك واتقـه

يا من كتب شعر الغزل فـعيون نوف وخد نـوف
وين الغزل عني ..وانا والهم والحـرب حلقـه

لا واحسايف!..وش يفيد من التوجد والحسوف
في موقف ٍ يورث بقلـب الحـر نـار ٍ تحرقـه

اليا اصبحت حريـة الإنسـان تُحكـم بالظـروف
كنه بنى له عشره ادوار وسكن فـي صندقـه


للشاعر / حامد المطرفي الهذلي


منقوووووووووول


لكم تحيااااااااااااتي