مرثية قائد نايف الامن

[عبدالرحمن المبطي]

لاخوة زوار واعضاء منتديات قبيلة عتيبه

السلام عليكم ورحمة الله وبركاته

مرثية قائد اضعها امام نواضركم امل ان تحوز على رضاكم

وصلنا الخبر فجآه وقلنا لعله خير= وفاجاني المخبر وليته تعداني
تجاهلت بالمخبرورديت لتشفير= وردت لي الشفره بأن الخبر جاني
ترحمت واسترجعت والموت حق يصير =ولامات من له ذكر طيب وله شأني
ليامات نايف فيه مليون نايف غير= فلانامت أعين كل حاسد وجاباني
عزانا في ابو متعب نجلّه وله توقير= وفي شجرة ال سعود عنبر وريحاني
بناها المؤسس واصدر الامر بالتدبير =تسلسل قياده يخلف الاول الثاني
على منهج المختار لاوعد من شكسبير =ولامجلس امن ولاانتخابات قباني
نبايع على الطاعه مع الحب والتقدير =على منهج المختارسنه وقرآني
مائة عام وزياده ونحن عليها نسير= سجل العطاء حافل بأمنٍ وآماني
مناقبك يانايف كثيره بلاتحصير= سجلك يشرف كل منصف وحقاني
دحرت الخوارج غصب بالفعل والتفكير =ومديت يدك لكل من يبغي الاحساني
وعاملت بالحكمه مطالب هل التزوير= وعالجت فكرٍ بين ملحد وعلماني
نصرت العدل واعلنتها للملأ تحذير =فأنت أسد السنه بحقٍ وبرهاني
الي جنة الفردوس والخلد والتيسير =بأذن ربنا الخالق رحيمٍ ورحماني

بقلم الشاعر/ عبدالرحمن المبطي السلمي

[أخو جوزا]

الله يرحم الامير نايف


صح لساانك

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[فهيد الايدا المورقي]

عبدالرحمن المبطي السلمي صح لسانك


ورحم الله نايف وجعل مثواه الجنه


تحيتي

[عبدالرحمن المبطي]

أخو جوزا

إدارة أقسام القبيله


اشكرك على تفاعلك

وصح بدنك لاهنت

[راعي القوافي]

كفيت ووفيت وصح لسانك ولاهنت شاعر مبدع يا عبد الرحمن المبطي