جديد ابو متعب((الواقع اللي لا هيا من قبوله...الدلخ والدكتور يبدون بالدال))

[فهد الزهراني]

البارحة والليل مرخي سدوله=الله يا ما اثقل دم الليل اذا طال
يا بو خليل اخوك نفسه ملوله=خلك من المنصب و خلك من المال
حلمي قريب و عاجز عن وصوله=عندي جناحين و مكبل بالاغلال
بعض الكلام اكبر من انا نقوله=ما كل ما يطري على البال ينقال
تقدر تقول اصعب كلام بسهولة =لكن كيف تترجم اقوالك افعال
ما كل ما ودك تنوله تنوله =احد اهم اسباب الالام الامال
و اليأس لا يمكن يحقق بطولة =و الجرح لا يمكن يداويه الاهمال
و النعم ما تطلب عليها عمولة =و المرجلة ما تشتريها بالاموال
ليت الفعول من الصبا للكهولة =تلحق بالاسما في بطاقات الاحوال
يا ما عرفت وشفت من بن حموله =ترمي به الدنيا من اهوال لاهوال
وكم من فتى يتجادل الناس حوله=صحايفه سودا وهو خالي البال
و ياكم فتى ما فيه ذرة رجوله =جنسه ذكر لكن ما هوب رجال
المستحيل ابعد من انا نطوله=و السعد مثل الغيم نزال رحال
والواقع اللي لا هيا من قبوله =الدلخ و الدكتور يبدون بالدال
عبدالواحد سعود=