ابن حنس يمدح المواط - الهيـــــــــــــلا *** منتدى قبيلة عتيبة

حمود بن خيشوم العصيمي · 12-Dec-2011, 12:02 AM

يقول الشاعر فهد بن حنس العصيمي( لشيخ رجل الأعمال / مطلق المواط العصيمي العتيبي من اعيان منطقة مكة المكرمه و القبيله .... لاجديد ........ إلا أنه سيشارك هذا العام في جائزة الملك عبدالعزيز طيب الله ثراه/ لمزايين الابل بأم رقيبه ... وقد كان ومازال خلال الفتره الاخيره حديث المجالس
لتوهج حضوره الكبير واللافت ماشاء الله ):

سلامي على اللي بالمنصـه تعـلأ فـوق
على نجد , حوًل يم أهل نجـد مـن قبلـه
من ( أم القرى )ساق الجزاله علينا سوق
حديث المجالس ماش عقبـه , ولا قبلـه
ولا كن ابه .. بين الخلايـق ولا مخلـوق
ولكًن داج امع _الختاخيت _ غيـر ابلـه
ابن عمي المـواط مطلـق عـداه العـوق
فخرنا -- ولد ( فراج ) ياحـي هالقبلـه
راع الوضح (وسام الحيايا) حريب البـوق
حليف السطر مودع اعظام العـداء ذبلـه
لفت نظرة أعيون المناعير قدر- وشـوق
عان اجموع شًعار الجزيـره تهـآذب لـه
وأنا لاستلمت الحبر والبـوك والطـاروق
تنومست من فعل العصيمـي ومـن نبلـه
جمعها مابين أفراسة الرأس , والمنطـوق
وسحب غالي السجاد من حدر ابـو عبلـه
تربع على عرش الوفأ والـردي مفهـوق
وتمثنا طوابير الخطر ما التوأ .... حبلـه
بنا . صرحه المرموق في عالي الشاهوق
إتشبهـر بـه الأجنـاب نـوب وتقربًلـه
أبو محمد اللي يطلـق الوجـه كلـه ذوق
تغنج لـه العـذراء إهيـام / وتخضبلـه,
فخر للقبيلـه بيـن برقـا الحشـام وروق
عان عتيبه الهيلا تشـوش وترقـب لـه
ليأ جأ المزابا واعترأ الجـو عـج النـوق
من الفرز الأول مركز الوضح يكتـب لـه
يبا يسعد أرجال ٍ تحطـه بوسـط المـوق
ليا ساقوا , المسيوق قدم وعلـى الطبلـه
ما جاته بحب اخشوم ولأ مـن الصنـدوق
تعب واجتهد وآرخا . إرياله ( ووجب له )
نزيهٍ ( أعصاميآ ) شهر سيفـه المذلـوق
وأخذها من أنياب الغظنفـر ومـن شبلـه
مشى في طريقه في جلاده وطب السـوق
قلط , ماتوحى في ( روابعهـم ) الخبلـه
جمع خمس من جزل المكارم بدون أفروق
حكرها . وخلا خمس الأمثال تضـرب لـه
تواضع ودين ورأس ٍ أصوك وطيب اعموق
وسخآ يذهل العراف هولـه وينسـب لـه
وليا صار في أرواق القبيله خلل وافتـوق
جدى الرأي يؤخذ من جنابه ويحسـب لـه
يفك الحرج لاستظلمن الـدروب الضـوق
بعيد النظر ينظـر حضـوره وينـدب لـه
وليا ساقوا الفنجال مـن قـدره المرمـوق
يقلط له الفنجال حشمه و( يوهـب لـه )
ضفت فوقه ( إكرزما ) الوقار بثقل وارفوق
وأنا ادري ثلاث اربـاع الاكبـاد مندبلـه
عسى الله يحفظه من لضى الحاقد المحروق
كلأ الحقد قلبه مثـل ماتؤكـل ( الربلـه )
أقوله وأنا مالي ورآها , هـدف وأحقـوق
لكـن الحمايـا تفـرق الحـر والابـلـه
وسلامي على اللي في المنصه تعلا فـوق
يأهل نجد جاكم ذايع الصيـت مـن قبلـه

ويقال أن رجل الاعمال مطلق المواط كافأ الشاعر الكبير فهد بن حنس بجيب lx 2012
على هذه العصماء

آخر تعديل حمود بن خيشوم العصيمي يوم 12-Dec-2011 في 12:09 AM.