عرش الكرم .. !!

[سعد المسـعودي]

.... نص متواضع .. نزف بهذه الأنفاس ويشرفني إهدائه لطهر قلوبكم ..

..

تجارب والحياه أكبرتجارب والرجال رجال= ومن لاجرب الدنيا حقيقة مايعيش أبها
يميني وثقة حبل المراجل والرجال جبال= وتعقب لحيتة ٍ مايحتميها فعل شاربها
على عرش الكرم ثابت شدادي والرجال أفعال= وكسبت من الفعول اللي تبيض وجه كاسبها
على درب المعزه سقت رجلي والقدم مامال= وأشوم بعزتي وأترك وطاها يامعذربها
ردي الساس مايقوى على العليا ولايحتال = ورجله في طلب كلمة نعم ماهوب متعبها
صحيح أن الحمول تخف من وزن الثقيل ثقال= وعزيزيستعز بعزنفسه في مكاسبها
على عدّ الروى ندلي بدلوٍ ماضرب فالجال=ونشرب صافي الجم ورشانا في مقاضبها
أنا حر ٍ نداوي لاشهر عدّى على ماطال= تعلا فالمناصب وأعتلا عالي مناصبها
وأنا ماأسمع من ضعوف النفوس وهرجت العيّال = أخاف مطاوله فالهرج والتاره يجيكبها
سلايل رووس قوم يحتمون القول بالأفعال =مقاديم الرجال اللي عريبه في مناسبها
جريه خطوتي بأسم ٍ يشرفني عن الأنذال= أعرف الموجبه تكرم عن اللي مايوجبها
أنا شفي من الدنيا سنافي ٍ عريب الخال= على ساس المراجل في دروبه مايجنبها
هذا والله رصيدي ياوجيه الخير رأس المال =عريب الساس بحر الجود من كفه يفوزبها
وشفي فالرجال أهل الحقوق وحطت المعدال= أورّد حق وآخذ حق والحجّات مقطبها
أنا وافي بكيلي وأكره اللي هس فالمكيال=ردي الساس من ساس الردى تقصر ركايبها
وأنا شفي من دلال أشقرٍلاسيق في الفنجال=مباهيرٍ تفاهق عن سناء الشعله ولاهبها
تكيّف رأس عمسانٍ من عماسه يضيق البال=ثلاث ولالهن رابع وراع الكيف حاسبها
الأول كيف رأس ومن تكيف به على ماقال =يقند ريحها للرأس لاجتبه هبايبها
ويثني كيفها لعماس باله وأنجلى بالحال=وجاب من القصيد وسند القصه لشايبها
وثالث كيف يكرم بنها والهيل وسط دلال=ويكرم ساس بيت منزله عالي نجايبها
وشفي شف حرٍ هام نفسه من يد النقال=على جول ٍ بعيد ٍ للنظر شوفه يقربها
تعلاّ وأعتلأ خرب ٍ عليه العين فوقه جال =عليه أهوى بمخلابٍ يفج نحور صايبها
عطيب ٍ لاتمكن مضربه ياعزتي للحال=حرارٍ ماتذوق إلاّعشاها من مخالبها
وشفي لاتناشا في مقاديم السحاب خيال= وتسابق وبل غره والهوى دار وتعقبها
وزهم رعاد مقدمها وسمّا وأمطر الهمال=وسكرعنه الهوى والأرض كن السيل ناهبها
غسل وجه البسيطه فوق نجد وكل واد ٍ سال=مشوا بفراش خيره لين واد الهضب سالبها
ومشوبه لين ضلع طويق سيله للجذع شيال=وشمال لياالحدود وديرة الأشراف قالبها
ويحده غرب شبك الصيد في محمية الأبطال=وظفى خيره على كل الديار اللي تقربها
ترى هاذي طراة العمر وإن زلت بي الأقوال= أسبّق عذرها قدام قاريها وكاتبه

أخوكم : سعد المسعودي
( الحرالأشقر )

التوقيع

[قـنـاص الـقـوافي]

الله الله
صح لسانك على هذي الشامخه يالقرم
متابع لإبداعاتك دائما ً

[محمد الذيابـــي]

,’


صح لسان شاعرنا المبدع سعد المسعودي


اتحفتنا بهذة الرائعه كما عهدناك


تقبل تحيتي يالغالي.


,’

التوقيع

التوقيع محمد الذيابـــي

[راعي الشوشلية]

صح لسانك مدد بلا عدد / تقبل مروري ..

[فهد العازمي العتيبي]

..


مبدع دائما يالمسعودي

صح لسانك ولاهنت ،،،

التوقيع

للتواصل على تويتر https://twitter.com/falotaibi5115 ،،

[متعب الند]

صح السانك وعتلى شانك..................


جزل يالجزل....وتقبل خالص التحيه

[بندق عتيبه]

صح لساانك

واعتلا شانك

[سعد المسـعودي]

المشاركة الأصلية كتبت بواسطة قـنـاص الـقـوافي

الله الله
صح لسانك على هذي الشامخه يالقرم
متابع لإبداعاتك دائما ً

قنـــاص القوافي
تشرفت بمرورك المشرف
وصح بدنك ولاهان رأسك

أحترامي

[سعد المسـعودي]

المشاركة الأصلية كتبت بواسطة محمد الذيابي

,’


صح لسان شاعرنا المبدع سعد المسعودي


اتحفتنا بهذة الرائعه كما عهدناك


تقبل تحيتي يالغالي.


,’

محمد الذيابي

بيض الله وجهك لروعة الحضور
وصح بدنك ولاهان رأسك


أحترامي

[أبن حشيان]

يـمــيــنــي وثــــقــــة حــــبــــل الــمـــراجـــل والــــرجــــال جــــبــــال ***وتـــعـــقــــب لــحــيـــتـــة ٍ مـايـحـتــمــيــهــا فـــــعــــــل شـــاربــــهــــا




سعد المسعودي
ـــــــــــــــــــــــــــ


صح لسانك يالغالي دايم مبدع



تحياتي الك

آخر تعديل أبن حشيان يوم 07-Oct-2011 في 10:55 PM.