مساجله لعلمين من اعلام الشعرفي الخليج

[فهيد مقعد الرويس]

السلام عليكم ورحمة الله وبركاته

اخواني الأعزا اعضاوزوار المنتدى اهدي اليكم هذه المشاركه كمافي العنوان لشاعرين الكبيرين

نجرفيصل العصيمي ومتعب مطيع الديري الحربي و المبتدي نجر آمل ان تحوز على رضاكم
= ابو حجرف =

نفسي اتبعدني عن الشك وإحماه ==== والشك في بعض المواقف جبرها

ان خصنامكتوب الاجواد نقراه ==== والعوج من بعض الرجال إنهجرها

ومتعب الياشان الدهر ماتعداه ==== من دوحتن خضرا يذري شجرها

ومتعب يعرف اسلوم دينه ودنياه ==== ويمناه لوتسرق سريقه بترها

ابشتكيله وادفق الحوض واملاه ==== واختار من زين المعاني ادررها

يابوفهدياكبرهااليوم كبراه ==== دعوى اتحز ابخاطري ماقدرها

رفيقك المخلص وصل صبره اقصاه ==== والسالفه مهيب منك آمعبرها

رمية قفامن واحدن مارميناه ==== شلفاه في قلبي وهو ماشهرها

ماشفتله صوره وصوته سمعناه ==== وبين احروف من البيوت وقبرها

وانته معه باول كلامه إ و بتلاه ==== دفن ارسومن بينه واختصرها

واسئلك بلي كون البشرواحياه ==== عطني خبرها كان عندك خبرها

تشابهتلي مع طريقن عبرناه ==== وحطة سهيل وطلعته في نحرها

والرجل طيب والهدف ماعرفناه ==== والسرعنده والقفول ابظرها

ويطق وينجم ويخفي خفاياه ==== يكوي ابناره والدمى مانثرها

انكان يقصدناسمح عنه مولاه ==== فيضة زعل من عاقلن ماقهرها

وانكان يقصدغيرناماعترضناه ==== نبانخل القافله في سفرها

وسلم عليه وبلغه لاعدمناه ==== عزيزلوعينه ورانا نظرها

و قله نجر ياخذ كتابه بيمناه ==== والميته مايحتفظ في صورها

وليابغى الطرقه بعيد(ن)معشاه ==== ويلكتشف عوارات غيره سترها

والرجل ودك تنطحه قدم تقفاه ==== وجهن بوجه ولاتقصص جررها

اماعترف واركزمقامك على ماه ==== واشرب براسك لين يابس بحرها

ولانفا وابعدمحطك ومرساه ==== لاتنشده عن قصتن مانشرها

وابليس بين الناس يشعب مطاياه ==== فارقته الجنه وفارق ثمرها

ناسً تعوذمن جنابه وتجفاه ==== وناسً تقاود للخبيث ودمرها

وانته وانايابوفهدماتبعناه ==== الله يعديناالجحيم وخطرها

والي على ربعه يوريك حمراه ==== وان شاف زلت جاهلن ماطمرها

هذاومثله يسعدالقلب فرقاه ==== جعله يطيح ابحفرتن ماحفرها

جاك ا لصحيح وزبدة العلم عطناه ==== عن موجز الاخباروالي حضرها

وعسى العلوم الطيبه والمفاجاه ==== نورن على نورن يزودسفرها

= الرد =

نجرجحيم الشك بالشك تصلاه ==== تفيحت عنده وعجز يحكرها

وهوجس ونصاني كتابه وشكواه ==== وابرم رشاها لين ركبت وعرها

وفيها مقابيس الفتايل معباه ==== وفيها صلابيخن تكادح شررها

وفيها اقفولن والمفاتيح مخفاه ==== وفيها وبر ماهو مجانس وبرها

سايفبها عني وعنده مراواه ==== واقفا بها واقبلبها واعتبرها

ولاني بداري صاحبي نجر وش جاه ==== يضمر امورن ضامري ماضمرها

وانا حشا مرضا الهزيعه الشرواه ==== ومسؤل عن كسر العصا من كسرها

يانجر انا حساس والميل مرضاه ==== لالك ولاليه وانا منك وارها

والشك واش جابه وش جاب طرياه ==== ومن صف ليحان الشداد وسرها

وراع الرساله صاحبي نجر مطراه ==== ولاجاب النجر سيرتن في سيرها

والغيب في اوجيه االمساييرمقراه ==== ولانشر رسالت واحدن مانشرها

ولالي لزوم ادخل يدي وسط مخباه ==== ولا بادره في سالفه مابدرها

وطقه وتنجيمه وناره ومكواه ==== مايمه بيمك ولنت بدورها

شاعر واله ياطيب العرف مغزاه ==== ولاخطيت حتى رميته تنتظرها

وانكان ابه دعوى عليه مخفاه ==== يشرب عصير الحنظله من عصرها

تبيني اصفلك محله وتنصاه ==== وتردالعدود الي قراحن مطرها

ويبرا الفواد الي طنا الشك يشعاه ==== بنار الهجوس الموجعات وقشرها

هذا وعطتي رايك الي توراه ==== والك الخيار ابوردهاوابصدرها

ولاتحط للموضوع صره وجمهاه ==== يانجرقمرانا جلين قمرها

يانجرخل الشك لهل المحاباه ==== الي تولع ناره في اغترعا

ولاتستمع لهروج فتاح الافواه ==== الي ابتخميش الاضافر ضفرها

يشيلون ذيك وذيك تبقامخلاه ==== ويعمون عميان البصاير بصرها

خلك معي يامعرب الجد والجاه ==== ماودي الرفقه هذيك تخسرها

تراك عندي لك معزه وملجاه ==== وعندك خبربرهانهاوتخبرها

ومن طاوع الشيطان خله ابمسراه ==== عسى مطر سحبه تيبس خضرها

خله لعله هفت مقيط وارشاه ==== انساوقة مطيته وان عقرها

لاتعترض دربه ولاتتبع ارضاه ==== وارجم ابليس ابسبعتن من حجرها

وسبعه معي وارجمبهاابليس وارداه ==== واقرا اية كل الجنون تحشرها

اقرا اية الكرسي على ابليس واعصاه ==== والنفس عن بعض الامور نعسرها

وبعت وشريت وشرت والطيب ادراه ==== واشوم وشيمة صاحبي ماغدرها

وسلامتكم