الحقيقه مايصح الا الصحيح

[عبدالله جبارالعتيبي]

ياسلام الله سلامٍ للجميع=كنه الشاوي ليا شاف الربيع
في حلاٍل اللي مشيبت الرضيع=(والحقيقه مايصح الا الصحيح)

ولا ياحضرت الشعاركيف الحال ياشعار=نبا الهقوه بعيده دامت العربان ممسيه
ولا يالفارس الصامل ولا يالفارس المغوار=على نفس الخطى واصل طريقك وتحم الهيه

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[عبدالله جبارالعتيبي]

تصبحون على خير
أعتذر من اللي بيرد
ورانا دوام
نكملها بكره

[منصور عبيد]

مرحبا ترحيبتن فيها ضمان =تمسح الدنيا مكان اليا مكان
ابتلش بالعشر ياراع الثمان=الحقيقه مانقول الا الحقيقه

ياعبدالله ولد جبار والله وحده الجبار=لكنك لو تجبر ماخذيت من العرب شيه
وحنا نحمي المركي ونرخص قيمة الاعمار=وتمدحنا الشيوخ وتزدرينا كم واويه

[ذعير العالي]

صح الساااااااااااااانك ياعبدالله جبار ولسان أخوى منصور عبيد

آخر تعديل ذعير العالي يوم 19-Sep-2011 في 04:41 AM.

[منصور عبيد]

ترفق ياذعير ماتشوف ردي

[منصور عبيد]

صح بدنك يالعالي

[محمد الذيابـــي]

صحة الألسن والقلوب

التوقيع

التوقيع محمد الذيابـــي

[عبدالله جبارالعتيبي]

المشاركة الأصلية كتبت بواسطة منصور عبيد

مرحبا ترحيبتن فيها ضمان =تمسح الدنيا مكان اليا مكان
ابتلش بالعشر ياراع الثمان=الحقيقه مانقول الا الحقيقه

ياعبدالله ولد جبار والله وحده الجبار=لكنك لو تجبر ماخذيت من العرب شيه
وحنا نحمي المركي ونرخص قيمة الاعمار=وتمدحنا الشيوخ وتزدرينا كم واويه

يوم بان الجد ياراع الشداد=إنعرف كل الرياجيل الشداد
من فعِلهم كثرو الناس الشداد=والحقيقه مايصح ألا الصحيح

عليكم زنقةٍ زنقه وبنحشركم فوسط الدار=على الشيطان وعوانه على المقرود ووخويه
ترى الخاين يعرفونه رجال العرف والأحرار=لكنه يبشر بعلقه علاه اليوم مثنيه

آخر تعديل عبدالله جبارالعتيبي يوم 19-Sep-2011 في 02:50 PM.

[ذعير العالي]

صح السااااااااااااااانك يابو جبار وبيض الله وجهك ......وجهة نظر ياخوان أشوف الموال ماله داعي فالمنتديات

[عبدالله جبارالعتيبي]

المشاركة الأصلية كتبت بواسطة ذعير العالي

صح الساااااااااااااانك ياعبدالله جبار ولسان أخوى منصور عبيد

صح بد نك ياذعير العالي