من مراسلات العمالقة : عبدالله بن عون و مرشد البذال

[نجم شامي]

هذه القصيدة موجهها الشاعرالكبير عبدالله بن نايف بن عون إلى الشاعرالكبيرمرشد بن سعد البذال الرشيدي

هات  القلم  يا  مال   زينات   الأوفاقيا صاح  ونسني  ترى  خاطري  ضيق

خل  القـلم  من  بين  اصابعـك  دفاقيرعف على  صفحات  بيض  ٍ  لواهيق

يرسم   عليهن   ما   تحالا   للا   ذواقطرايف  ٍ   تشرح   صدور   ٍ   مغاليق

تصريف  هجس  ٍ  ما  تسلف  ولا  باقلو   القوافي   قد   رموها    التفافيق

حطوا لهم قبلي على الطرق  طوراقوالسبك  غير  السبك  صوره  وتطبيق

لا   سالبً    معنى    ولانيب    سراقولا خير  في  قول  ٍ  يجي  فيه  تبريق

اقبل  طلوع  الفجر   وانباج   الأشراقوانا     اتقلب     ماتريح     ولا     ليق

بلشان  مع  قلب  ٍ  مغربل   ومشتاقادخل  على  الله  من   ترد   التوافيق

قلب  ٍ  هواجيسه   وهمه   له   ارفاقلحقا   ً   عليه   مغربلات   العشاشيق

يطرق  عليه  من  الهواجيس   طـراقويزرق   عليه   من   الروابع   زواريق

من  واهج  ٍ  يدهجني  الصدرابه  ضاقامسي بضيق ويصبح الصبح في  ضيق

كـني  بيوم   التفت   الساق   بالساقشاخص بصيره في  حساب  ٍ  وتدقيق

مالي  على  الفايت  ليا  فات  ملحاقفات  الفوات  وقربت  يبست   الريق

عليك   ياللي   حـط   بالقـلب   دقاقاونس    رجيفه    مرقـل    بالمعاليق

سمح  المحيا   شيخ   زينات   الاخلاقاللي   عليه    اعلام    قلبي    مدانيق

مجمول   ٍ   اجمل   ماتجمل   ومالاقورد  ٍ   تغريف   ماعـبث   به   ولاذيق

للبيض  من   دونه   فلا   ني   بعشاقمن  غير  ذم  ٍ  في   رقاب   الغرانيق

خل  ٍ   غلاه   بداخل   الجوف   لصاقومخرق   ٍ    رمانة    القلب    تخريق

ليا   اعترض   طاريه   للذهـن   مراقتجاوبن    جناحـن    قـلبي    بتصفيق

خلا  ني  اخلج  مثل  ما   تخلج   الناقاللي     ولدها     ضيعوه     الملاحيق

عليه   اجاوب    لايع    الورق    بلعاقواهرف هريف الذيب  نصوه  وتطريق

يسوقـني  من   ضيقة   البال   سواقلاطول حجا ً  حولي  على  متنه  اويق

اويق  في  متن  الحجا  ضيق  وشياقاخذ   براس   الرجم   غـفله   وترويق

رجم ٍ براسه  لأشهب  اللون  مشراقوللريح  في  شامخ   ركونه   تصافيق

حبيس راس الرجم لين  ان  الاشفاقيسوقهن    داجي    ضلام     الحناديق

كنه  يوسع  خاطري   عـقب   الاغلاقيوم اعـتـلى في متن بعـض الشواهيق

من عبرةً  ٍ  في  داخل  الحلق  بخناقما  غير  اذودها  على  قدر  ما   طيق

اكتم  اشهاق  ويظهر  الصوت  بشهاقمالي   نديم    الا    زفير    التشاهيق

زفير   عبراتً    مطرهن    ليا    راقغرق  هميله   مقدم   الجيب   تغـريق

اخذ من  الضيقه  على  قدر  الا  نفاقمن ما  بصندوق  النحر  عقب  مافيق

واصيح   للبذال   في   متن    شوهاقحيثه  من  اشخاص  الرجال  المواثيق

