ياسلام الله عليكم ياهل الحفله سلامي

[عبدالله قطنان القوبع]

1-ياسلام الله عليكم ياهل الحفله سلامي =وياسلام الله على الاصحاب ورجال القبيله
2-والسلام لمن حضر من دون تحديد الاسامي=في محل اهل الكرم والطيب واصحاب الجميله
3-جيتكم من كشب عاني يارفيعين المقامي=وانتم اللي لادعى الداعي نجيه وينعنيله
4-الهدف معروف والغايه نبارك للقطامي=ابن حرومن سمع عن حفلته لازم يجيله
5-العرب جتله من اقصى الدار حشمه واحترامي=غطرفيله ياعنيزه لوسمحتي غطرفيله
6-من سلالة قوم يوم الحرب من شرقن وشامي=يشعلون النار والبارود في خشم الفتيله
7-يوم ضرب السيف فوق الروس في الميدان حامي=فعلهم مخبور والحجه تثبت بالدليله
8-مثل فعلك يارشيد اللي عليه الحظ قامي=انشدو عنه المكان المعتبر ضلع ومسيله
9-وانشدوا شباب ابن فايح وروحوللزلامي=وان بغيتوا تنشدون الهرس ينعشكم صهيله
10-الرواه اللي يعرفون الصدوق من الحرامي=الحرامي للتووبه ماقدريخلي سبيله
11-الكلام اللي اقوله يالربع ماهو كلامي=قول ناس وفعل قومً ماتهاب المستحيله
12-ان ذكرت امجادهم والله مايحلقني ملامي=افتخر بافعالهم وارقى بها راس الطويله
13-فيه مخً فالدماغ وفيه مخً فالعظامي =كيف مافخر في رجال العلم واصحاب الفضيله
14-الحقايق واضحه والنور جلاي الظلامي=ومن يغط النور رجلن يعتبر نقص وفشيله
15-ولاانا لاقلتها من دون احرم من حزامي=والله اني للطم العايل وضده ورتكيله
16-يافهد يابن رحيم يالكريم ابن الكرامي=بارك الله فالاصيل وبارك الله فالاصيله
17-انت جدك يافهد ياجعل خده لرحامي=دون ربعه مايهاب الكايده لوهي ثقيله
18كم عطت يمناه مال وكم سقى من كبد ظامي=والله انه يطلق المسجون ويخلص عميله
19-وانت ابوك مكرم الضيفان والرجل العصامي=يكرم الضيفان والجيران ويزبن دخيله
20وكل عمانك وسبع انعام في وقت الزحامي=السطر في رووسهم والدين واليمنا طويله
21-وانته انسابك هل الوقفات والربع الحشامي=من يكيل الصاع يلقا واحد مثله يكيله
22-يوم وقت القوم والشجعان تعرف بالمرامي=ينقلون المارتين وينقلون المستطيله
23-والدخيل ليازبنهم والله انه مايظامي=دونه اللي فيه حيل ودونه اللي فيه حيله
24-لين ساد الامن والقران دستور النظامي=تحت حكم الدوله اللي للحقوق امست كفيله
25-ظلها ضافي علينا كل يوم وكل عامي=احمد الله وشكره في كل لحظه وانحني له
26-يافهد نبا نختمها على احلامايرامي=الله انه يسعدك في كل يوم وكل لليله

[مرزوق حمدان العتيبي]

..

.
رائعه بروعة شاعرها
تستحق التثبيت ...

صح الله لسانك ياعبدالله وعزالله تجمل ماقفكـ
اخوك ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبن حشيان]

عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

[عبدالله قطنان القوبع]

المشاركة الأصلية كتبت بواسطة مرزوق حمدان العتيبي

..

.
رائعه بروعة شاعرها
تستحق التثبيت ...

صح الله لسانك ياعبدالله وعزالله تجمل ماقفكـ
اخوك ..

الرائع وجودك المميز
صح بدنك وشكراً لك على التثبيت

[عبدالله قطنان القوبع]

المشاركة الأصلية كتبت بواسطة أبن حشيان

عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

صح بدنك والله لايهينك
والقصيده طال عمرك قصيدتي وانا شاعرها
وبخصوص المقدمه اللي اعرفه لايوضع مقدمه
الا على القصيده المنقوله لتوضيح شاعرها
انما قصيده في قسم قصائد الاعضاء تعتبر لمن كتبها

[فهد العازمي العتيبي]

..


صح لسانك

ولاهنت

قصيده جزله ورائعه ،،،

التوقيع

للتواصل على تويتر https://twitter.com/falotaibi5115 ،،

[قرنــاس الصبيحي]

صح لسانك وقصيده جزله من شاعر جزل




تحيااااااااااااااااااااتي لك

[عبدالله قطنان القوبع]

المشاركة الأصلية كتبت بواسطة فهد العازمي العتيبي

..


صح لسانك

ولاهنت

قصيده جزله ورائعه ،،،

صح بدنك والله لايهينك
الجزل كلامك الطيب

[القوبع صح]

المشاركة الأصلية كتبت بواسطة أبن حشيان

عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

قائل القصيده رجل كبير في السن ولا يعرف المنتديات

وهو شاعر علم ومعروف بل يعتبر شاعر قبيله

[القوبع صح]

المشاركة الأصلية كتبت بواسطة أبن حشيان

عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

المشاركة الأصلية كتبت بواسطة مرزوق حمدان العتيبي

..

.
رائعه بروعة شاعرها
تستحق التثبيت ...

صح الله لسانك ياعبدالله وعزالله تجمل ماقفكـ
اخوك ..

مرزوق يجب عليك تحري الدقه والمصداقيه وتبرئة الذمه