سلامتك يا امير الاحسان سلطان=هي غاية الشعب ومناه ومرامه

[هرمسي]

سلامتك يا امير الاحسان سلطان=هي غاية الشعب ومناه ومرامه

الكون كله ضاق يا طير حوران=بعد فقدنا الجود والابتسامه

خيّم سمانا هموم وغموم واحزان=والشعب كله ما اهتنى في منامه

يدع الولي يشفيك من قلب والسان=والحمد لله يوم جيت بسلامه

زال الكدر والنور بقدومكم بان=نور(ن) سواد الليل يجلى ظلامه

تباشروا بقدومك اصحاب واخوان=والدار كله من جنوبه لشامه

لك في قلوب الشعب يا امير مسكان=مغرم ولا نستغربه في غرامه

انت العلم رمز الكرم يا كحيلان=جزل العطا رجل السخا والكرامه

فرّاج للمحتاج واله انت مزبان=اللي همومه ناحلات(ن) عظامه

ماله حجى بعد الولي عالي الشان=الا مقام اللي عزيز(ن) مقامه

سيرتك بيضاء بالمواقف والاحسان=مضرب مثل واسمك للامجاد هامه

الله يجيرك من صواديف الازمان=الاهنا المعبود منشى الغمامه

ويحفظ وطنا فخرنا بين الاوطان=ما همنا قول الحسود وكلامه

الدولة اللي دينها صفو الاديان=تمشي على نهج(ن) صحيح(ن) قوامه

في ظل من عن كلمة الحق ما لان=في ظل ابو متعب عميد الزعامه

شاعر :عبدالله مثيب العتيبي

آخر تعديل هرمسي يوم 03-Sep-2009 في 04:05 PM.

[عمر الدغيلبي]

صح لسانك يا عبدالله

وبيض الله وجهك

والله يعافي ولي العهد ويقوم بالسلامه

احترامي

[بدر بن ثعلي]

شاعر :عبدالله مثيب العتيبي



صح لسانك يا الشاعر السروق عبدالله

اعتذر عن اللفظ ولكن فعلك يستوجب ذلك ,,

القصيدة لي انا طال عمرك وتم وضعها في اكثر من منتدى وشاركت بها بمسابقة سلامة سلطان وانت تجي وتنسخ وتلصق وتقول الي وباسمي وهذا ما يصح بارك الله فيك ..



ارجوا من الادارة المكرمة اتخاذ اللازم بحق العضو ,,