ايها الاخوة هذا جديدي اتمنى ان ينال القدر اليسير من استحسانكم
الحول حال وحالتي حولها حل = مافي جديد و كل شي ابمحله
الحول حال وحالتي مالها حل = حال المحال الصعب من دون حله
الحول حال اشد واحل وارحل = اشد من حلة(ن) واحل حله
لا اقول انا صاحي ولا اقول مختل= من شاف حالي قال فالعقل خله
مرت سنه والريق نا شف ولا ابتل= والدمع يجري والمحاجر تهله
مشيت لين اتعبت رجلي وانا اسأل= مافيه واحد دلني عن محله
من وادي في وادي ومن تل في تل= نوب يجر القلب ونوب(ن) يتله
يا وجد روحي وجد من طاح منشل= والا يتيم (ن) والده ما يت له
جرحتني وتضمد الجرج بالخل = ما سدك العله تبا تزيد عله
يا عاذلي في حبها لا تعذل = وش تعرف من الحب دقه وجله
ان قلت قل الشوق اقول الك ما قل= ترى اللذي يعشق من الناس قله
وان قلت مل الحب اقول الك ما مل= للحب وسط القلب مذهب ومله
وان قلت ذل القلب اقول للك ما ذل= ماعاش فوق الارض واحد يذله
وان قلت بدل كل شي ايتبدل = اقول صادق لكن الحب لله
وان قالوا انسى قلت هذي ولا اسهل =انساه وانسى اني نسيته وادله
يا صاحبي ما دمت للقلب محتل = وسيف الغلا باقصى ضميري تسله
ما فيه داعي بالغياب اتعلل = اما تعقد الحبل والا تحله
ارحم محبن في هواكم تبهذل = امانه معك ياللي تشوفه تقله
فوق السنه شهرين ان اهلالها هل = وما جيت تطفي شوق قلبي وغله
لخلد اسمي واسمك ابكل محفل = ونصبح حديث الكل مجلس وشله
واقطع وريد القلب من فوق واسفل = واقول خل(ن)مزهق(ن) روح خله
18-May-2005, 01:48 AM
الحول
العرض العادي
