رد على الي يسب البدو\\\\\\\\\\\\\

[ولد الدغالبه]

بسم الله
والصلاة والسلام على رسول الله
منقول
شاعر حضري يسب البدو!!
السلام عليكم ورحمه الله وبركاته
هذا شاعر حضري حاقد على البدوو
والبدوي ماقصر رد عليه رد قووي اترككم مع القصيده والرد عليها
ღ قال الشاعر الحضري ღ :ღ
يا بدو والله لـو تميـل الموازيـن
في صفكم ما تدركـون الزعامـة
وأعلى الرتب والحكم والعلم والديـن
أصعب عليكم حوزتـه واستلامـه
وأنتـم رعاييـن سلايـل رعاييـن
علامـة فيكـم وبئـس العلامـة
خالقكـم الله للغـنـم والبعـاريـن
ترعونهـا حتـى تقـوم القيامـة
أطيبكم اللي يخدم المعـز والضيـن
والنوق يزود لهـا فـي الخدامـة
أعز عنده مـن هلـه والوراعيـن
يشوف فيها المرجلـة والكرامـة
إن ربعت وإلا أخذ الطعـم بالديـن
أبدى عليه إطعامها مـن طعامـه
يشيل حمل الدين من غيـر تقنيـن
ما يشتكي لو جاير الحمل ضامـه
يبـرك لهـا بلهـان وإلا بلاهيـن
ما همته لو كـان جبـت سنامـه
ناس على حفظ الحـلال متواصيـن
فيكم على الرعية عزوم وقرامـه
وصيـة الأجــداد للمستجـديـن
وش قال بركات الشريف بكلامـه
رعيان لـو أن أرصدتكـم ملاييـن
عيا الزمن يرضى لكـم باحترامـه
والناس في عصر الفضاء يا مساكين
وأنتم رعايـا يـا حيـاة الندامـة
غير الشقاء والفقر والزفر والشيـن
يا بدو ما منهـا كسبتـوا سلامـة
ومن لامكم فيهـا خرزتـوه بالعيـن
حمراء وكثرتـوا عليـه الملامـة
والسـرق مـن عادتكـم يابداويـن
فيكم جهل مطبق وفيكـم غشامـة
عادتكـم والحضـر عنهـا غنيـن
ويشهد لنـا بالخيـر والاستقامـة
حنـا لحكـام الوطـن مستشاريـن
والأمـر فينـا نفذتـه وإنبرامـه
صحيح حنا هل البقـر والبساتيـن
والبـدو يتهمونـنـا بالرخـامـة
لكننـا عشنـا كـرام وعزيـزيـن
ولا شحذنا الشيخ فضلـة يدامـه
وأنتم على بيبان قصـره معاطيـن
في كل يو م عنـد بابـه ردامـه
طبع لكم من حين ما هوب هالحيـن
حب الفخر والفخفخـة والفخامـة
جدانكـم بالفشـر عنـد السلاطيـن
دايـم مناويـخٍ قبالـة خيـامـه
ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ
ღ رد البدوي ღ ::
ياللي تسب البدو حنـا السلاطيـن
حنا هل التاريـخ واهـل الشهامـه
وحنا عناويـن الكـرم ياالمساكيـن
وحنا هل الافعـال واهـل الكرامـه
وحنا اهل البل مسسيـن العناويـن
وحنا هل الطولات واهـل الجهامـه
وحنا هل الشيمات حاضر وذا الحين
وحنا البدو اصل العـرب يانعامـه
وحنا القبايـل محتميـن المخليـن
ستـر العـذارى لابسـات اللثامـه
رجالنـا الواحـد يسـاوي ثمانيـن
يارد حياض المـوت لاقـام قامـه
تلقى منازلنـا مـن يسـار ليميـن
بيت الشعر مبنـي وجنبـه خيامـه
ندور طـول العـام دايـم محيليـن
شرق وجنوب وغرب لاطراف شامه
نتبع هوى سود البكـار المزاييـن
الغاليـات المكـرمـات بعـلامـه
ولانت يـاراع البقـر والبساتيـن
مكسوره عيونـك عليهـا غمامـه
يوم انها سلب ونهب مالـك يديـن
نربطك برباط البقـر فـي ثمامـه
وندوس وجهك صدر الاقدام بالطين
ونتفل بوجهـك ونتوطـاك خامـه
واللي بيفتن منكم صوط صوطيـن
يطيـح ويحـب التـراب انهزامـه
حنا خلقنـا الله عقوبـه وشريـن
على الحضر قمنا نصـب القمامـه
نشرب من الماء ماحسبنا حسابيـن
نارد على الماء ماحسبنـا غلامـه
ونحوشكم ياالحضر حوش الخرافين
مامنكم اللي فـوق راسـه عمامـه
ونجركم مع كـل سكـه مساجيـن
كل علـى وجهـه مـواري ندامـه
البدو سيف ورمح خنجـر وسكيـن
رشاش بنـدق نـار دايـم حزامـه
والحضر ماء صحه ورمانه وتيـن
جحه وخـوخ وبرتقـال وحمامـه
والله لتبطي وانت حبحب وسكيـن
اخذ على كيفـي واقصـك طمامـه
أب*** في طنجه وصنعـاء وبكيـن
وأهدمك في بغـداد بعـد المنامـه
واعلنك في مأرب وحمص وداريـن
وأطلع على الشاشه ليـوم القيامـه
آمل ان تنال اعجابكم اخواني
وتقبلوا تحياتي...



اقبلو تجياتي ولد الدغالبه

[ألرجاوي]

اخوي ولد الدغالبة يعطيك الف عافيه خيو
ماقصرت
قصيدة رائعة
تقبل مروري

[محمد الذيابـــي]

,,


بيّض الله وجهك ياولد الدغالبه


شد حيلك على مثل هؤلاء الصغار في عيون البدو.



,,,,,,

التوقيع

التوقيع محمد الذيابـــي

[مشاري الحبردي]

المشاركة الأصلية كتبت بواسطة ولد الدغالبه

شاعر حضري يسب البدو!!
هذا شاعر حضري حاقد على البدوو
والبدوي ماقصر رد عليه رد قووي

اول شي وانا اخوك تسلم على الموضوع .... واتمنى انك ماتفهمني غلط ....

ثاني شي لاصحة السنة الاثنين .... هذي تفرح الاعداء علينا ... الفتن والثورات والمشاكل من حولنا ...

ونقول حنا و حنا ..... وانتم وانتم


الله يصلح الشأن بس .....



واتمنى ماتفهم غلط اخوي الدغيلبي .....في انتظار الجديد منك

[عايض مثقاب الزراقي]

الله يعطيك العافيه وما قصرت وصح لسانك


تقبل تحياتي