من روائع سليمان بن شريم

[محمد الذيابـــي]

قصيده للساعر الراحل سليمان بن شريم أعجبتني كثيرا

يا من لـ . عين.. في محاجيرها شوك =والقلب به.. عن لذة النوم.. تكاك
لي دك في قلبي.. من الهم داكوك =جاوبت طربان الحمايم . على الراك
عزي لحالك.. يا عزيز.. وأنا أبوك =كان الزمان اللي وطاني.. توطاك
أمشي.. وكني.. يا عزيز.. بتابوك =في حبيس جبار . تحت حكم الأتراك
على عشير.. دونه الباب.. مصكوك =ما غير امره.. واتعداه.. مناك
باب.. وراه احروس.. ما هو بمفكوك =ومبرز.. دونه.. مكاين وشباك
دولة زمان.. بين جاك وتعداك=افهم وصاتي.. يا عزيز.. وأنا بوك
تراه ما ينعفك خالك.. ولا أخوك =لي صار ما تقضي لزومك بيمناك
وربعك.. إلى بان الخلل فيك.. عافوك =أقرب قريب لك من الناس.. يشناك
إن كثر ملك.. قربوا لك.. وحبوك =وإن قل ما بيديك.. شانت سجاياك
لو تطلب الما.. عندهم.. كان ما أسقوك =إبعد مزارك.. عن وطنهم ومرباك
إن جاد حظك.. صدقوا لك . .وزاورك =وإن بار.. كل ما يبي غير.. فرقاك
وإلى اعتراض لك من صروف النيا صوك =كل تبرًا منك.. ما هو وياك
وهراجة المجلس.. إلى جيت.. وروك =منازل.. تطرب نظيرك بدنياك
وإلى قضوا منك اللوازم.. وخلوك =تفرقوا.. وأنت احتمل.. كل ما جاك
كنك سراج البيت.. للنور.. شبوك =وإلى قضى اللازم حدا الربع طفاك
وإلا كما.. ليمونة الحمض.. مصوك =وإلى قضى منه الطعم فرغوا لذاك
واللي يجي من رفقته.. ريب وشكوك =احذر عنه.. لياك تصدق بمسراك
والى جفوك أهل الوطن.. واستخفوك =قلع غريسك منه.. واهدم ركاياك
تراك.. لو تمشي على الرجل.. صعلوك =أحسن.. من اللي تلتجي له.. وياطاك
عطهم.. وضيفهم.. إلي منهم.. جوك =وغلق ضميرك.. لا تعلم بقصياك
إن طبت.. ما حبوك، وإن عبت.. زالوك =تمضي حياتك.. ناقل داك.. برداك
والي نفوك من الوظيفة.. وعافوك =خفت موازينك.. وكل تهقواك
وخدمتك شيخ.. كنك العبد مملوك =يامرك.. فيما يشتهي، وانت ينهاك
اعرف تراك مبرقع منه.. مشبوك =حدرك في حبل المهالك.. ولا ارقاك
واصحا لخلان الرخا.. لو تغالوك =اعرف ترى اطيبهم إلى احتجت يجفاك
كنك خوي "مقيط".. دهووك، واغولك =وحقك.. عطاك رشاك، واقفي، وخلاك
واحذر عن العيلة.. ترى الحق مدروك =مثل القضا يدركك.. ما منه فكاك
وإن كان عدوانك على الضيق.. حدوك =اخصم طلابتهم.. بعجفاك واقداك
وإن كانهم.. لمشرف الحق.. ماشوك =ناظر مطاليع الفرج.. قبل مبداك
وإن طاوعوا شيطان الأنفس.. وهانوك =فاصبر على البلوى.. ودفنه رزاياك
زرهم.. تراك اليا توانيت.. زاروك =إن ما بديت.. بصاحب السو.. يبداك
ما دامهم.. ما طاوعوا لك.. وعرفوك =اضرب على الكايد.. الى عمست ارياك
والحم عن الجاهل ترى الحلم مبروك =وقم للضعيف اللي من الضيم ينخاك
وادمج خطا جيران بيتك.. إلى اوذوك =ترى القصير، وحرمة الجار.. بحماك
عطهم رواتب حقهم.. لو تناوسك =في كل ما يصلح.. لدينك ودنياك
وقم للضيوف الي عنوا لك.. وضافوك =أعلى كرامتهم: احجاجك.. وبشراك
واعرف ترى مالك من الضيف مشروك =لولاه يطلب حاجته منك.. ما جاك
وقم للرجال أن ريحوا لك.. وحبوك =واحشم خويك، واكرمه.. عند ملفاك
والي اعتبرت بسيرة الناس.. كفوك =ما كثر من شيء.. تعبته، وعناك
ولا تبات بهم دنياك.. مضنوك =ما طاب لك.. ما دام لك.. وافتهم ذاك
لو يطلبون اخفايك الناس ما أخفوك =والرجل.. مثل النجم.. في كل الأفلاك
وصلاة ربي.. عد الأوراق والشوك =وما ناض براق.. وما هل سفاك
على الذي.. ما فيه ريب.. ولا شكوك =محمد.. ما دك بالقلب.. دكاك

التوقيع

التوقيع محمد الذيابـــي

آخر تعديل محمد الذيابـــي يوم 15-Mar-2011 في 05:30 AM.

[غالب الذيابي]

وهذي احدى روائعة

يـا لله يـا فكـاك مـن حبـل الإدراك=ياللي عبيدك ترتجـي فضـل جـودك
تفرج لمنهو يرتجـي فضـل حسنـاك=أنت الذي مـا فيه شـيٍ(ن) يكـودك
ما نيب في رجوا حد(ن) غير رجـواك=ولا راجيٍ(ن) زود(ن) يجي غير زودك
تلطف بحالي يـا رجـا مـن ترجـاك=وانـك تساعدنـي بطيّـب سـعـودك
انا الـذي مستوجـب العفـو لرضـاك=وأنت الذي مضفي على الخلق جـودك
واليا نويت العبد شـيٍ(ن) مـن أشيـاك=سقت القدم به ليـن ياصـل وعـودك
نـدور فـي دور السعـادة بالافـلاك=وتبرنـي بـرة وعـد مـن وعـودك
أنت الـذي مـا زاروا البيـت لـولاك=خوف ورجا ما حد(ن) تجاوز حـدودك
ماهيـب تحصـى منـك يالله عطايـاك=ومدتك مابـه منـة(ن) مـن حسـودك

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[محمد الذيابـــي]

مشكور ولاهنت

[ابو يزيد الحافي]

مشكور الذيابي

[محمد الذيابـــي]

الشكر لك ياأبا يزيد الحافي