لاح برقً فالشمال وهب ذعذاع النسيم!!

[عبد الكريم العازمي]

السلام عليكم ورحمة الله وبركاته

قصيده جديده واتمنى أن تحوز على رظاكم.!!

والمعذره على القصور!!

لاح برقً فالشمال وهب ذعذاع النسيم=والرعود تحن فالمنشاء وعيني للسمآ
والمخايل خيلة والمزن جايله رزيم=يا الله أنك تسقي بنوك عديمين النمآ
والصدر ضايق وجايله من الضيقة رنيم=ضاق جولي من هواء الديره وميقافي حما
ودي أسج القدم وأمشي بدربً مستقيم=بس وين اللي ليا منه نحا الفرجه طما
جيب لكزز وآرد عمان من وكالات البريم =منوت اللي لا نوى الطرقه وشد المحزما
لا أعتدل بالخط يامحمد يصلاه الجحيم=ابلجن يطوَ المسافات ويجتاح الحِما
ولا أعترض دون الوضح والجو فالصمان غيم=والجنايب درهمت وكن شاعيها ظما
يبهج الصدر ودوآ للقلب والقلب السقيم=وما طرالي جاك مرسل يامحمد وأنمآ
اللحون اللحوني وقافي وأنا عبد الكريم=من عتيبه متعبين الخيل قاده وزعما

وسلامتكم

[ضاوي الشيباني]

والله والنعم وصح لسااااانك

[معلا إبراهيم الأسعدي]

صح السانك يا عبد الكريم ابدعت تقبل تحياااتي

[عبد الكريم العازمي]

ضاوي الشيباني


ما عليك زود

وصح بدنك

[عبد الكريم العازمي]

معلا


صح بدنك ولا هنت

[الصويت الثبيتي العتيبي]

صح لسانك على القصيدة الرائعه

[معسف الاصايل]

صح السانك وبيض الله وجهك

[عبد الكريم العازمي]

صح بدنك يالصويت

[عبد الكريم العازمي]

معسف الأصايل


صح بدنك ووجهك ابيض

[سلطان طلحة]

صح لسانك


سلمت يمناك