العرب

[مشاري الشلاحي]

بثّو كلامي في جميع القنوات= واخذو الكلام اللي عليه الادله
وانا ما اقول العلم من غير الاثبات= ولا اقولها كذبة ولا هي بزله
حنا العرب حنا فخر وانتصارات= اللي قرا تاريخنا ما يمله
لنا قصص فالمجد والنا روايات= تاريخنا مثل النجوم المطله
سدنا على العالم وقدنا البطولات= والسيف الاملح فالمواقف نسله
نحكم بشرع الله في كل الاوقات= ونمشي على سنه ومذهب ومله
لا صاحت العذرى تدوّر لفزعات= يفزع لها اللي دوم يحضر بحله
ومن دونها حنا من حساب الاموات= والله واكبر تجمع الجيش كله
هذا منوّل وقت عصر الفتوحات= واليوم عيشتنا بغبن ومذله
نقول بنسوي ونجمع ريالات= وناخذ لنا موتر ونسكن بفله
ونقول حنا اهل الوفا والمروات= طبع المهايط صار فينا جبله
والا العرب في سوريا راحو اشتات= من غير قصف وغير امورٍ مخله
الى متى واحنا نردد سياسات= واللي معه حكين نقول اله خله
الى متى واحنا نعيش المعانات= لغزٍ عجز واقع زماني يحله
نقراء ونسمع بانتكاس الحكومات= ونضحك على شاهي وفنجال دله
وامرّ وادها ماهو قادم وآت= واوضاعنا بتزوّد الطيبن بله
امورنا تمشي بحسب العلاقات= شله تساعدها فالاوضاع شله
انفعك وانفعني وهيهات هيهات= الله يكافينا القلوب المغله
غنينا ياكل ويبني عمارات= هذا لحاله دولةٍ مستقله
وفقيرنا من ضيم الايام ما بات= يبكي ولا احدٍ فالزمن فاطنن له
وكم واحدٍ يدرس ويبني طموحات= ويطوي شريط الامنيات ويفله
وعقب الدراسة والتعب والشهادات= يبل مويتها ويقعد محله
الى متى والواسطة فالمجالات= علة نحر تبقى لنا دوم عله
نشوف واقع مرّ ونعيش بسكات= ولا فيه عسر الا اليسر مقبلنله
ياربنا تجعل عوض كل ما فات= في جيلنا المقبل وتحفضه يالله
يا معتلي من فوق سبع السموات= يا واحدٍ نرجي ثوابه وضله
وان ما ضبط وضع السنين الاخيرات= بتروح فيها الدولة المستقله

[وصل الشهيب]

هذا منوّل وقت عصر الفتوحات= واليوم عيشتنا بغبن ومذله
نقول بنسوي ونجمع ريالات= وناخذ لنا موتر ونسكن بفله
ونقول حنا اهل الوفا والمروات= طبع المهايط صار فينا جبله
والا العرب في سوريا راحو اشتات= من غير قصف وغير امورٍ مخله
الى متى واحنا نردد سياسات= واللي معه حكين نقول اله خله
الى متى واحنا نعيش المعانات= لغزٍ عجز واقع زماني يحله
نقراء ونسمع بانتكاس الحكومات= ونضحك على شاهي وفنجال دله
وامرّ وادها ماهو قادم وآت= واوضاعنا بتزوّد الطيبن بله
امورنا تمشي بحسب العلاقات= شله تساعدها فالاوضاع شله
انفعك وانفعني وهيهات هيهات= الله يكافينا القلوب المغله
غنينا ياكل ويبني عمارات= هذا لحاله دولةٍ مستقله

الأخ الشاعر

مشاري الشلاحي

صح لسانك وبيض الله وجهك

كذا القصايد واللا بلاش

القصيده من أول بيت إلى آخر بيت في غاية الروعه والجزاله

أنت شاعر جزل بأمانه

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[مشاري الشلاحي]

وصل الشهيب

صح بدنك والله لا يهينك على تواجدك في صفحتي
وشهادتك اعتز بها الله يطول بعمرك

[عزارم]

هـــذا مــنــوّل وقــــت عــصــر الـفـتـوحـات
والـــــيـــــوم عــيــشــتــنـــا بـــغــــبــــن ومـــــذلــــــه



وان ما ضبط وضع السنين الاخيرات
بـــــتـــــروح فـــيـــهــــا الـــــدولـــــة الـمـســتــقــلــه





صح لسانك ياطيب

[مشاري الشلاحي]

عزارم

صح بدنك

[مرزوق حمدان العتيبي]

..
.
فاخره و مميزه ... تستحق التقييم والاشاده
.. صح لسانكــ يالشلاحي ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD