قصيده سبق نشرها ..خاصه بي وقمت بدعديل عليها وتنزيلها

[متعب الند]

سلام يبن احميد ياذخرجهجاه=يبن الشيوخ الي تكف القبيله
سلام من جوف الحشاء غاية اقصاه=عز وموده والمشاعر جليله
لابن الشيوخ مروضة نجد وحماه=سواقة المركي نهار الدبيله
يشهدبها التاريخ من باقي الشلاه =ومن لاقرى يسمع علوماً مهيله
شيوخاً الياعجعج على الكون وجواه=عجاج قوماً عجها نستخيله
ارسوكما ضلعان سوداً مصفاه=جبال الذرى من هدها المستحيله
نلوذ في ريعانها ونرتوي ماه=ونحتمي باهل السيوف الصقيله
علماًصحيح ومن بغاءالصدق يالقاه=واليابدى اللازم علينا نجيله
وحنا اجبراكم فالسنين المحناه =يومنها بالسيف وام الفتيله
يامادفعنا الضد بخيلٍ محذاه=وياكم كسرنا من صفوفاً معيله
وياشيخ ماسومن على الكبد عرقاه=من وقتي الي صار شينه مكيله
وقطعة السنين وحالي الهم يقراه=همن قرى حالي ونفسي تعديله
من هاجسي نوم الجفن ماتهناه =مومن بحالي مافي اليد حيله
وناراًتشب بداخل القلب تشعاه=ولايهتدي راسي وفالوقت ميله
من حقاًغدابه مظلم الوقت واخفاه=حالة عليه السنين وقتاًعظيله
تصافة علينا مذخرة عجز وطغاه=وهي حقدها وسط الظماير تكيله
غلطة زمن حازة عن القلب مشهاه=واصبحة لاكاسب ولامن حصيله
وقدقيل لاطاح الجمل كثرة اعداه=ومنحده الوقت الغبر عزتيله
ياحيف كيف الوقت يالحقني احذاه=وانته ذخاير من يحوز الطويله
واليوم انا ناصيك جنابك انخاه=اتشيل حملي عاجزاًمن مشيله
يوم انت تقدر توصل العلم لقصاه=عيد الدخيل الياجناله ثقيله
وانا عتبيبي مطلبي غايته جاه=يوماًجاهك للعلوم الجزيله
ابيك تفزعلي على ماتمناه=في حقي الي ضاع وقته وجيله
وتفزع لاميراًيدي الحق لاجاه=ابو فهد حيداًالجبال العتيله
هوسيدي سلمان بالجاه تنصاه=سقم الظلايم والعلوم الهزيله
امير نجد معرب الجد مجناه=عز العليل الياكدى عظم حيله
حراً فهيم يسند العلم لاجاه= بالعرف عارف مايبيله دليله
وبيله الدعوى على ماتوراه=ونصه بدعوايه بشتاء وسيله
وشهد هذا نوراًولابه مراواه=وعد الحقبقه مطلباًينعنيله
وسلام يبن حميد ياذخر جهجاه=يبن الشيوخ الي تكف القبيله

وتقبلوا خالص تحياتي

آخر تعديل متعب الند يوم 24-Sep-2011 في 03:20 PM.

[ذعير العالي]

وبيض الله وجهك وصح السااااااااااااااااانك قصيده جزله من شاعر جزل ....والممدوح يستاهل ...وشكراً

[متعب الند]

شكراً على مرورك يالغالي

[مشاري الحبردي]

صح لسانك ملايين

ويستاهل ابن حميد كل علم غانم

[متعب الند]

صح بدنك يالحبردي....................وشكراً

[عـقـــــــــــاب]

سلام يابن حميد يا ذخر جهجاه=يابن الشيوخ اللي تكف القبيله

من مطلعها الى منتهاها صح الله لسانك ياسنايدي وبيض الله وجهك

[أبن حشيان]

صح لسانك

متعب الند والله انك شاعر

تحاتي الك

[فهد العازمي العتيبي]

...

صح لسانك يامتعب

ويستاهل ابن حميد اجزل المدح ،،،

التوقيع

للتواصل على تويتر https://twitter.com/falotaibi5115 ،،

[متعب الند]

شكراً على المرور ................يالحصن


منكم التعلم.........

[فيصل مطر]

صح لسانك يامتعب الند على هاذي الرايعه

وابن حميد الي هو اميرعتيبه المعروف كانهو قصدك بالتاكيد مانقول يستاهل وبس نقول يستاهل طرق

والحمده شيوخ عتيبه مافيهم الي ماشتهر بفراسه يفرق بهاعن غيره وكلهم شيوخنا وفرسانا واهم

اهل الخيل وعجاج الليل وطبعن ايام الجاهليه اليوم كثروالشيوخ النبايت والشرالبايت


تحياتي لك يامتعب الند عريب الجد

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)