راكب اللي كنّ مشيه مشي ذيب ..

[تركي ابوسباحه العصيمي]

السلإم عليكم ورحمة الله وبركإته ..
صبجكم الله بالخيرات ،
الشعر أغراضه وأنواعه كثيره والوصف من أنواعه ..
وهذه قصيده كتبتها في وصف كحيلإن الجيب الشاص لعلها تحوز على رضاكم !



.. وأقول ..

راكب اللي كن مشيه مشي ذيّب=مشي ذيب ٍ مدهله جوف الهضاب
من يحط ابه الذهب ماجاه عيّب=وأشهد أنه فاعلٍ عين الصواب
واقصد ابهرجي بنوع الشاص جيّب=موتر اللي لإنزل وبل السحاب
عشقه ثم فزبه قبل المغيّب=يوم طاب اله المشي والحظ طاب
راكب ٍ جنبه على الباب الصحيّب=الرفيق اللي ينومس فالذهاب
ناحروبه يمّ نبّات العشيّب=الديار اللي تزيل الأكتياب
البختري والخزامى ريح طيّب=والسماء كاسيه ربي بالضباب
البدي لونه كما لون الحليّب=والخطوط إتشابه إضلوع الذياب
والمكينه صوت ذيب ٍ في قليّب=يعوي ابصوته وجرّ الصوت ذاب
ينده اللي ينقذه من هالنصيّب=يوم طاح ابه القدر والحظ خاب
والتواير مشيها مشي ٍ رهيّب=مشيها يعجبك من فوق التراب
والهياكل شكلها شكل ٍ غريّب=صممت تصميم وافي بنسياب
والله انه شف راسي مايطيّب=تصبح همومي على ليلي عذاب
لين اجود طارته قبل المشيّب=وا تمنى شريته يومي شباب
طارت اللي كنّ مشيه مشي ذيب=مشي ذيبٍ مدهله جوف الهضاب

[قيس العازمي]

صح لسانك يابو سباحه



وصف جميل جداً



والسما كاسيه ربي بالضباب



ليه مهوب السحاب



تقبل مروري

[تركي ابوسباحه العصيمي]

ههههههههههههههه .. صح بدنك
السحاب قد سرت
وأنت بالنقد عجل مير الله يستر عليك من الحوادث توقع واربط الحزام

[فيصل مطر]

صح لسانك ياتركي
راااايع
تقبل
مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[تركي ابوسباحه العصيمي]

فيصل مطر .. صح بدنك
وشااكر لك مرورك لإهنت

[عبدالله جبارالعتيبي]

تركي العصيمي


صح لسانك


قصيده جزله ووافيه


الله يعطيك خير هالجيب إن كان هو موترك

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[تركي ابوسباحه العصيمي]

عبدالله جبار / صح بدنك وشاكر لك مرورك .
والله وأنا خوك ودي أنه موتري لكن دراهمه ضدي .
يبا الله يجيبه عن قريب انشاءلله

[قيس العازمي]

مدري وش تقصد بعجل

ههههههههههههه


اخوي تركي ابو سباحه


اولاً انا لم انتبه للكلمه انها ساريه


ثانياً المصداقيه مطلوبه فالتعليق والنقد الهادف يفيد مايضر


ثالثاً يعلم الله ان ملاحظاتي كلها من محبتك وغلاك عندي


ومن حرصي على ظهور المنتدى بالشكل المطلوب


وانتظرني في موضوع بهذه المناسبه بعنوان المصداقيه فالتعليق



تحياتي وتقديري

[تركي ابوسباحه العصيمي]

هههههههههههههه ..

يامرحبابك ياقيس العازمي ..

وعجل أقصد بها أنك طال عمرك نطلة كلمة ( السحاب ) وانت ماتدري أنها سرت

هذا يدل على أنك نقدت على القصيده من دون تمعن ركد وضعك وانا خوك ثم أنقد

على راحتك وأنا والله ثم والله أني أفرح بالنقد بالعكس النقد شيء يفيد .. واللي يفيد
مانرده طال عمرك ..

ومن ناحية أنك تقول ظهور المنتدى على الشكل المطللوب .. الحمدلله قصيدتي مافيهاا

شيء واثنوا عليها شعار وقالوا صح لسانك وأنت الله يهديك جيت طاير ونطلت كلمه

ولإ تمعنت فالقصيده زيــــــــن ههههههههههههههه

لإكن ياهلإبك ومرحبابك وشرواك نفتخر أنه يمرّ على القصيده

وموضوعك اللي تقوله عن مصداقية التعليق .. موضوع مهمه

وأطلب من المراقبين تثبيتــه مقدماً بحكم أنه
موضوع هادف ..

لك جلّ أحترامي ..

[ابن سلوم الهيلوم]

حياك الله يا تركي وصح لساانك وبيض الله وجهك

والشاعر الكبير لافي الغيداني يقول في الجيب

كذلك

راكب اللي كن زوله زول ذيب 00ان نطحته وان قفيته من ورا