كوده  يشاكيني  على   جور   الاضياقاللي  هجوسي   في   بحرها   غواريق

يا مرشد اشكي  لك  غرابيل  الاشواقاللي   لحقـني   من   وراها    ملاحيق

مشرقـني الهاجوس يا مرشد  اشراقكني    عليه    موكل    ً     بالتحاقيق

يا   بوسعد   حيثك    مجرب    وفراقوتحط  بين  الكذاب  والصدق   تفريق

انا   نخيتك   من   عميقات    الأعماقماهو   مجرد   مزح    والا    لماصيق

اشكي عليك من  الهوا  ولف  وافراقوهمً  وياس  ٍ  طوق  القـلب   تطويق

لحيت  بك  لحت   طريح   ٍ   بمطراقخلوه  ربعه  طايحا  ً   عـقب   ماعيق

عقب الشجاعة  والفخر  طاح  وانعاقصارة   حياته   من   عدوه    تشافيق

يا  بوسعد  من   غير   تلزيم   وارهاقانا  شفاوي   في   نصيحتك   ومشيق

ما  شوف  للشكوى   نفوذاً   وممراقالا  على   عنوان   شكوى   المطاليق

ولانيب  احط  بمخرث  العـود   معلاقالا      عموداً      يحتمل      للمعاليق

وجهت لك شكواي في  بيض  الأوراقشكوا   ً    بعنوانك    توجه    بتشريق

اسوقها     يمك      جريه      وتنساقعليك     يامدل     بيض      الطواريق

واسلم  ودم  مالاح  في  المزن  براقوما  ناح  ورق  ٍ  فوق  دوح  ٍ  مواريق

وتحية  ٍ   فيها   شذا   المسك   زعاقوازكى سلام ٍ بين الأحـباب  قد  سيق

رد مرشد

يالله     ياللي      للمخاليق      رزاقيا  منبت  ٍ   بالقاع   خضر   الزماليق

تعين  من   قلبه   جزوع   ٍ   ومحراقوجنه   عظيمات   الشكاوي   تلاحيق

جالي   علي   زين   التماثيل    مدناقمن  هاجس  ٍ  له  بالضماير   تخافيق

توارد   ٍ   قـلبي   هواجيس   ٍ   اطباقوخلا  غرامي  له   بالا   فكار   تحليق

خـل القـلم  بـيـن  البـناني  له  ابراقيقـود   عـسرات   المثـل   بالخـنانيق

خله  يسير  امداد  في   زين   الارناقمثايلاً       ماحضروها       المطافيق

عبدالله    النايف    لزمني    بمسباقلزمت اسبوق  اللي  كفخ  بالمسابيق

امبارك    منه    السلامه     والاعتاقكثر   علي   مع   المسير   الصواعيق

عرضني الشوحه وقال  الضعن  ساقوخلا  خفوفي  من   حفاهن   مراهيق

وانا  معه  لوهو  علي  قطع   الاشناققولً  صحيح   ٍ   ما   جمعـناه   تلفيق

ويامن  تولع   في   طويلات   الاعناقاللي  غلاهن   شلق   الجوف   تشليق

اللي بهن  طوق  الذهب  شبك  بحلاقونظم  القماش  اللي  جنوه  الفواليق

يزمي على  كبدك  من  المر  شبراقمن  واحد  ٍ  شوفك   لزوله   تراميق

خشف   ٍ   ليا   ذير   وحقق    تحقاقعاف الشعيب  اللي  بقشعه  مداريق

خلا ك تمشي جسم  من  غير  معلاقشال  الجهاز  وهيكل  الجسم   تعويق

وخليت  قلبي   بين   الاضلاع   خفاقبين  لي  الموضوع  من  غير   توهيق

وشف  ماتبي  مني  وبعني  بالأسواقوامضي على  بيعي  واناطق  تناطيق

لا  شك  انا  ابانصحك   مانيـب   دراقنصيحة  ٍ  فيها   عن   الياس   تعـتيق

ان شفت في حبل الرجا جبر  ودقاقترى  النسب  والروض  مافيه  تفهيق

