هيضتني ياصاحبي بالتماثيل= قافيه ولغز وبيوتن تشابه
ضيف السعد قدمله البن والهيل= ومجلسك كبر لرجاجيل بابه
لاصار ضيفك من زحول الرجاجيل= قدمله الموجود واللي رضابه
ولاصار ضيفك غير عن كل ماقيل= ياصاحبي قلي هذا وش تبابه
ضيفي قبل عامين وراني الويل= وصرتله لقمه بين ضرسه ونابه
ولقيت منه البهذله والغرابيل= حظي وقشره راح يسعى وجابه
ومن فضل رب البيت صارت تساهيل= دعيت ربي ساعة الاستجابه
الهم مايفرجه حيله ولاحيل= غير الله الخالق وقريت كتابه