نعمة النسيان

[سـعـد العصيمي]

بسم الله الرحمن الرحيم

السلام عليكم

في البداية اشكر الغالي نواف العصيمي على مساعدتي
في التسجيل ويشرفني المشاركه مع بني عمي

على الله يا زماني والليالي زودها نقصان = جنيت من الدروس الفايده مخلفت إيماني
صدقت وما كذبت وفي المواقف يظهر الأنسان =هذا من فضل ربي ماخدعت فلان وفلاني
زرعت الطيب في صحرا الجفاف بغالي الاثمان =على وضحا النقا ما بين صدقاني وعدواني
وحسافه يا حسافه كيف تذبل وردة البستان=على كفوف الزمان اللي جحد صدقي وخلاني
افكر في مفاهيم الاوادم وارفع النيشان = عن دروب المتاهه واجزي الاحسان باحساني
صحيح أن الزمن غامض ولكن نعمة النسيان =وهبها الله لخلقه قبل نزغة كل شيطاني
زمان العولمه والكذب والتظليل والبهتان =اشوف أشيا غريبه واحفض عن الزله لساااني
يضيع الطيب فلي ما يعرفه والردي منان =لوانه قال انا طيب ترى للطيب عنواني
اعاتب ناس تفهمني لهم في مجتمعنا شان = وبعض الناس لو تخطي علي في حسبة اخواني
كبيرة غلطة العاقل صغيرة غلطة الشبان =ورغم كل الظروف المبهمه ما ني بخسراني
اقدر من يقدرني واعزه وواوفي الميزان =ومن لا يعتبرني قد نسيته قبل ينساني
يقولون الزمن خاين وانا اقول الزمن ما خان =لكن الناس اضنه صابها التخدير من داني

وسلامة قلووبكم
اخوكم

[نواف العصيمي]

الاخ سعد العصيمي

يعطيك العافيه قصيده رائعه

افكر في مفاهيم الاوادم وارفع النيشان = عن دروب المتاهه واجزي الاحسان باحساني

وكروعة حظورك وتواجدك معنا ..

ولك التقدير والإحترام

التوقيع

[طـــــــــلمس]

بوبيض الله وجهك على القصيده الرائعه

[سـعـد العصيمي]

المشاركة الأصلية كتبت بواسطة نواف العصيمي

الاخ سعد العصيمي

يعطيك العافيه قصيده رائعه

افكر في مفاهيم الاوادم وارفع النيشان = عن دروب المتاهه واجزي الاحسان باحساني

وكروعة حظورك وتواجدك معنا ..

ولك التقدير والإحترام

اشكرك على مرورك ولاهنت يالغالي

تقديري

[سعد بن مطلق المقاطي]

صح لسااااااااااااااانك يابن عاصم

التوقيع

ديــــــــــــــــواني

[عناد الشيباني]

الله الله

صح الساااااااانك

ابدعت