بالك  تخفى   عن   لزومك   بالارواقالفوت  مثل  الما  ليا  نثر   ما   حيق

شف لك رجال ٍ لك صحيحين واصداقربعـك ليا من الضعـن  للضعـن  شيق

كل  ارجح  ٍ  وان  قام  بالجاه   زهاقحضورهم   فك    القفول    المغاليق

واخذ  الحبيب  ولح   معاديك   بطراقوخله  يدور   في   المراح   الخماليق

هـذا ان  كان  انك  جـزوع  ٍ  وحـماقوالا انت تسجيلك  على  الحب  تعليق

راحت علوم  الحـب  دراس  واعـتاقتنسف   عليهن   ذاريات    الصعافيق

لا تعـتبر  في  واحــد  ٍ  بالجـهل  ماقترا  هوى   هالوقـت   شبهه   وتلزيق

احرص على الهاتف  لياوحيت  طقاقوسمع   مناجات   العقول   المدافيق

تقـول  هـذا  شـارب  ٍ  كـاس  تـرياقصوته    يخابق    بالخلاعة     تخـابيق

من  جرب  الماضي  وحقق  بالارماقشقق   دفاترحب   هالوقت    تشقيق

طرد  الهوى  للي  على  الموت  دلاقناطح   رماح   ٍ   في   غلبها    زرانيق

اللي    مضاريبه    بها    الدم    دفاقلياجن   بالفرسان    مثل    الزواريق

هذاك     اله     فكرالعماهيج     تواقمثل  الفتاة  اللي  تكلم   عن   الهيق

والا   لمن    لاقاد    نشره    بالارفاقمثل  العطاوي  في  هاذيك  الدواريق

شليويح   لامنه   خسق   كل    نساقتلقاه   عند   قطيهن   له    تصاعـيق

والا  لمن  ناره   كما   الصبح   شعاقكبش ٍ على المنسف ورسلان وابريق

والا  لمن   خيط   وسيعات   الاشقاقوعن  حق  ربعه  خفق  العوه  تخفيق

من  دون  حق  الربع  للشره   صفاقليا  استوى  بحضورهم  حق   وحقيق

وباق الرجال  ابهم  شريفين  وخساقالله  جعل  من  بين   الازلام   تفريق

وانايالولاالوقت      ضايق      تضاياقبادرتكم       بزيارتي       يالمشافيق

نصيتكم   من   فوق   زين   التعشاقفوق   البقوس   مريحات   السواويق

واختامها     بالشكريالربع     الاشقاقوتحية  ٍ  فيها   من   المسك   تنشيق

[نجم شامي]

هذه القصيدة موجهه من الشاعر الكبير مرشد بن سعد البذال الرشيدي إلى كل ٍ من الشاعر الكبير عبدالرحمن بن سعود العطاوي العتيبي و الشاعر الكبير عبدالله بن نايف بن عون العتيبي

نبي   نطرش    لابو    نواف    هالمرهخـط  ٍ  يزوره  مثـل   صورة   مكاتيبة

ما   ننكرالمعـرفه    والربعة    الحـرهالا   ان   يخلف   جهازالعـقـل    ترتيبه

يابن العـطاوي نبي نمشي على  الجرهواللي يبا الطيب نرجع  له  ثـنى  طيبة

وال  كلامي  سلام   ٍ   غايب   ٍ   شرهمن واحد ٍ من صميم القـلب  يصخـيبه

سلام  من   فكرة   ٍ   ماهيب   مغترهيم    ابو    نايف     وابونواف     تبديبه

قـلبي  عليهم  ترا  سلك   الولع   جرهسلك   المحـبه   يجـره   لين   يمشيبه

ترا   الغـلا    بينهم    مقسوم    بالورهالكل   منهم    يرد    العلم    لصحـيبه

ترا     ابونواف     ربه     بالذكا     برههو    وابونايف    ذرابتهم    لها    هيبه

