عبدالعزيز العازمي و الفهمي (السلطنه وسيف ابن الوليد)

[نبض الكلام]

العازمي
اقول لك ياسيف والا اقول يا عبدالحميد == انته قضيه صايره لكن نلقى حلها

الي يقربها قريب مايبعدها بعيد == والا بدون اسلاح مايلقى بلد يحتلها

سيف شبابه
الي تقوله مايبي ينقص رصيد ولا يزيد == اقولها لك وانته لن جاتك عتيبه قلها

عبدالحميد السلطنه والسيف سيف ابن الوليد == جلا الذي طلعك من دق العلوم وجلها

العازمي
انا معي علم وخبر وانته معك علماً جديد == يالشاعر الي ماتفكر في الاسامي كلها

عبدالعزيز موحد الدوله على الراي الرشيد == ياصاحب التفكير والعقل اللبيب افطلها

سيف شبابه
انته معك علم وخبر لكن مادري ويش تريد == اما اكتم الاخبار والاسرار والأ هلها

كم واحدً سموه باسمه مير عياء لايفيد == ماكل من هاز الجبال النايفه واصلها

العازمي
حسني مبارك ماتبارك والكوارث في الصعيد == وان كان هذي سيرة الجيران ويش نعملها

حاول تضبط صورتك بالثوب قبل انه يبيد == يالي تقول ان السنين القادمه لعلها

سيف شبابه
حسني مبارك ياعميل الخير خير من العقيد == ماعاد باقي في يدك غير الدموع تهلها

الحمدلله كلها الايام ياعزوز عيد == والي تسبب في بيوت العز خله خلها

العازمي
الي مربط في القفص لو مات ماقالو شهيد == والي بعث نفسه شهيده في الحساب احسلها

نتمنى ان يحوز على رضاكم