مجاراة الشيخ عبد الرحمن بن ماجد بن ربيعان لقصيدة الامير بندر بن سلطان

[خلف القثامي]

قصيدة صاحب السمو الملكي الامير بندر بن سلطان بن عبدالعزيز :

ياالله ياللي كل مخلوق يرجيك =ياعالم ٍحالي عزيز الجلالي
يا مستجيب لدعوة اللي يناجيك =تفرج لمن كنه على حر صالي
قد قيل قبلي من هرجلك هرج فيك =وخلاك تكره واحد ٍكان غالي
خلاك تكره واحد ٍكان يغليك =لوكان من ربعك قريب ٍموالي
والجد مايرفع مقامك ويحييك =لياصرت في كل المواجيب خالي
والخال لاضاعت سموتك يخليك =حتيش لوقلت ان ابوزيدخالي
[واناولدمن هو يحل الشرابيك =يذكرلياعدو فحول الرجالي
ولاني عشيرٍ للرخوم الصعاليك =ارابع اللي يلحقون التوالي

مجاراة الشاعر الشيخ / عبد الرحمن بن ماجد بن ربيعان لقصيدة صاحب السمو الملكي الامير بندر بن سلطان بن عبدالعزيز آل سعود :

والنعم يابندر ليا حل طاريك =مال الردى يامير يمك مجالي
انتم هل الطولات مافيه تشكيك =شوحاتكم توردقصار الحبالي
ماقلتها راج ٍ ندى فيض آياديك =حاشاك هذي ياكريم السبالي
لا والذي يقدر يميتك ويحييك = ماهوب انا اللي شوفتي قد حالي
انا اللي لطيبك محبك ومغليك =وفعلك ينومس يابوزيد الهلالي
ولعل من هيض قريحتك فاديك =لو هو قريبي ماحسبه راس مالي
وكبار الانفس نقص لوما تدانيك =كل ٍعلى جنسه من الناس مالي
وراع النميمه جنبه لايماشيك =ومال ٍ بلا معروف حدر النعالي
ويادارنا مالك حلي يحاليك =لا و الذي ينشي حقوق الخيالي
محمد الهادي نشاء في مرابيك =خيرالبشر يادار باول وتالي
وكريم يابرق ٍ سرى عزواليك =جعله على دار الكرام متوالي
دارالملوك اللي تحل الشرابيك = حكامنا مقدم زحول الرجالي
وياطيرياللي عاليات ٍمجانيك =ياطاهر الاردان يبس البلالي
ثقة فهد واخو فهد فيك تكفيك =مال الحمول الا صبور الجمالي
وكل الوطن لا جا مجالك يحييك = سمعتك عند الناس مثل الريالي
خذها مشاعر صادق ٍ معجب ٍ فيك =واسلم ودم نجم ٍ بالافلاك عالي

[كحيلان الهيلا]

مشاء الله تبارك الله


قصيدة ومجارة ولااررروع



بيض الله وجهك ع النقل

[مشاري الحبردي]

صح لسان الامير
وصح لسان الشيخ

لاهنت على النقل

[فهد العازمي العتيبي]

صح لسانه الشاعر الامير / عبدالرحمن بن ماجد ابن ربيعان العتيبي

ومجاراه رائعه ...

التوقيع

للتواصل على تويتر https://twitter.com/falotaibi5115 ،،

[خلف القثامي]

مشكورين ع المرور الجميل

[محمد بن غازي]

صح لسان سموه الكريم ...

وصح لسان عبدالرحمن بن ربيعان ..

[أخو جوزا]

ولاني عشيرٍ للرخوم الصعاليـك =الربع اللـي يلحقـون التوالـي






صح لسانك يابوعمر ولاهنت ياخلف

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[خالد سفر العتيبي]

قد قيل قبلي من هرجلك هرج فيك
وخــلاك تـكـره واحــد ٍكــان غـالــي

خــلاك تـكـره واحـــد ٍكـــان يغـلـيـك
لوكـان مـن ربـعـك قـريـب ٍمـوالـي

والـجــد مـايـرفـع مـقـامـك ويـحـيـيـك
لياصـرت فـي كـل المواجيـب خـالـي

والخـال لاضاعـت سمـوتـك يخلـيـك
حـتـيــش لـوقـلــت ان ابـوزيـدخـالــي



صح لسان الشيوخ والامراء ولسانك

[مزحم العتيبي]

والخـال لاضاعـت سمـوتـك يخلـيـك
حـتـيــش لـوقـلــت ان ابـوزيـدخـالــي

ياسسلام

بيت قوي جدا من بندر بن سلطان

القصيده هذي ناقش بها الامير بندر موضوع حساس بالحيل وخصوصا البيت هذا اعتقد انه جريء في طرحة

[ولدعساف]

صحة الالسن وبارك الله فيك اخي خلف

لكن هل القصيده لبندر بن سلطان رئيس الاستخبارات الحالي ?

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها