قصيده في الشيخ سلطان ابالعلا

[عايض جزاء العصيمي]

قصيده في الشيخ سلطان بن عمر ابالعلا رحمه الله

واجب علينا نظهر الحق ونقول=لاضيع الواجب ردي الاصولي
سلطان والله ما يجي مثلك الزول=انت الامير اللي لك الله يهولي
انت الامير اللي عن الفوج مسئول=وراع الشداد اللي بظهر الذلولي
جدك وابوك و واقفٍ عندك الدول=وانت من اهلها جعل عمرك يطولي
شيخ ومن شيوخٍ طحاطيح وزحول=ماضٍ لهم يوم القدايم فعولي
يوم العرب تصول في نجد و تجول=هاك السنين مشيبات العقولي
مركاضهم يشبع به الطير للحول=بالقوم فوق القوم الاخرى تصولي
اخوان جوزاء مرويت كل مصقول=لاثار عج ملافحات الذيولي
وعرق الرداء والطيب فالاصل ماصول=تقصر به الايام ولا تطولي
كلٍ على غريزةٍ فيه مجبول=تزول الجبال الراسيه ماتزولي
وانت اللذي طيبك على ساس و وصول=يابن الرجال اللي تشيل الحمولي
ما قلت شيءٍ فيك مهوب معقول=قلت الحقيقه و الشواهد مثولي
ولا قلتها ارجي من ورى القول محصول=القول ما ادور وراه محصولي

عايض جزاء العصيمي