مبروك مبروك ياشعب السعوديه

[شعيل الزلامي]

مبروك مبروك ياشعب السعوديه == تستاهلون الكرم من كف سلماني
ياعز شعبًا على اطهر بقعه ارضيه == واكرم ملوكاً عرفها عهد الانساني
مهد الرسالات والدين الحنيفيه == = = ملجأ المجلا وعز الجار والعاني
بالأمس ابو متعب مظللكم بفيه == كالغيث ماينقطع بالخير وداني
وكنتم تقولون عبدالله من زيه ==== واليوم سلمان مامثله حداً ثاني
سلمان جاكم ودبلها ميه ميه == = في وقت فيه اقتصاد العالم يعاني
اصدر قرارات في لحظه قياسيه == ماقال باكر ولا بعد ويمداني
البر يحتاج تعجيله مع النيه ===== وسلمان بالبر كالبارق بالأمزاني
سلمان سلمان ياحي اسمه وحيه == سلمان رمز المحبه رمز الاحساني
ياشعب سلمان قم واقف له تحيه == سلمان وسط القلوب ونون الأعياني
يادار سلمان محروس ومحيه === في عهد سلمان بإذن الله بأماني
وياهل التطرف ترانا نارنا حيه === توقد على كل متمرد وشيطاني
يارض الجزيره لا تخشين الحراميه == حنا عيالك وبرك عهد مايخاني
ماعندنا للعدى رحمه وماويه === حنا هل العز والنخوه والإيماني