مـــــــــــــرثيه

[@@صقر روق@@]

هذه القصيده للشاعر/نايف الفهيد الاسعدي
يرثي خاله الفقيد صالح الفهيد الاسعدي رحمه الله



يامال قلب قام يجول اجوالي
اجوال دلو لانزل يضرب الجال
تومي به الاقدار شرق وشمالي
اوماي سيف يهتوش بيد خيال
والا كما طير يتل الحبالي
احبال جوت ثابته بيد حبال
واقلبي اللي كن يصلاه صالي
جرحي عطيب وداخل القلب ولوال
ياعين وان عفتي منام الليالي
طار الكرى والدمع من حاجرك سال
تشكين ياعين الشقا فقد خالي
كثر السهر والدمع ماينفع الخال
ادعي له الرحمن ذو الجلالي
في جنه الفردوس في في واظلال
يالله ياوالي على كل والي
حرم اعظامه عن لهيب اشهب الال
خالي فقيده وافقدوه الرجالي
كريم سبلا يبذل الجاه والمال
يعطي ويصرف دايم مايبالي
رزقه على المعبود تيسير ينهال
خالي اليا ركب الرشا للمحالي
له وقفه ياصاحبي تشفي البال
نبكيك ياراعي الحطب والدلال
والحيل والحشوان ياطيب الفال
انا اشهد انه مدرك للمعالي
وانا اشهد ان الناس تضرب به امثال
انا اشهد انه مايعوض بتالي
وانا اشهد انه للحلاحيل حلال
وانا اشهد انه مايعرف الميالي
وانا اشهد انه للمواجيب شيال
والناس تشهد وانا فرد لحالي
والشمس مارده عن الناس غربال
خالي رحل ومخلفن له عيال
عيال حر ماكره باوسط الجال
في ساقته مايقصرون المجالي
هاذي اسوات معرب الجد والخال
العمر يالمخلوق ظل وزوالي
يالله تعين الروح لاجاه نزال
ذي سنه المعبود اول وتالي
درب عليه الخلق ماعنه محوال
وصلاه ربي عد وبل الخيالي
على النبي الهاشمي خير من قال

شعر/ نايف صالح الفهــــيد الاســـعدي العتيبي


أسأل الله العلي العضيم ان يتغمده في واسع رحمته وفسيح جنته اللهم امـــــين..

[محمد العتيبي]

الله يرحم / صالح الفهيد الأسعدي

ويرحم اموات المسلمين ..

وصح لسان الشاعر المبدع / نايف الفهيد الأسعدي ..

ولا هنت ياغالي
...

التوقيع

للتواصل عبر twitter تويتر al_bargawy@

[محمد الذيابـــي]

الله يرحم / صالح الفهيد الأسعدي

ويرحم اموات المسلمين ..

وصح لسان الشاعر المبدع / نايف الفهيد الأسعدي ..

ولا هنت ياغالي

التوقيع

التوقيع محمد الذيابـــي