قصيدة سجينة خميس مشيط ..( قصيده مؤثره )

[فهد العصيمي]

السلام عليكم ورحمة الله وبركاته


هذه قصيدة لسجينة خميس مشيط الشهيرة وهي تصف معاناتها خلف

القضبان وتلتمس العفو لتعيش بقية عمرها بعيدا عن السجن والألم

والحرمان من الأهل والأحباب وهي قصيدة بحق معبرة جدا ...


تقول صرخة سجينة خميس مشيط في قصيدتها :

ألا يا الله يا عالم .. بمـا أجهـرت ومـا أخفيـت=ألا يـا الله تفرجـهـا علـيَّـه.. يــا مسويـهـا
أناظـر للزمـن نظـرة يتيـم مـا لقالـه بـيـت=أناظـر كـل هـا العالـم.. عيونـي مـا تكفيهـا
ألملم فرحتي بيدي .. وأنـا مـن فرحتـي شديـت=ونفسي يوم مات الفـرح .. حزنـي جـاء يعزيهـا
هموم ضيقت صدري .. كثيـرة يـوم أنـا عديـت=لقيـت الحـزن بأولهـا.. وأوسطهـا.. وتاليـهـا
حزن ما يفارقنـي.. معـي لا نمـت.. أو سجيـت=كئيب ما يبـي غيـر السهـر.. والنفـس يشقيهـا
دعيت الله .. يصبرني وأنـا ممـا جـرى مليـت=ونفسي .. يا إله الكـون .. نفسـي مـن يراعيهـا
وش اللي صار في الدنيا.. وش اللي في دنيتي سويت=جاوب يا الحزن أرجوك.. جاوب قلـي وش فيهـا
رجع صوتي يرددنـي.. يـردد كـل مـا ألقيـت=جاوب يا الحزن أرجوك.. جاوب قلـي وش فيهـا
ألا يا ليت.. ألا يا ليت.. ألا يا ليت.. ألا يـا ليـت="ولاة الأمـر" تاصلهـم قصيـدة يـوم أرويـهـا
تمنيـت السعـادة تعـود.. وأنـا والله مـا ظنيـت=سنينـي الماضيـة ترجـع بعيـدة عـن موانيهـا
تفتـت خافقـي والله.. مثلمـا للصخـر تفتـيـت=دوافيـر الصـدر شبـت.. ولكـن مـن يطفيـهـا
إلهي صمت من أجلك.. إلهـي لـك بعـد صليـت=إلهـي يـا إلـه الكـون.. عيـونـي لا تبكيـهـا
أنا منساق لك ركب الذنوب وهـا أنـا .. حسيـت=دخيلـك يـا إلـه الكـون.. عيونـي لا تبكيـهـا
(ست اسنين) بـي مـرت أنـا والهـم.. والتنهيـت=إثنا عشر عيد.. أنا وحـدي سجينـة دون أهاليهـا
وأمي في نهار العيد .. تناديني.. في وسـط البيـت=وترجـع وتذكرنـي .. دمـوع العيـن تهميـهـا
نعمت أول سنيني في جناب الفهـد وافـي الصيـت=مليـك العُـرب والإسـلام وبـلادي اللـي أفديهـا
وعشت اللين والشـدة ولـو قاسيـت مـا قاسيـت=تهـون تهـون مـا دامـت حياتـي عايشـه فيهـا
وأنا لا زلت طمعاً في سنين وعمر غيـر ازريـت=عسـى لـي فـي ذرا عبـدالله أيـامـاً أقضيـهـا
وولي العهـد سلطـان الكـرم والخيـر إذا ناديـت=يلبـي للضعـاف اللـي سهـوم الوقـت ترميـهـا
ألا يا أهل العفـو تكفـون لا حيـه ولانـي ميـت=ألا يا أهـل الكـرم والجـود فكـوا قيـد أياديهـا
أبـي درع الحيـاة ولـو نفيتونـي ورا تكـريـت=يكفينـي سنيـن سـود فـي سجـنـي مخاويـهـا
ألا يا الله يا عالم .. بمـا أجهـرت ومـا أخفيـتأ=لا يــا الله تفرجـهـا علـيَّـه يــا مسويـهـا

وبعيدا عن بشاعة الجريمة بما عملته من استدارج للقتيل والتمثيل به إلا أن الظروف القاسية

من تهديد لها بالصور إثر علاقة سابقة بينهما جعلها تقدم على فعلتها هذه خصوصا أنها


أعلنت توبتها النصوح من فعل المحرمات ..


فاللهم فرج عنها كربها وأزل عنها غمها آمين


مــــنـــقــــول

[الــوآفــي]

اخوي فهد شكرا على القصيده

التي يتضح ان هناك من زاد عليها لان السجينه قالتها قبل مده طويله من وفاة خادم الحرمين رحمه الله ولكن هناك بعض الابيات المضافه عليها


اما عن ما حصل بين القاتله والمقتول فالله اعلم به لا تقذفونها واتركوها الله اعلم بحالها


نتمنى من اهل القتيل التنازل لان وفاتها لن تقدم لابنهم شي اما اذا اعتقت واحتسب اجرها له فقد تدخله برحمة الله الجنه


شكرا من جديد

اخوك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[@المورقي@]

قصيدة حزينة ومؤثرة
يعطيك العافية وعساك على القوة يا فهد
ولاهنت على هذا النقل الموفق



تحياتي

[فهد العصيمي]

أخــــــــــوي ذيــــــــبـــــــان

جزاك الله خير


وأنا لاأعلم عن القصيده شئ ... وكنت أتوقع انها قصيده جديده لأني أول مره

أسمعها .. ولوكنت أعرف أن فيها تحريف لما نقلتها ..

واما ماحصل بين القاتله والقتيل نعم هذا في علم الله ولكني لم

أضع في ذمتي شئ فهذا مانقلته إحدى الصحف المحليه ...


مشكور على المرور والتعقيب

[فهد العصيمي]

هــــــــــــــــلا وغـــــــــــــــلا

@ بالمورقي @


الــــــــلّــــــه يـــقـــويـــك ويـــعـــافـــيـــك

ومـــــــــــشـــــــــــكــــــــور

[((الدلبحي))]

اسأل الله العفو والعافيه

الله يسترنا بستره

تشكر على القصيده

تحيااااااااااااااااااااتي

[نديم الحرف]

قصيدة تعبر عن معانيها
مشكور على النقل يا ((فهد ))

سبحان الله

[فيصل المسعودي]

مشكور على النقل يافهد


نسأل الله العلي القدير ان يفك أسرها


لك اعطر التحايا وازكاها

[ضاري]

مشكور على نقل القصيدة والقصة


انا عندي سؤال

ليش بعض الاحيان نشوف ناس تقتل على امور تجلب العار للاهل ونجد اهليهم يصرون على القصاص؟

هل اصبحنا لا نملك القدرة على التمييز؟

[فهد العصيمي]

المشاركة الأصلية كتبت بواسطة ((الدلبحي))

اسأل الله العفو والعافيه

الله يسترنا بستره

تشكر على القصيده

تحيااااااااااااااااااااتي

اللهم آمين

العفو أخوي الدلبحي

ومشكور على المرور