ماهم  بناس  ٍ   ثقال   نفوس   ومكرهالكل   منهم   من   اخلا   قه   تماريبه

وقل  لابونواف  منك   الحال   مسترهاللي  دفعني  على   المرقاب   اعديبه

هجوس   قلبي   على   يمتـك   مفترهوانت السبب في رجوعه عـقب تجنيبه

خل القـلم له على خـط  الورق  صرهلين    راع    الولع    تكمل    مطاليبه

كلام في خاطري  يوصف  على  الذرهراعيه   ماضاع   في    وزنه    وترتيبه

وابا   اتذوق   حلاة   القيل   من   مرهالحلواعرفه       ومرالذوق       ماليبه

الوسم  بكر  وطاح  السيل   في   برهالسيل    بالقاع    تصبحبه     وتمسيبه

والقاع  من  جرة   الرحمن   مخـضرهودحـيم هالوقت  ترخـص  له  معازيبه

والدرب  قـلبه  خبير   ٍ   فيه   ماغـرهوالجمس  صافي   وصاحية   ٍ   لواليبه

والصيد   موجود   بين   النفد   والحرهلوتسرح  الصبح   من   دارك   تعشيبه

وخـل  النداوي  يديرالحـوم  في   كرهان  كان   مابه   عن   الحفال   تهريبه

وكان  ابو  نايف  تعـطل  يبني   حجرهعـذره على البيت وانت  العلم  تدريبه

من   لايسامح    خويه    عادته    ضرهلياكان  عوقه  بشوقه   وش   تسويبه

لاتاخـذه   تـنفـقع   كبده   من   الحـرهتراء   المقدر   بضيف   جديع    توحيبه

ان  قلت  روح  مشى  والويل   مفترهمن  زود  حبك   يبا   يصبرعلى   الليبه

وكان   ابونايف   يبا   المقعاد   والقرهيكفيه   رمز   الاشاره    عن    تعـذيبه

قـله ضروفي  على  المقناص  منطرهمايقـنع  القـلب  عن  شيئ  ٍ   يهذريبه

والقـلب درسه من  المقـناص  ماخرهوالجفرومعان      تزميلي      مراقيبه

وان كان جـالك على  خـط  الحفرمرهتر    الحجروالدبابدب    فيه     تجريبه

وان كان ماعجبك  سكان  الهوى  فرهخـله   يناحر   مغيب   النسر   تـقريبه

وانحر حماد ٍ  تشوف  الطلح  في  قرهياعلكم     يمها      هالوقت      تغريبه

مانتب غـشيم ٍ س  بهاك  القاع  وديرهحنا    سمعناك     فالماضي     تغـنيبه

وان جيت بمعان صيوان الشرف شرهوخـل  الجـماعه  تـثبت  لك   مناسيبه

مادام   نجم   القناصه   ماخلص   درهخل   القرانيس    كل    ٍ    يظهرالليبه

خـل  القـرانيس  تاخـذ   بالهـدد   فـرهوالفرخ  يجمل   من   التعلوم   تجريبه

وان شفت نبت الفياض الخضرمصفرهكل   ٍ    دياره    من    الغربه    تهليبه

هالحين جا  دور  شوفة  صافي  الغرهيازين   عـقب   البطا    لذة    تعاجيبه

لياتبسم        وصوته         بالحياجـرهيقـول  وش  علمك  المقـناص  تبطيبه

ولياالتفت  فيك  جـيب  الثوب   مازرهشفت النهود اللواجي من  تحت  جـيبه

ودنياك  غير   الطرب   ماتازن   الذرهصيور     ماجتبه      الايام      تقـفـيبه

[محمد الذيابـــي]

صحت السنتهم جميعاً

لا هنت يالغالي

التوقيع

التوقيع محمد الذيابـــي

[سيف نت]

صحت السنتهم

لاهنت