العزوه

[راشد النفيعي]

بسم الله الرحمن الرحيم
اخواني قوم الحميه
من لايحمىا في رفيقه وفي لابته لاخير فيه ولايسوى التاليه من الغنم هذا ماهو كلامي وحدي
هذا كلام الرياجيل اللي فيها خير كلهم . وصلني رساله من شخص يدعي انه عتيبي وهو كذاب
هذا الشخص بلغت مشاركاته فوق الألف ومشارك في انساب القبيله وفي ديارها ويعرف
عنهم كل شي لأن اللنت وفر له ذلك . وهو زرع في هذا المنتدى بهذا الاسم ليقتل الرجوله
لدى الرجال . فهو يمتدح القبيله ويمدح شعرائها ومشائخها علمآ انه ليس عتيبي ولاكنه لم يزرع من
اجل الإنتقاص من القبيله . وعندما يحدث خلاف بين عتيبي وعضو اخر من خارج قبيلة عتيبه
تلاحظه جايك يعدي على ايديه ورجوله ووقف بصف الغريب ضد ولد عمه لانه زرع من اجل قتل
الرجوله في القبيله وهذا اختصاصه فقط اللذي حددله . فعندما تشاهدون عضو بهذه الصفات
عقبوه بين الرياجيل قولو له ما انت بعتيبي ولعبتك معروفه ومكشوفه
اكرر هذا الشخص بنتقدني عندما قلت ساقف مع العتيبي حتى ولوكان مخطي وفيه فرق
بين الخطا وبين الظلم فصاحب الظلم لن يجد من يقف معاه وفي هذا الموقف سويت هذه
القصيده امل ان تحوز على رضاكم علما انني عملتها على عجل ولاكنني اوعدكم بقصيده في
هذا الموقف ولن استعجل فيها وبأمرالله تكون شيله بصوت المبدع فهد مطر فقد عزمت الامر
على ذالك

ياهجوسي لا تغيبي حضري عندي هنيا=حضري والفكر حاضر دامها العزوه رهيبه
جعل راسي يندفن لنكان ما عنده حميا=راس مايحما بربعه يالعوارف وش نبيبه
وجعل راس(ن )ماحما مثل النشاما للفنيا=ينهدم بيته وناره تنطفي لوهي شبيبه
اعتبرها جاهليه واعتبر ماهي سويا=واعتبرها مابدلك منت واحد ينعزيبه
كل فارس فالملاقا يلتويله في سميا=يارد اسهوم المنايا ماتعذرب فالطليبه
بالصقور اوصاف ماتشبه وصوفك يالحديا=والسلق فبوه ينسب لو رضع من ثدي ذيبه
مانفكر فالقريب او لانفكر فالقصيا=شبلنا يوم الملاقا ساقهم سوق الذهيبه
نجمنا عانه تعلى فوق نجمك يالثريا=ونت مالك نجم حتى فالغداري تستصيبه
الرخامه ورث ابوك ورث جدك من سنيا=والولد لوهو ورثها معتبرناها غريبه

آخر تعديل راشد النفيعي يوم 08-Jul-2012 في 03:44 PM.

[عايض جزاء العصيمي]

صح لسااااااااااااااااااااانك

[خالد سفر العتيبي]

من هذا ياراشد تكفى حط اسمه عشان اشرشحه صح علي بالحرام لخليه يحرم المكان اللي فيه صح لسانك عداك العيب ياولد عتيبه الهيلا

[العتيبي السعدي الهوازني]

صح لسانك يابن العم ولا عليك من الرخوم لو قامت تحوم ، والرجال تعرفها فوقت الشدة ولا الرخاء كلن لك خوي وكلن فيمناك وكلام العذال لايهمك ومن لا فيه حميه لا لربعه ولا لقبيلته ولا لاخوياه ولا لوطنه ودينه ترى مافيه خير

[!! . مــآجـد . !!]

الله الله

صــح لســـانك يالقرم



..

[راشد النفيعي]

المشاركة الأصلية كتبت بواسطة عايض جزاء العصيمي

صح لسااااااااااااااااااااانك

صح بدنك ياعائض

[راشد النفيعي]

المشاركة الأصلية كتبت بواسطة خالد سفر العتيبي

من هذا ياراشد تكفى حط اسمه عشان اشرشحه صح علي بالحرام لخليه يحرم المكان اللي فيه صح لسانك عداك العيب ياولد عتيبه الهيلا

جاه ماكفاه ونا رفيقك . عانه اختفى . وصح بدنك

[راشد النفيعي]

المشاركة الأصلية كتبت بواسطة العتيبي السعدي الهوازني

صح لسانك يابن العم ولا عليك من الرخوم لو قامت تحوم ، والرجال تعرفها فوقت الشدة ولا الرخاء كلن لك خوي وكلن فيمناك وكلام العذال لايهمك ومن لا فيه حميه لا لربعه ولا لقبيلته ولا لاخوياه ولا لوطنه ودينه ترى مافيه خير

صح لسانك وبيض الله وجهك يالقرم

[راشد النفيعي]

المشاركة الأصلية كتبت بواسطة !! . مــآجـد . !!

الله الله

صــح لســـانك يالقرم



..

صح بدنك ياماجد

[حمد عامر العتيبي]

صح لساانك يا راشد


ونعم فيك يا راع الحميا


جزل وشامخ الله لا يضرك