لحظه عابره

[وصل الشهيب]

احبائي هنا في منتدانا الرسمي
بعد طول غياب
اشتقنا لكم واليكم هذه اللتي مرت

بلحظه عابره

هلا بالاسم والطاري قدح زند الولع والشوق=سمعت اسمك بلحظه مير مامرت على الماشي
اهاضت بي مشاعر ترتقي لك بالمعاني فوق=تذكرك البيوت اللي كتبها الشاعر الناشي
زمان انتي ولا مثلك ولا مثلي ولا مخلوق=زمان المزرعه واللا زمن رعيان الادباشي
زمان العشق كان ايهز قلب العاشق المعشوق=زمان ن كان ماتنفع به الرشوه ولا الراشي
زمان ن كان ولا زال له حب او وفا وحقوق=ثمن لحظات كانت قمة النشوه والانعاشي
زمن كان التواضع فيه رفعه والاناقه ذوق=زمن كنا ندور مع بعضنا حرب وهواشي
زمن فيه الحيا طبع البنيه والولد مطفوق=يحب الصيد ويحب التماشي والتبلاشي
زمن لايمكن العذراء تسير وثوبها مشقوق=زمن فيه الرجل يقدم قدم واللاش ينحاشي
زمن يامر علي الى ذكرته وابدع الطاروق=وبعد القاف عني ياعيوني بعد الارماشي
واقدم لك هديه غاليه من قلبي الصندوق=بلحظه عابره لكن مامرت على الماشي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

آخر تعديل وصل الشهيب يوم 09-Jan-2013 في 02:42 PM.