وين حضرة الشعار ؟

[عبدالمجيد الثعلي]

هنــا , . الشعار والشتو والشعـار والصيف=تساوى بدرجات الحرارة والبرودة
عواقب سيل جده . فأنابيب التصاريـف=ولا تحلب ديوس الرموحه والهبودّه

آخر تعديل عبدالمجيد الثعلي يوم 20-Mar-2012 في 04:12 AM.

[قيس العازمي]

هنا الشعار والوانهم زادت على الطيف

......................... وكلٍ حسب مقدرته يثبَت وجوده


تهرج يابن ثعلي وصب لنا من الكيف

..................... وانا مدري تسوق الجمل ولا تقوده

[عبدالمجيد الثعلي]

ترى حافز بلا واسطـة مشروع توظيـف=نظام وتشمل العاطلين أكثر بنودّه
ياقيس العازمي لابحثنا أوراق الأرشيف=على الرحلات تحجز ذهاب بدون عـوده

آخر تعديل عبدالمجيد الثعلي يوم 20-Mar-2012 في 05:05 AM.

[قيس العازمي]

على ماقيل مافيه شي بدون تعريف

...................... وجم العد يعرف ياثعلي من وروده


بروق الصيف منتوجها رش وعواصيف

.................... ولكن الربيع انتباشر من رعوده

[ابوحاتم الروقي]

بروق الصيف منتوجها رش وعواصيف .................... ولكن الربيع انتباشر من رعوده

[عبدالمجيد الثعلي]

شعار فيه نخلة مابين السيف و السيــف =أمل للي يبا يعوض في نقصـه .. بزوده
على جرتك الأثار لا رؤوس المشاريف=تشد وتنزل لحـال . طرقتك محدوده

آخر تعديل عبدالمجيد الثعلي يوم 20-Mar-2012 في 06:01 AM.

[قيس العازمي]

انا مابغى ابن ثعلي يصير من الملاقيف

....................... يشد البيت طنبه لاجل يثبت عموده


وترى مايظهر الناس ياكود المواقيف

...................... احد تثمر جهوده واحد تفلس جهوده



وتصبح على خير الصلاه جات والاتصال تعبان


والجايات اكثر انشاء الله

[ابوحاتم الروقي]

وترى مايظهر الناس ياكود المواقيف

...................... احد تثمر جهوده واحد تفلس جهوده

صح السانك

وصح السان الثعلي

[عبدالمجيد الثعلي]

صح بدنك وماقصرت


وسعدت بك والساري يلقى خير

وان شاء الله نتواجه طيبين متعافين


لاهنت يا إبن عاصي

[ذعير العالي]

صحت السنتكم

ومتااااااابع