ابيات شعرية

[نايف الحويماني]

_________ الديوان __________

لاتطوفها علينا تراها ماتطوف
........كان تحسبنا اغبيا انت ماغيرك غبي

كل ما تنوي تسوي جميلة ومعروف
........دق بك عرق الرخامة وعودت صلبي

الردي لو ترفعه للشداد عن الردوف
........مثل ركز الخيط خله يولي وش تبي

ماخلقنا للدراهم عبيد ولا ضعوف
......يوم بعض الناس يركض وراها ويحبي

وان فعلنا طيب مايلحقه منا حسوف
......والتجارة عرف الاخيار صاحب واجنبي

والليالي علمتنا الكتابة والحروف
...............مرة نرتاح وامرار ياكثر تعبي

والاوادم تختلف بالطبايع والشفوف
.....وتعرف خيار العرب دون سكبات وعبي

ولو تشين اصحابنا والليالي والظروف
.........بعد عون الله قويين والضعف يهبي


بنت ياللي في جمالك على الزينات نوف
.........القطاة اصيلة الخيل والعنق الضبي

اطمحي لاهل المواجيب مكرمة الضيوف
.......الضعيف ضعيف لو حط ديوان وصبي

نايف قزعان الحويماني
____________________________