هذه القصيده مرسله للشيخ ابو قاسي الروقي العتيبي بمارب

[مخلد بن ماشع]

هذه القصيده مرسله من أحد العتبان بالمملكه العربيه السعوديه

للشيخ ابو قاسي الروقي العتيبي شيخ قبيله عتيبة كافه في اليمن ويسكن بمارب باليمن يناشده عن أحوال سعود الشيباني العتيبي

والذي لجأ إلى اليمن قبل أن يصدر له العفو الملكي من سلطان القلوب حفضه الله وأبقاه

يالله ابديتك يامطلع بالخفيات=فرد معبود يافاهم جميع اللغاتي
ياكريم الرجاء وحدك عفو المزلات=عبدك اذنب وراجي منك المغفراتي
بعد ذا قال ابو راشد سمعنى الاذاعات=جابت اخبار واشنطن ونهر الفراتي
وانزعجنا وقلنا ايش هذا الخرافات=مارضينا ابد في قصفت النايفاتي
كل واحد ادان القصف في ضرف ساعات=والدول قالت ان هذا من المنكراتي
الليل ياهاجسي اللي جيت من عقب غيبات=خرج اللي كتبت وافصح الغابياتي
واذكر الوقت اللي طويل عليك المسافات=ضاع وقتك وتحسب لذي مقبلاتي
عيتي من زمن فيه العنا والمذلات=وقت نزل بيوت العز ذي عالياتي
اهتان ابن العزيزاللي يشل الحمولات=وارتفع صوت ذي يعرف الملزماتي
ذي على الخزي دايم مايهم الملامات=قصده الاحياته كيف ماجات تأتي
لعنت الله اللي في الردى له سجلات=اع نفسه ولا له سعر بالمرجلاتي
بعدذا ياكروزر جاتني من الامارات=جاتني كاش مدفوع الثمن كاملاتي
الجديد المغبر قدهو اخر موديلات=شل خطي قدى ذي يسمح المعوجاتي
عند ابو قاسي ذي مايهاب الثقيلات=وانعم اللي على الجودات له سابقاتي
بايرحب وبايكثر عليك السلامات=عادته لا لفاه الضيف سى المعجزاتي
قل مساء الخير ياولد الوفى والمروات=نسل ذي يركبون الخصم بالموجعاتي
قبل يطلب علومك بايسي المستحيلات=وبايذبح من الخرفان زين الصفاتي
بعد ماتنعموا اعطه من العلم لمحات=وان تخبر علينا فأعطه المرسلاتي
واسأله عن ولد عمه وسجنه والآهات=العتيبي اصيل الجد في ذكرياتي
لويروح العتيبي سجلوا في الملفات=وصمة العار ماعرف مثلها في حياتي
ذي كلامي وقلبي رجه الوقت رجات=صاب ذا الوقت كثر علي المفجعاتي
لاتلومون قلبي دقه الوقت دقات=ونتحا الدم من قلبي وصابه شتاتي
وضاع مني الوداداللي يجيب المزوحات=واضن ياخوي من راح ماعاد يأتي
بعدذا ياعلي خذلك علوم الحسينات=شفتهن وسط وادي وقالن الصبح تأتي
جيت في الموعد الحساس في ضرف لحظات=واختفى الهرج ذي حضرت في الموسعاتي
رحبن بي وهلن بي وسنلي المخدات=وقالن ارتاح شف فينى النسم والسعاتي
قلت ويش اصلكن ياذي عليكن علامات=كل منكن عطاه الرب زين الحلاتي
قالن الاصل وافي خل منى السؤالات=لاتفكر انا من نساء خايناتي
قصدنا ياخوينا الشرف والمروات=لاعزمناك شفنا نعرف اللازماتي
قلت ياحيف ياللي سيت في الهرج ميلات=لاحشاماقصدنا فيكم المايلاتي
بس حبيت اسولف واعذب الهرج همسات=طكان هذا مزعلكم لكم معذراتي
بعدشده طويله قدمولي الشرابات=واصطفينا وصفينا قلوب البناتي
وقلت كرمكم الله وبادلونا الزيارات=ناظرني بنظره ياعلي حايراتي
ودعني بكلمات الولاءوأحترامات=انشهد انهن على الجودات متربياتي
انعشن قلبي اللي مات في ظرف لحظات=وامنحني امل جددت فيه امنياتي
ذه علومي عسى الله يحتمل للثقيلات=نطلب العفو منه عالم الخافياتي
وآخر القول نهديلك جملة نصيحات=لوله منهن لاتصحب البايراتي
والثانيه يارفيقي سمع اهل الكرامات=والثالثه اصحب اللي يشتري المرجلاتي
والف صلوا على احمد ماقروا بالكتابات=صلاة من قلب خاشع وآياته المنزلاتي

وهذا جواب الشيخ بوقاسي الروقي العتيبي :

الهي ويا من سيت سبع سماوات=والجبال الجسام الشم الراسيات
أسالك تخذل الكفار والنصر بالذات=للذي زلزل الطغيان بالطائراتي
قال ابو قاسي الروقي تلقيت كلمات=من معالي ابو راشد فريد الصفاتي
هيجتني قفا ما قد كرهت السياسات=واظهرت لي هموم الدهر ماضي وآتي
يا رسولي معك بالله شل التحيات=للصديق الوفي واحمل معك منجزاتي
قل له اليوم من بثو علينا دعايات=يخرسو والجماله لي بلغت امنياتي
آل عبدالعزيز اهل العلا والبطولات=بيضو وجهي الي لجله ارخصت ذاتي
للشرف بعد ذاتي ما حسبت الريالات=يوم غيري يشوهني فدايا بناتي
يشهد الله ما بيع الشرف بالجنيهات=لا ولا للمصالح بعت باقي حياتي
بعت روحي وما في حوزتي للجمالات=والجماله وعز النفس من معجزاتي
وابن عمي عفوه اهل السمو والجلالات=رغم انف الذي بثو علي شايعاتي
اشكر الله با يطلق ومن مات له مات=غابت الشمس لكن بكره الصبح آتي
واعلن الرفض لامريكا وللانفجارات=والشعوب الابيه تنتظر حرب عاتي
حرب فعلاً صليبية بها جات ايات=ضد الاسلام وحد جميع اللغاتي
بوش يستهدف الامة وكل الدويلات=غايته قتل احراري وينهي صلاتي
بوش ابن بوش مستهتر بكل الديانات=والعرب يا خسارة مثل شاتك وشاتي
والصبايا انا مثلك عشقت البنيات=وانزو عنهن قلبي كفاتي كفاتي
المشاكل رمتني في عميق المحيطات=وانت ربي يعينك في هوى الغانياتي

ومن المعروف أن الشيخ بوقاسي أول من طالب لسعود الشيباني العتيبي بالعفو له وذلك عام 1413هـ بعلم المقدم / صالح بن سعيد الشهراني بسلاح الحدود بنجران واختتمه الشيخ / يحيى العكيمي والذي على ضوء رسالته صدر عفو الامير / سلطان بن عبدالعزيز برقم 1260- ل21 وتاريخ 28/10/1421هـ وبدوره تقدم الشيخ ابو قاسي الروقي الى سمو الامير / احمد بن عبدالعزيز نائب وزير الداخلية في 15/9/1415هـ وطلب من سموه السماح لسعود الشيباني بالدخول من اليمن عن طريق نجران ومعه عشره مشايخ من الروقه ودهم وجهم (عشائر من حاشد وبكيل )وما قصر سموه وافق وصدرة الموافقة من السمو الكريم الأمير سلطان الى امارة نجران برقم 34853/2 وتاريخ 28/10وكان لجهود بكيل وحاشد عامه ودهم وجهم خاصة وعلى راسهم ال العكيمي وال طعيمان الكرام جهودهم المشرفة في قضية العفو

وهذه رسالة الشكر من الشيخ ابوقاسي الروقي لسمو الأمير سلطان :

ياونتي ونت أسد ماله أنياب=بين الظباع الجايعه والثعالب
ونت بطل خلوه للحصم الأصحاب=وحيد بين أعداه ما شاف صاحب
ونيت ونه لو سمعها جبل ذاب=ومن عيونه سال دمعه غوارب
على رفيقاً لاغدرته ولاعاب=ولا بعون الله أنا فيه عايب
والنوم حاربته ولا خاطري طاب=وصاحبي عني في السجن غايب
والله مانا للشيابين جلاب=ولا لخدمتهم حسبت المتاعب
لكن وثقنا في طوالين الأشناب=سلطان وأخوانه ذياب الشعايب
أولاد شايب يعتق نفوس وإرقاب=واليوم في قبلة جميع المذاهب
أرفع قظيتنا إلى رب الأرباب=فاهم نوايانا سريع التجاوب
يفك من جبناه في سجن غلاب=ويفكنا من جالبات المصايب
ولا نشك في عريقين الأنساب=من قال فيهم ظننا خاب كاذب
للساع ظني بالمعازيب ما خاب=وأبوك ما بعناه يا شيخ طالب
من يتهمنا فيه بالعيب كذاب=العرض ماينباع والمال ذاهب
ولا بري من عدل سلمان يرتاب=سلمان أبونا وطاعة الأب واجب
في مجلسه فاتح لأولأده الباب=ونائبه صطام ياخير نايب
بشوش في وجه البري والذي تاب=والظن في صطام ماهو بخايب
وأحمد ونايف للبري ذخر وأحباب=والعفو شيمتهم لمن عاد تايب
ير جع لهم تايب عن الذنب من غاب=وير جعون الحق من كل غاصب
وانائب الثاني لشعبه والأجانب=والد في السراء وعند النوايب
خصمه يهابه وإن نوى خصم ما هاب=ظرغام لاشبت نيار الحرايب
درع الفهد والفهد للشيخ والشاب=ملجا وعبد الله طويل الشوارب
ولي عهد الفهد وأخوانه أعصاب=وإحنا لهم خدام في سد مأرب
بالله آمنا ونكفر الأحزاب=عند الكرامة مانهم العواقب
مع السعوديه نقف ضد الإرهاب=والعفو من سلطان بالفعل صايب
من شك فينا أو في العفو نصاب=لولاه ما عاد الذي كان هارب
ولا معه جينا وحنا له أنساب=وحنا مع سلطان قلب وقالب
والمملكه ماسادها عالم الغاب=لكن بحكم الله في كل جانب
حكامها سادوا وللعزة آتعاب=من يطلب العليا ءيقدم ظرايب
لعفوهم جينا بلا شك طلاب=ولالنا غير الجماله مطالب
صلوا على من عزه الله بكتاب=والله وأكبر ما سوى الله غالب

--------------------------------------------------------------------------------

[عبدالرحمن الهيلوم]

مشكووووووووووووووور يالغالي

[محمد العتيبي]

مشكور يامباارك ماقصرت ..

التوقيع

للتواصل عبر twitter تويتر al_bargawy@

[البريماني]

مشكور وصح الله السان الروقي

وهو من اي روق وبعدين وش قصة الشيباني ؟؟؟؟؟؟؟؟

[عبدالله الجـــذع]

مشكور يامخلد وبيض الله وجهك على
هذه القصه للرجال الكرام
وبيضان الوجيه على افعالهم الطيبه
ويستاهلون كل خير

لاهنت يالغالي

ننتظر جديدك

ولاعاد تطول الغيبه يامخلد

محبك

.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الوهاج العتيبي]

أخي مخلد أشكرك على طرح هذه الموقف المشرف لأبو قاسي العتيبي وقبيلته الروقه باليمن وقبائل اليمن الذين شاركوه شرف هالموقف المشرف ونحن نفتخر بهذا الرجل الوفي 0
ولكي أوضح للأخ السائل عن من أي روق يكون هذا الرجل فهو من البراريق الحبصان ذي ثبيت الروقه عتيبه وقد ألتقيت به عدت مرات ورأيت معه شجرة منقوشه لقبيلة عتيبه ببطنيها الروقه وبرقاء وهو موسوعه ورجل مثقف بمعنى الكلمه فهو ملم بتاريخ عتيبه الناصع ولما سألته من أين حصلت على هذا قال لي ورثته عن أبائي وأجدادي وهو شيخ قبيلة الروقه باليمن وديرته طرف المويه /المدارين حريب مأرب/ 0
هذا للتوضيح ودمتم

[محمد الذيابـــي]

مشكور يامخلد

التوقيع

التوقيع محمد الذيابـــي

[فهد علي العازمي]

مشكور يامخلد

لاهنت