غزلية للشاعر فيصل الرياحي

[بندر المطيري]

ياوديع السر خل السـر خافـي
أكبر من الظن ، أقل من الجريمه
المباراه إنتهـت والستـر ظافـي
ياحبيبـي كـل غلطـه بتعليمـه
لاتلاعبني على الشوط الإضافـي
إلا واللعبـه قواعدهـا سليـمـه
قبل تدخل في نظـام الإحترافـي
طيع شوري عدّل اخطاك الجسيمه
علق أمالك على قلـب السنافـي
يعتني بك حب وإخلاص وعزيمه
لاتعلقها علـى رقـاب الزرافـي
أعتقد مافي زراف الغاب شيمـه!
من عذاب الغدر يسلم كل وافـي
والوفاء منهاج الأفكار الحكيمـه
غلطة الجاهل لها سبعيـن رافـي
وغلطة العاقل عواقبهـا وخيمـه
والقلوب اللـي نواياهـا نظافـي
ماتلاقـا مـع قلـوبٍ مستهيمـه
نجم ساطع ماينور نجـم طافـي
لو يعود النور للعيـن الكريمـه!
ومن يريد المقبلات من المقافـي
مثل طلاب العداله من خصيمه !
والسمان اللـي تلفـت للعجافـي
بينها تفرق وسيمه عـن وسيمـه!
دورة الدنيـا دليـل الإختلافـي
مامـع الأيـام حالـه مستديمـه
كـل ماقلنـا يلحفهـا اللحـافـي
ترفع الجلسه ويقفا السيـل ديمـه
لوعقدنا مؤتمر فـض الخلافـي
مؤتمرات العـرب دايـم عقيمـه
إترك إسلوب التنازع والتجافـي
وإلتحق بالركب يامـال الغنيمـه
الهوى راعيه لـو قيـل متعافـي
الولـه يقـلاه والفرقـا تضيمـه
ياحبيبي خل جـو الحـب دافـي
وأرسل القلب يتمتع فـي نعيمـه
ماعليك من العـذول ولاتخافـي
إتركه يعزف على دقـه قديمـه!
مثل الأخـلاق والبعـد الثقافـي
تنتصر في عالـمٍ كلـه هزيمـه
ياهواي العذب يازيـن الملافـي
يالحنان اللي عسى ربـي يديمـه
جوهره ياجوهره والوصف كافي
أنت قيمـه مايعادلهـا أي قيمـه
ياذهب يالول يامرجـان صافـي
ياخلاصة كل الأحجار الكريمـه
لاتعاند، خل جـو الحـب دافـي
وأرسل القلب يتمتع فـي نعيمـه