كلما ترمى الحجاره على إعذوق النخيل ::: تسقط إخلاصة ثمرها على من ذمها

[قلب الرياض]

العـدود اللي عليها طموحـات الرحـيل
الزمان الشين غثرب صفـاوة جـمـها

من يبي يارد على اضفاف نهر السلسبيل
يلتـزم بفـروض رب البشـر ويـتمها

اما انا حتى همومي تصلي كـل لـيـل
الهجوس تقـيمها والفـواد يأمهــا

والفكر ماهو يفكـر بغـير المستحيل
سمها حسب اختلاف العواطف سمها

دامت النفس القنوعه مع الرجل النبيل
الشتايم والمدايـح ماهيـب تهمـهــا

كلما ترما الحجاره على اعـذوق النخيل
تسقط إخلاصــة ثمـرها على من ذمها

الجميل يموت من سيف نكران الجميل
والنفوس الـزاكـيـه مايحلـل دمـهـا

والغدر...أظلم من الغـدر فالليل الطويل
كلمتـيـنً يرتـبط فـتحها مع ضمـهـا

لو تزال كتابة الحبر الاسـود بالـمزيل
النوايا في شريـط الكـلام انشـمـها

والخيانه كان جات الخليل من الخليل
التحايل خالهــا والتجـافـي عمهــا

والظليمه كان جات العزيز من الذليل
لعن ابوها ياعباد اللـه ولعـن امهـا

وانت ياللي وصلك الليل واغواك الدليل
لاتخص الناس بالشـر ولا تعمـهـا

شلة يبغون يشفـون في راسي غلــيل
والله ان ترمـد انفوسهـم من غمهــا

الردى لاسـار دمه مع العرق الاصيل
حـيةً تدفــق بجسم المعافـا سمهــا

والحياه اظلال شجـره وانا عابر سبيل
وقدرة الله رحـلة وجـهتنـي يـمـهـا

[عايض جزاء العصيمي]

قلب الرياض
صح لسانك


تقبل مروري تحياتي

[محمد الذيابـــي]

,,

صح لساااااااااااانك

لكن من القائل ؟

التوقيع

التوقيع محمد الذيابـــي