ملخص محاورة الشاعر عبدالله جبار العتيبي و الشاعر محمد ناصر الأكلبي

[الرجل الشامخ]

عبدالله جبار العتيبي

سلام وكل عامن وشعب المملكه بخير=فـعــيــد الـفــطــر والله يـعــيــده لـلـعــبــادي
أبوناصرغدى بين ضلـع طويـق والنيـر=ميدري وش يسوي وبـه علمـن وكـادي

محمد ناصر الأكلبي

هلا بك غير رحب لياجوك الخطاطير=وحنا ضيوف عندك في دارك يالمهادي
ترى الدعوى سهالات في الأولى والآخير=وعندي الوضع يابن النشامى وضع عادي

عبدالله جبار العتيبي

ترى قبلك مطانيخ يارجال وكثير=ونا نفسي أشوفك مغير فكل وادي
يبالك يبو ناصر وجاهات ودنانير=لجل يتغير الوضع ماتبقى بغادي

محمد ناصر الأكلبي

أعرفك صقر لكن تبي قنص الصقاقير=ولكن طع صحيبك لاينكبك العنادي
عطاكم راعي الذود خلفة من المغاتير=ولكنك تبي الذود كله والجوادي

عبدالله جبار العتيبي

تلالي فالمواقع متقرب للمشاهير=متى تطلع ونسمعك في كل الروادي
أبو ليلى المهلهل ترا هو سالم الزير=لاكن الفرق فالإسم ياغاية مُرادي

محمد ناصر الأكلبي

أنا منكم قريب ويكفي يالمناعير=ولو كنت أبغي أطلع طلعت بلا منادي
أبو ليلى نعرفه ولا به واحد غير=لاتفرق كلمة الناس ياطير الهدادي

عبدالله جبار العتيبي

تخًير في حداها وكب الخوف ياطير=ولي معكم فكل الدير وقت ومعادي
ترى الدارج هو الزير في كل التعابير=وبوليلى مهو دارجن يابو شدادي

محمد ناصر الأكلبي

ياراعي النعمة احذر من سيوف شواطير= لاتمشي في طريق الهلاك بغير قادي
أبو ليلى بيلحق صحيبه حزة عصير= لكن انته لاتدخل بياض في سوادي

[عبدالله جبارالعتيبي]

سلمت والله يالرجل الشامخ

وبيض الله وجهك

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[سعد حميد الثبيتي]

محاوره ممتعه وشعراء جزلين امتعونا بالفتل والنقض الغير مستغرب عليهم لله درهم

[محمد ناصر الأكلبي]

بيض الله وجهك


يالرجل الشامخ

ومجهود تشكر عليه وهذا من تواضعك وحسن أخلاقك



و أشكر


الشاعر

سعد بن حميد

على المرور والتعليق الجميل

...

[مرزوق حمدان العتيبي]

..

.
محاوره طيبه من طيب شعراءها
صحت الالسن ومشكور يالشامخ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD