ومن شانكم رتبت نظم القصيدة

[عبدالرحمن الـعتيبي]

بسم الله الرحمن الرحيم


السلام عليكم ورحمة الله وبركاتة
أهدي هذي القصيدة لكل رجل من قبيلة الهيلا
وأتمنى أن تنال إعجابكم







سريت مع فكري في تالي الليل
وبحر في بحور الفرايد فريده

شاعرن وأمثلكم خير تمثيل
ومن شانكم رتبت نظم القصيده

لرجال الهيلا مديحين الفعاييل
أكتبلكم من حروفي بيوت وقصيده

قصيدة(ن)يطربلها راعي المثايل
أطربلكم على لحن القصايد وعيده

وبدع وصوغ البيت دون تزييل
وطاريكم بالقاف طاري حميده

هذا انا ونتم من غير تماييل
الكل فيه الخير وفعله يجيده

في جمعكم في علومكم هلاهيل
ذيك السوالف والعلوم المفيده

وفي آخر قصيدي ياأعز الرياجيل
وفقكم ربي بأليالي السعيده






بقلم/عبدالرحمن العتيبي

[محمد الذيابـــي]

صح لسانكـ......

التوقيع

التوقيع محمد الذيابـــي

[فهد رشيد الزلامي]

حياك الله ياعبدالرحمن

مشاعرك وصلت وهديتك على العين والراس

ولكن اتمنى مراجعة القصيده من ناحية الوزن والقافيه ولك تحياتي.

[عبدالرحمن الـعتيبي]

المشاركة الأصلية كتبت بواسطة محمد الذيابي

صح لسانكـ......

صح بدنك اخي
وشكرك على مرورك المعطر

[عبدالرحمن الـعتيبي]

المشاركة الأصلية كتبت بواسطة فهد رشيد الزلامي

حياك الله ياعبدالرحمن

مشاعرك وصلت وهديتك على العين والراس

ولكن اتمنى مراجعة القصيده من ناحية الوزن والقافيه ولك تحياتي.

الله يبقيك اخي
وتسلم يالغلا

ولكن اخي انا ودي اعرف القافية وش فيها؟
بالنسبة للوزن لي مراجعة ان شاء الله

[عبدالمجيد النفيعي]

الوزن يفيدونك الأخوان من عندهم خبره

لكن سؤالي انت راضي بهذه الكلمات من ناحية القافية

الفعاييل

المثايل

إن شالله نشوفك أحد أبرز شعراء منتداتا وقبيلتنا

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[عبدالرحمن الـعتيبي]

ان شاء الله اخي
بس القافية في قصيدي هذي في الشطر الاول آخر حرفين
الشرط الثاني آخر ثلاث حروف

معليش يعني وضحو للحين ماني عارف عليكم
عندكم
الليل
تمثيل
فعاييل
المثايل




وللجميع مشكورين على المرور العطر
نورتو

[عبدالمجيد النفيعي]

أخوي عبدالرحمن ، كلمة اليل وتمثيل إذا نطقتها تشوف إنها متناسقه مع المثايل ؟

هاذيك قافيتها (إيل) وهاذي قافيتها (آآيل)

المثايل يصلح معها كلمة , قبايل ,فعايل ,خصايل ,اصايل

أما كلمة فعاييل أنا ماأدري أنت مزود حرف الياء بخطأ مطبعي منك أو لكي يصلح مع القافية إذا كان السبب هو الثاني أعتقد إنك شوهت من الكلمة شوي وأنت في غنى لأن القافية سهله وتجد لك كلمة غيرها

[عبدالرحمن الـعتيبي]

اهاا الان بانت لي
اشكرك اخي

في القصيدة القادمة اان شاء الله انتبه لهذا الشي
بالتوفيق

[فيصل مطر]

يامرحبا              يامخاوين               نجمة               سهيلمط·آ·ط¢آ¸ط£آ¢أ¢â‚¬ع‘ط¢آ¬هاجسن ماكل  شاعر  يصيده

تبطيط·آ·ط¢آ¸ط£آ¢أ¢â‚¬ع‘ط¢آ¬لى جرتك اهل سبق الخيللوماتخلي                من                جدها                شريده

لاكن    يارعيط·آ·ط¢آ¸ط£آ¢أ¢â‚¬ع‘ط¢آ¬لوم     المشاكيلتسلمط·آ·ط¢آ¸ط£آ¢أ¢â‚¬ع‘ط¢آ¬سى  باقي  حياتك  مديده

واقلط·آ·ط¢آ¸ط£آ¢أ¢â‚¬ع‘ط¢آ¬على ربعك هل البن والهيلذباحة                الحايل                كعام                 العنيده

صح لسانك مليون على ماطرحت ياعبدالرحمن

تقبل تحياتي

آخر تعديل فيصل مطر يوم 02-May-2011 في 02:38 PM.