وصل العطياني (يا حظكم بقلوبكم يا مهابيل ) ..

[سهيل 1]

بسم الله الرحمن الرحيم

يسرني أن ادرج هذه القصيدة للشاعر العملاق الكبير (وصل العطياني المقاطي العتيبي السعودي العربي المسلم الآسيوي العالمي ...ههههه تكفي ولا أزيد !!!!


عز الله إنّ الضّيق واصل مواصيل
والهمّ أشوفه حطّني فـي عيونـــــه
عيونه اللّي من كبـار الفناجيــــــل
جارت على قلبي و هزّت ركونــــه
ماهي عيون امّ الرّموش المضاليل
اللّي جعلها اللّـه عليّـه حنونــــــة
يا حظّكـم بقلوبكـم يـا مهابيـــــــــل
الظّاهر إنّ الهـمّ مـا تعرفونــــــه
ما يعرفون الهمّ غيـر الرياجــيـل
لـو إنّهـم والله مـا يستاهلونـــــه
لكنّ يكفى روسهـم تالـي الليــــل
يـدوّرون النّـوم مـا ياجدونــــه
احـدٍ يحسّـب للّيـال المقابـــــيـــل
و احدٍ يحسّب وش بقى من ديونه
من قسوة الدّنيا يحسّـون بالميــل
و يكافحون الوقـت ويصارعونـه
الصّدر للأسرار و المتـن للشّيـل
واللي يبونه ما يطيحـون دونـه
إن بانت الشّدّة على بـارد الحيـل
زادتهم الشّـدّة ثبـات وخشونــة
على اللوازم كنّ يجرفهم السّيـل
سلمٍ من الجـدّان مـا يتركونـه
مربّحيـنٍ تاجـر البـنّ والهيــــل
حافظ طلبهم من كثر مـا يجونـه
يذكرهم التاريخ جيـلٍ بعـد جيـل
اللّـي بـدمّ قلوبهـم يكتبـونـــــه
رغم الظروف القاسية والغرابيـل
واجب على المطعون يجحد طعونه
رأس الطّموح يعانق الجدي وسهيل
و رأس المحطّم ما تعدّى متونـــه

وتلومونني في حب وصل ..وشعره !!!!

الله ..الله ..

[محمد الذيابـــي]

,,

لا هنت يالغالي .

,,,,,

التوقيع

التوقيع محمد الذيابـــي

[سهيل 1]

شكرا أخي الحبيب محمد الذيابي

على مرورك العطر ..