قتيل الحب

[عثمان الثبيتي]

السلام عليكم
قصيده متواضه ارجو ان تنال استحسانكم

يازين لايغويك شكك والاوهام =قلبي يحبك وانت غاية طموحه
ارفق بقلبً كله جروح والام =وارحم محبً عذب الشوق روحه
تعبت لجل ارضيك واتعبت الاقدام = وانته بساعة وصل نفسك شحوحه
هجرتني والهجر للحب هدام=يقضي على الود ويحطم صروحه
اسهر واعاتب في خيالك ولا انام =واقسى على قلبي واجدد جروحه
والله يا احبك حب ماهو بالاحلام =والقلب يمك مقدر انكر جنوحه
لكن لو تحكم عليه بالاعدام = اقول انا المخطي ومنك السموحه
واقر واستعرف واوقع بالابهام =علمً محد يقدر يشك بوضوحه
قرار من دمي بدل حبر الاقلام = يكتب به الخطاط عنوان لوحه
اني قتيل الحب مع مر الايام =سرً بغيت اخفيه قررت بوحه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه