القرني يبدع والاسعدي يرد - الهيـــــــــــــلا *** منتدى قبيلة عتيبة

ابـــن الأجـواد · 22-Jun-2005, 05:48 AM

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين... وبعد
اخواني اعضاء منتدى الهيلا اسمحو لي ان اقدم لكم محاوره بين الشاعر/علي بن عبد الله القرني يبدع فيها . ويرد عليها الشاعر/واصل بن وصل الاسعدي .............. هذه المحاوره بين زميلين في الدراسه وفي العمل ما بعد الدراسه ومناسبتها بعد قيامهما برحله من الرحلات الخاصه بهم.....
<> البدع<>

بسم رب هالكون ومصــــــــرف الأيام *** أبتدي في الكلام اللـي نويتـــــه
في صاحب عرفـــــــــته مــــــن أعوام *** رجل على يمناك حزه ما بغيتـه
واصل الكريم ابن الكريم ابن الأكــرام *** حزامي وقت الشدايد اليا نخيته
عريب الاصل من أخـــــوال وأعمــــام *** ومن لابته العتبان اصله وبيته
طيب الوفاء فيه وصــــــــــــدق الكلام *** خليته بين الناس ينشاع صيتــه
شاعر لـــه مع القافــــــــــــــيه اقسام *** يجيك رده ضــــوه ليــــا هجيته
خوي البر والليل والمسلمين نيــــــــام*** الذيب ليا عوى قال دربي مشيته
ان نشته عن البر لها بقلبــــــــه غرام *** وان نشت الفيافي قالت هويته
كنه صقـــــــــــــــــــر فوق النايفه حام *** بدوي ما خابت مع الصيد حيلته
له عليَ وفاء ومعـــــــــــــزه واحترام *** وله على ما انساه طول ما حييته
وان فرقتنا الايام وقــــــــــــدرة العَلام *** يبقى خويي اللي بعمري شريته
وبالخاتمه على النبي صلاه وســـلام *** على رسول اوفى في رسالتــــه

ـ مخاوي النشاما ـ علي القرني

<>ويرد الاسعـــــدي<>

حي الله الشاعر رفيع المقـــــــــــــــام *** شعره على بالي ابد ما نسيته
يحط هرجه فوق راسي وســـــــــــــام *** موج هرجه احتواني واحتويته
وحنا من علــــي ما يلحقنا مــــــــلام *** والله ان الرد تأخيره ما شكيته
يا عريب الساس ليا أشـــــــتد الزحام *** يا السنافي في كل مرقاب بريته
أشهد انك من رجال يضدون الســهام *** واشهد انك تعشق البر وسريته
خوتك تنشــــــري بالجاه على الحرام *** الوفا والطيب في النشمي لقيته
والفراسه والشهامه ما منها انقسام *** لازمتكم وانت ساسك قـــد بنيته
جعل راس ما يعـــــــــــــــــزك للعدام *** وجعل شخص ما يودك قد كويته
والبراري لها بقلبــــــــــــه وئـــــــام *** لن مشيت البر انا دايم خذيتــــه
آه يازين البراري ويا زين الخيـــــام *** آه يازين الغـديـر اللي رويتــــــه
وفي النهايه نختم الابيات بـــــالختام *** والمعذار لن كان به شي نسيته

ـ الراســـــي ـ واصل الاسعــــــدي

آخر تعديل ابـــن الأجـواد يوم 30-Jun-2007 في 02:59 AM.

فيصل الثبيتي · 22-Jun-2005, 10:37 AM

يا مرحبا يا فهد

صح لسان الشاعرين

بدع رائع .. ورد اروع

الله يعطيهم العافية

ننتظــر منك جديد طرحك

الفيصـــل

مرزوق حمدان العتيبي · 22-Jun-2005, 01:46 PM

..
يامرحبابك
وما قدمته .... مراسله رائعة
صحت السنتهم
ولسانك...
نقلت للقسم المناسب..
والف شكر ياغالي.

التوقيع

@Marzouq_MHD

((الدلبحي)) · 23-Jun-2005, 01:19 AM

تسلم يمناك ومراسله رائعه

تشكر على طريقة العرض

وصح لسان الشاعرين

تحيااااااااااااتي

ابـــن الأجـواد · 23-Jun-2005, 04:31 AM

الله يحييكم جميييييييييييييييييع وابشرررررررررررررررررور
والله يقدرني على حسن رضاكم

فيصل المسعودي · 26-Jun-2005, 03:14 AM

أبن الأجواد

صـــــــــح

لسانك

وألسنتهم

تحياتي

لكم.

ابـــن الأجـواد · 26-Jun-2005, 03:43 AM

الله يســــــــــــــــــــــــــــــــــــــــــــــــ ــــــلمك اخووووي
فيصل واشكرك على تواضعك الدائم

تحايتي

لك

ودمـــــــــــــــــــــــــــــــــــــــــــــــ ـــــــــــــــــت ,,,,